第二次在倫敦過新年，上一年落著雨還是很熱鬧，今年天清氣朗，更是遊人如鯽，擠得水洩不通。據聞今次有七十萬人參加，我作為香港人慣性望一望個數字係咪警方公佈，咦？好似係大會講架，咁點解會報細數架呢？你問我，我會話就算你話有一百萬人參加，我都會信，因為場面真係好盛大兼熱鬧。
黎到唐人街梗係要食中餐，十一點半衝去排隊，都要等一個鐘。甫坐下，剔好點心紙就交給侍應，誰料對方說今天不准加單，要什麼就一口氣點齊。呃… 這種「以萬物如芻狗」的態度，終於讓我終於找到一點香港過年的感覺了。點了餐後上菜，茶都未到，甜品已經上左第一，之後再黎餐包，嗯… 這絕對是香港的感覺---無論中菜定西餐，前菜餐湯麵包主菜甜品一定打到亂晒！
雖說服務如此，但味道還是很對辦的，在唐人街那怕在最忙碌的節日，你還是可以吃到會流沙的流沙包、即叫即做的腸粉、炸得會燙口的明蝦球，價錢雖說比香港貴了三成，但味道倒不輸香港一般酒樓。
吃完飯，一出門口就遇上了獅子採青，這裡會有獅隊逐店拜訪，只要你在門前放了生菜和利是，他們就會拜訪，當然，什麼梅花樁、兩層樓高採青是不可能的啦，佢地舞得郁個獅頭我都收貨，都唔好話醒唔醒獅了。
到處走走，基本上成條唐人街係堆滿晒人，行都行唔到。呢個時候我真係好想學因「田北俊於2016年香港立法會選舉中為其抬轎，卻只獲2萬多票，令自由黨失去所有立法會直選議席」的抬轎變扶靈無功能組別區議員西門梓，即李梓敬講句：「不認中國人勿逗利是、勿寫揮春！」成班鬼佬又唔係中國人，慶乜鬼野祝新年姐？返屋企啦！千幾年歷史的新年係建國幾十年嘅中國發明架，當然只有中國人、或是認同自己是中國人的人才可以慶祝！什麼？星加坡、馬來西亞人也慶祝新年？不要緊，總之他們都是中國人就是了，大把高官都係拎住外國護照話自己係中國人架啦。
但係，講又咁講，鬼佬過年新又真係唔興封利是，同事之間都唔會派利是，在華人地區叫「心意」，但去到歐洲辦公室就叫「行賄」，我跟同事解釋咩叫利是的時候，年輕一點的鬼佬同事不能理解點解過節要派錢俾非直系家屬，例如同事、甚至係看更？而如果派利是俾看更係希望對方來年更盡責看守你的家園，那為什麼不派給警察呢？等一下，那不就是賄賂了嗎？那心意到底是什麼意思呢？
黎到呢個位，我真係答唔到，我當時只能跟同事說：Don’t ask, it’s Chinese magic.
最後說真的，想感受一次過年的節日氣氛，黎倫敦啦！這裡有節日的活動、有文化的氣息、有人群的熱鬧，卻沒有那些麻煩的教條或是煩人的拜年，禮失求諸野，你會發現倫敦的新年慶祝，成功保留了在很多地方的新年，都消失了的元素：歡樂。
#避年
#每次聽到都覺得好笑
#咩節日慘到要迴避
#咁仲叫節日嗎
#重陽節登高的變奏
#來互相傷害吧
#赤口
西門梓婊揚系列傳送門
https://www.facebook.com/mrwifelondon/posts/508981629481432
咩節日慘到要迴避 在 幸運飛艇ptt - 火影之朝佚千名- www.tpiebna.com.tw 的八卦
火影之朝佚千名: 幸運飛艇ptt, 因為她和那兩個男人的事是她親口告訴我的，若是她不答應我丈夫的話，我會生氣的告訴她，會跑到別的地方與別的女人亂搞的。 ... <看更多>