我可唔可以講一件同反送中完全無關的私事？
是咁的，最近上司大人好似發現左今年年頭加左我差唔多三成人工，但完全唔記得加我工作量，最近終於扔左一隻燙手山芋來到我手上。
有幾燙手呢？呢個project kick off過一次，係失敗嘅。然後由另一個同事reload一次再推出，都係失敗嘅。情況就好似《蜘蛛俠》uncle Ben 都唔知要死幾L多次，佢都未「驚世現身」完。然後入左雪櫃雪左兩年，終於好似美國隊長咁解凍，攤左喺我面前。
上帝，我係祈禱過要一個美國隊長咁嘅男人，你做咩俾個美國隊長咁嘅project我啊？！
Anyway，受人錢財替人enjoy，食君之祿叼君之周，你搵到我出手嘅話，我諗你都係死馬當活馬醫架姐，咁我咪做proposal 囉...
唔知係因為祖宗積德、定係天譴，大老闆睇完個proposal之後好鍾意，仲決定風光大葬，呃...不，是升級大搞，於是，就變成左一個global project... 但budget，係好似我對Dirk Caber先生的愛一樣，一成不變的。（溫馨提示：請勿在公眾場合搜尋Dirk Caber）
就係咁，呢舊燙手山芋就繼續在我手上「我在發熱發亮～🎶」而上司大人也良心發現，私底下增撥了一點人力資源，即係叫大家得閒就幫下手睇住Kevin仔咁啦... 好彩人妻先生平日在office裡都真係廣結善緣，大家一聽到我lead個project都好肯幫手（起碼講係咁講先啦下）。
而上司大人似乎都想借呢個機會鍛練一下我啲英文— 佢想我親自執筆去寫個mass mail 俾全球同事，Kick off呢個project...畢竟「 yes yes deeper deeper oh dear 」呢啲oral English 始終只能在oral時用（🌝），正經嘅商業英語，就唔可以咁寫... 正當我面有難色之際，佢知道我心裡想什麼，就講左句：你放心寫，我幫你執英文，無問題嘅...
事實上，我無辦法去挑剔我上司大人，佢係好俾機會我，呢個project聽落去係好豬頭骨，但細心一想就會明白：一個死過兩次、再delay左兩年嘅project係無辦法再衰，但只要我搞到佢有起息，我就可以叫得做「妙手回春」，解決了四年前人也束手無策的問題。而重點係：佢會容許我犯錯，同埋幫我包底執漏，依家連弱點訓練同埋信心培訓都做埋，我仲可以點挑剔佢？
這種上司真係好難得。
所以，這陣子會很忙，希望加一點努力、再加一點運氣，這次會做得好好睇睇啦～
#其實呢我可以叫我班仔代我寫
#我連求職信同CV都係我老公幫我寫
#但當年見工真係自己見嘅
#我聽晚叫狗官幫我寫一定四平八穩
#再唔係可以叫律師仔寫都得
#無業遊民那手商業英文也是一流
#其實請我一個等於請左一隊專業人士做野
#真係好抵
#但做人唔可以咁
#咁樣同漫畫入面啲淨係靠後宮嘅廢物男主角有咩分別
#我要證明我就算唔靠男人都可以做得好
#我覺得自己好有大志囉
#其實只係寫一封唔好太詞不達意的電郵有這麼困難嗎
#歡迎光臨巨蟹座的內心小劇場
#我有時候都覺得自己呢啲小劇場好煩
咁樣同漫畫入面啲淨係靠後宮嘅廢物男主角有咩分別 在 english cv是什麼-推薦/討論/評價在PTT、Dcard、IG整理一次看|2022 ... 的八卦
真係好抵 #但做人唔可以咁 #咁樣同漫畫入面啲淨係靠後宮嘅廢物男主角有咩分別 #我要證明我就算唔靠男人都可以做得好 #我覺得自己好有大志囉 #其實只係寫一封唔好太詞不 ... ... <看更多>