寫呢個專頁，外人會以為我搏出名，其實與之相反，我不太想出名，我喜歡過我逍遙自在的日子。我可以閒來無事落吧俾仔溝、又可以得閒開grindr識下公司附近班仔（話說最近又識到個在公司附近的醫生叔叔，下半年律師仔又搬來我公司附近，我的午飯時間倒不愁寂寞了）咳，說遠了，總的來說，我其實樂得無名，我好清楚知道自己不可能被全世界所喜歡，我想專注喜歡那些喜歡我的人。
咁寫呢個專頁為乜？唔為名，亦唔為利（你唔係以為我靠呢度開飯呀嘛？）其實只算係為左好玩吧？
人妻先生好貪玩，乜都敢做乜都敢試，我相信開live煮意粉仲要煮到超晒時呢種咁癡線嘅行為，應該冇幾多個專頁的主人會做。我想講嘅係：雖然我好緊張，但我其實很高興有機會做一啲自己從來不會做的事情，每一天我都希望會有一點的突破、一點的進步。
話說上星期婊完一田百貨的專頁自稱Whittard這英國茶店是「皇室御用」後，意外在讀者留言裡得悉TWG疑似向Mariage Freres 「致敬」事件。咁人妻先生又真係好鍾意做fact check，所以就去左佢地專門店踢場。
老實說，100G賣80蚊港紙的Rouge Marco Polo，除返開都係幾蚊一杯，真的非常抵飲。呢隻茶嘅主調係非洲茶Rooibos，特別之處係不含咖啡因之餘，仲有鎮靜等作用，反而會有助入睡，外國人喜歡當成保健飲品喝。我反正咩時候都可以訓得著，不用擔心這個問題，我比較看重味道，這茶有濃烈的水果香氣，入口微甜卻沒有紅茶的苦澀味道，非常清新，非常適合下午茶拿來配英式鬆餅！
而另一盒茶，Paris Earl Grey... 我還未開封，但是在店鋪裡選購時，我一把它的茶盒打開，立馬就醉倒了，這是我遇過最香醇怡人的伯爵茶葉，沒有之一，這茶葉好到那怕入門者如我，都即刻分到並非凡品。100G索價200港元，貴嗎？寧不知、傾城與傾國？佳人難再得！其實除返開都係十蚊八蚊港紙一杯，你去Starbucks 飲杯虐待味蕾的咖啡味糖水都唔止呢個價啦。
我寫一篇文，婊揚好人好事之餘，還可以拋磚引玉，拿到新情報買到更好的東西，你話係咪好過癮？人妻先生最驕傲的地方，從來不是自己啲文，而係我卧虎藏龍的讀者群，有大家你來我往咁玩法，我點捨得唔出文？
#再見TWG
#變節
#呢間香港無鋪頭
#買返黎做手信一流
#傻啦我保證你買完唔捨得送出去
#我依家成日心思思想開罐伯爵茶
#索茶葉索到high左
呢間香港無鋪頭 在 突發！ 全港首間宜得利NITORI | 大間行到你無氣| 滿$200減$20？ 的八卦
香港 首間Nitori日本家品店 充滿簡體字+大量中國製 似淘X實體店? · 突發！ · 以巴突发大规模武装冲突，中国成为最大躺枪者，可能引发中国经济崩溃.（ ... ... <看更多>