其實，如果去海外留學，思鄉是必然的，偶爾一餐中菜也是必須的。但我必需要再提各位留學的朋友— 唔好淨係群返自己香港人的圈子。
我唔係話要白鴿眼睇唔起自己香港人，而係世界很大，你去留學而唔係被流放，留學最重要係學習一個完全不同的文化，學習或理解別人的文化、飲食與歷史，也是對個人成長很有幫助的。否則，你日日都係群返自己香港人、食返中餐、回家上網睇港劇，三四年過後，你的留學感想除左「英國好凍、無啖好食、啲（亞洲野）好貴」之外，你一無所得。
而如果你打算在當地長遠發展的話，增加與外國人的交流也是很重要。每到最後一年，總是有華人學生朋友找我，問我能否介紹一官半職。喂大佬，你當我gay版聶瞳咩？Sugar daddies 我識幾個，你岩唔岩？但呢個拎唔到visa 架！就算我真係介紹份工俾你（其實呢... 我都好錫住自己個朵，我要覺得101%必中先敢介紹架）你都要有能力去做，你花了三四年都融入唔到當地，你叫我點信你可以融入到我朋友們的公司？
但到最後搵到當地工嘅人，大部份都係好外向的「陽光男/女孩」。你以為華人社會先係識人好過識字？英國這個階級社會，你識唔到正確的人，你連門口都入唔到呀baby~ 學校的舊生會、課外活動、講座同甚至係義工，都要當佢係金城武咁出盡全力去幹。出黎社會做野，除了實力，就是拼人脈的時間，作為一個fresh grad，實力你就算罷啦，所以你基本上能拼的，就是人脈。
英國唔同香港，唔係當fresh grad係垃圾咁玩，如果你本身有實力，又識到人，唔少前輩會願意拉你一把。我見證過起碼兩間公司，度身訂做去整一個職位出黎，就係為左請一個從香港來的新人。
聽上去很童話很夢幻吧？但你永遠不知道公主在找到青蛙王子前，要跟多少隻青蛙接吻。所以，努力擴闊你的圈子吧！
#唔係真係叫你去錫人地個CEO
#呢個係比喻呀
#國際級床單
#待人接物唔係待人接吻
#今晚我返屋企就寫蕃茄食譜
#約左隻法國仔
#啲待人接物技巧好到不得了
#附圖係在倫敦的華人必去的EatTokyo
#平靚正咁囉
原文：
https://www.facebook.com/1784601331841847/posts/1963348863967092/
