有關美國槍擊案引申的槍械管制，是一個很複雜的議題，雖然我傾向支持有限度管制，但我都係交返俾專業的去評價比較好，而我呢啲師奶仔嘛，都係評價返另一個師奶算了。
呢個世界上，似乎只有香港建制派有這個特權，可以俾一個議員肆無忌憚地向其他國家的天災人禍贈慶。在民主國家，要是政客有這種言論，一定會世界嘩然，然後政治生涯劃上句號。但幸好，這裡是香港，奇蹟一樣的香港，畢竟議員可以唔代表香港，所以說了這些言論，也不會有什麼後果。
有趣的是，和美國嘈到就快要打仗、出名癡線的北韓金仔，都冇走出黎話獨裁最好，美國太自由唔好。而我唔知點解蔣議員如此痛恨美國，人地北韓都未出聲，你地嘈咩姐？好啦，北韓政治智慧的確又真係比你高一籌，我拿你們比較又真的有欠公允。咁不如唔好講北韓，我地講返你主人中國好冇？你望下北京有邊個達官貴人，上至習大大，下至外交部長，會跑出來幸災樂禍？係無架。你知唔知幾多領導的子女都係揸美國護照？發生槍擊案的拉斯維加斯，又係幾多富二代鍾意去嘅銷金窩？正所謂可憐天下父母心，高官們對美國槍械管制這議題的關心，隨時遠高於香港誰人當特首，幾時輪到你說三道四？
好啦，我就當你唔識睇高層眉頭眼額，你唔諗下人地，都諗下自己家姐蔣麗華。佢嫁左去美國咁自由嘅國家，你做二妹嘅係咪應該擔心佢一下先？不如叫民建聯成功爭取一下，幫佢放棄綠卡返黎香港？唉，講起大家姐，真係令人感到擔心佢已經被自由個人主義荼毒太深，連自己四妹蔣麗莉2011年串謀詐騙定罪坐成三年半，都唔返黎旁聽，我覺得蔣議員與其拎槍擊案黎講太自由唔好，不如拎返自己四妹呢個case返黎講仲好啦：去左美國投奔自由就唔返香港啦，陰功～
講起自由，如果當年蔣震唔好咁自由，提早十零年實行一孩政策，就只會有一個投奔自由光宗耀祖的女兒，香港也能免卻一場災難，也能少了一個騙子，說到底都是自由惹的禍！
#避孕救地球
#中國人是要管的
#咁三家姐呢
#三家姐冇事只係佢老公早前醉駕停牌姐
#吠之前都望下你主人臉色先啦
#係咪好不滿何君堯呢期成日見報
#所以要幫自己炒新聞
#其實歐洲都禁槍
#乜歐洲好唔自由咩
#其實槍同自由冇一個必然關係
#議員同有腦都冇一個必然關係
#只要係同美國有關就一定係自由作怪
原文連結：https://goo.gl/JTqUR5
咁三家姐呢 在 入侵性肺炎鍊球菌 的八卦
入侵性肺炎鍊球菌. 41K views · 14 years ago ...more. Boris Tung. 54. Subscribe. 54 subscribers. 115. Share. Save. Report. Comments12. ... <看更多>