【原來最殘忍嗰個係Cherry！講到好大愛其實只係自私精】
琴晚《不懂撒嬌的女人》終於大結局，講真，王浩信飾(Saving)喺劇裡面對唐詩詠(Cherry)真係好好，無論幫她賠錢比前度賤han，定係為她搵最好既牛肉麵、教她撒嬌、彈結他製造二人世界，甚至愛到面對自己既恐婚症.....原本價值觀完全唔同，因為愛佢而甘願改變，令到兩個唔同世界既人可以喺埋一齊，種種行為都係深愛唐詩詠既表現。另外唐詩詠又好愛王浩信，成件事就係兩個人為對方遷就、付出，如果一生一世就好完美，對吧？
但最後唐詩詠竟然扮到好「大愛」咁話唔想自己影響佢創業，所以選擇離開，等佢實現夢想。去到呢度我想問一句：下，結婚同創業有咩衝突？講到好愛王浩信所以放手？！係咪腦殘？其實王浩信都已經為左佢克服恐婚症啦，仲要一直以黎佢做左咁多野，付出既錢、時間、心機係假架？當人係兵咁樣用完即棄？你估唐詩詠走左王浩信會開心啲，定係一齊捱、一齊結完婚再開公司開心啲？
最最最頂唔順王浩信專心做自己生意，希望可以喺創業成功後同佢重新一齊，可惜實際上唐詩詠先唔會咁好等佢！王浩信有日撞返唐詩詠，冇錯，見到佢本來係好開心，不過竟然見到唐詩詠同人地既訂婚戒指.....王浩信忍不住爆喊，由心底裡面痛出黎，就係嗰種付出左又有結果、等極都等唔到既感覺。明明發現王浩信係ICQ初戀男朋友、對佢一心一意，加上等左佢2年喇......唐詩詠都不為所動，除左「雞，全部都係雞」我就諗唔到有任何拒絕原因。
相信睇完呢個劇集，港男對愛情會更加失去信心：原來一直堅持、付出，最後深愛過自己既女人居然同人地遠走高飛？！完全是愛情騙案啦！有人話編劇寫得唔好，質疑點解有好男人唐詩詠唔揀，偏要將人地玩得半死先分開。我就覺得個結局先貼合現實，現實中就係有呢啲仆街啊！有個咁愛自己既男人唔揀，係都要為左「喺35歲前結婚」呢啲所謂既目標分手，真係想講：「點解你到最後都係一個只為結婚而結婚既女人？」
一開始既唐詩詠真係好好(睇返我之前篇文)，但依家原來真係會變，幾愛大家都係假。
