【屯門公園一眾舞王舞后速速迴避！樂壇諧星軒軒祖祖舞動街頭】
張敬軒早前放棄治療，化身樂壇浩劫「火龍果」驚慄出道，令正版貨祖兒姐大動肝火。感動嘅係，軒叔叔終於痛定思痛，喺較早時份勇敢接受治療，經過一輪調教，Regular 正常版張敬軒無穿無爛咁同大家見面！
由於火龍果嘅舞姿，對樂迷造成不能磨滅嘅陰影，所以喺治療期間，軒叔叔接受一連串舞技特訓，包括每日做4000小時帶氧運動、每星期觀看祖兒演唱會DVD 616次、每日無間斷跳59次祖兒Dance Medley，軒叔更私下向阿 Sa 阿嬌請教打側手翻秘訣，從而改善其復健舞姿，好學不倦態度令人欽敬。
經過連日來披星戴月嘅訓練，升級版張敬軒終於隆重登場，今次再同祖兒姐嚟個一年一度 crossover，飛躍街頭舞池，二人視骨質疏鬆如無物，大跳勁舞，軒叔落力練習，舞功大有進步，屯門公園呀「雯雯」都要企埋一二邊！想見證呢對樂壇諧星點樣舞動街頭，記住今晚捕定電視喇！
#張敬軒 #容祖兒 #兩位被跳舞事業嚴重耽誤嘅諧星
#記得捕定 #MV首播前有成12條宣傳片
#當中有大量神秘密碼 #可能仲多過黃色大門歌詞入面啲密碼 #唔知有乜暗示
