《原來有一個願意同你傾政治嘅朋友，係好幸福》
近排立法會選舉，
我就發現，並唔係每一個人都願意花時間同你傾政治。
有啲朋友，同佢哋講起立法會選舉，
換嚟嘅係「吓?我嗰區有咩人架?」、
「吓?我其實係邊一區架?」，
然後3秒之後就會轉話題—「哇！有冇睇過嗰隻斷片酒呀。」
不過同時之間，
我都發現有班平時都係傾「無聊嘢」居多嘅朋友，
原來對政治話題都「追得好貼」。
一句:「點呀，今屆點睇呀？」
就佔據咗成餐晚飯,
甚至製造咗連續幾晚嘅WTSAPP短訊紀錄。
呢班朋友會睇好多選舉論壇，
講到某一區，數到晒９成候選人名單，
知道而家嘅政治氣候,
有自己嘅睇法,
最重要係唔會逼你跟佢個睇法。
雖然我哋成班唔專業，好多片面之詞，又影響唔到大局,
喺呢個動蕩時代,政治更多嘅係估計，市面多數係流言，要接觸真相並非易事，大家都明白呢種「討論」分分鐘係白費心機。
但我覺得冇所謂，
好似追一套韓劇咁，個故事何況唔係虛構?
你嘅討論何況唔係一堆不存在現實嘅故事?
正因為投入、正因為著緊,
所以你好想講,好想畀人知你嘅思想,好想得到更多思想。
政治都係一樣。
我唔敢講同朋友嘅討論係好高質素,但真係有唔同角度。
關注永遠都係第一步,
而有第一步就會引發將來嘅「身體力行」。
見住一班朋友，
平時WTSAPP句子都係幾隻字，呢幾日閒閒地都幾段，
幾秒嘅voice msg變幾分鐘。
而大家最認同嘅就係「9月4日，去投票。」
有呢啲朋友，係件幸福嘅事。
ig：cheungson88
唔係虛構 在 京＋怪奇實測挑戰100條蕉皮有幾滑！踩蕉皮滑倒係虛構藝術 ... 的八卦
MM #Weekly_pedia // 實測100條蕉皮有幾滑！19世紀美國人的惡夢蕉皮導致終身殘廢？搞笑諾貝爾獎得主拆解蕉皮秘密！ 無論是電視電影，抑或漫畫動畫， ... ... <看更多>