海洋公園嘅熊貓「佳佳」近日離世，Youtuber 司徒夾帶就貼左張Ali 李佳芯嘅黑白車頭相出黎抽水，話：「聽講佳佳走咗⋯⋯咁究竟係吳岱融嗰套定方中信嗰套？」（李佳芯係【巨輪2】同【律政強人】均有參演。）
帖文一出，大批網民，包括司徒夾帶嘅fans，都留言插佢：「水唔係咁撚樣抽ga,柒頭！！！」、「你幫兩位公子積下福好嗎？」（司徒夾帶剛生下孖胎。）連李佳芯嘅官方fanclub都發文，強烈譴責司徒夾帶嘅言論：「本會對有網絡知名人士(俗稱Youtuber)借逝世熊貓佳佳為名，公開對TVB藝人李佳芯作出抽水式的詛咒及侮辱行為，表示遺憾及強烈讉責」
之但係，亦有少部分留言撐司徒夾帶，覺得網民雙重標準，咒洪卓立死就得，但抽李佳芯就唔得：「我屌撚哂樓上，你地玩洪卓立就係風趣幽默？」
不過，司徒夾帶後尾都有補飛，出多個post話：「噢⋯原來係佢（熊貓佳佳）走咗……」，但仍然難逃被插命運。
#我就覺得 #咒人死ok我接受到 #我成日都咒人死
#但熊貓佳佳同李佳芯有咩關係 #劣抽左
#笑點404 #單野都幾無聊 #抽著網絡女神
傳送門：goo.gl/58uQ1R
