【 #他們的愛情故事 - 英國跳水王子奪金全靠丈夫一直背後支持追夢 】
「我希望所有LGBT的年輕人都能看到， 不論你現在感覺多孤單，你並非孤獨一人，你也可實現你的夢想。」
.
英國跳水王子Tom Daley不單止靚仔好身材超吸睛，仲喺奧運觀眾席織冷衫，反差萌令佢變成全城焦點～但Daley背後嘅追夢辛酸史大家又知幾多～
.
Daley喺東京奧運男子雙人10米跳台獲得金牌，仲同大家講：「我以身為同志和奧運冠軍為榮！」Daley由7歲就開始學習跳水，喺2008年奪得歐洲錦標賽跳水項目金牌，成為史上最年輕的跳水金牌得主；同年，他代表英國出征北京奧運，當時已有「跳水王子」稱號。
.
但喺學校竟然成為同學欺凌對象，加上代表國家出賽為佢帶嚟沉重壓力，Daley講返：「有一段好長嘅時間，我經常保持沉默，個人太壓抑令我無法受訓……一講到跳水時，我都會好尷尬，接受唔到讚美，就算人哋讚我，我都會擔心自己被嘲笑。」Daley爸爸係佢成為跳水運動員路上嘅精神支柱，但爸爸2011年不幸患病去世，Daley強痛參賽喺2012年倫敦奧運獲銅牌，但喪父打擊、未能奪金嘅壓力，再加上三頭肌撕裂傷勢，令Daley陷入人生低潮。
.
2013年，Daley第一次見荷里活編劇Dustin Lance Black，對Black一見鍾情，即時抄牌，第日就約見面，仲勁好傾，一傾傾咗幾個鐘，而第二次約會已經變成情侶關係。拍拖半年，Daley喺Youtube Channel公開出櫃：「2013年的春天，我遇見了一個人，帶畀我快樂、安全感，對我人生嚟講係一個重大嘅改變。呢個係一個男人，的確令我覺得有啲驚訝。」Black令Daley重拾自信，Daley坦言：「唔再擔心、唔再害怕，可以做返自己。」
.
原本Daley打算倫敦奧運後退役，加上公開出櫃受到反同人士批評，患上壓力創傷症候群，Black一直為他打氣，鼓勵他：「你嘅故事仲未完，我們嘅小朋友注定要睇你成為奧運冠軍。」令Daley繼續跳水，2016年里約奧運再奪得銅牌。
.
2017年Daley同Black結婚，喺第一次約會果陣，雙方已經有共同價值觀，覺得生命中需要小生命。所以翌年透過代理孕母生咗B，BB名字加入二人姓氏，被問到邊個係爸爸同媽媽，Daley好直接咁答：「我哋兩個都係BB嘅爸爸。我哋愛BB勝於一切。」
.
成為咗爸爸嘅佢，令佢克服東奧賽前壓力，喺東奧成功奪金，屋企人嘅支持同鼓勵好重要～喺度祝福Daley跟Black一家三口一直咁幸福咁Sweet落去！
.
#係愛情嘅魔力 #成功男人背後總會一個默默支持佢嘅人 #只要堅持努力追夢就會成功 #加油 #港式情侶 #情侶 #戀愛 #女朋友 #拍拖
.
睇咗笑完就算？不如追蹤埋我哋啦！
即Like @港式情侶 HKstyleCouple 收聽更多港式愛情趣事、一齊學識點樣愛❤️
IG : https://instagram.com/hkstylecouple
歡迎DM投稿戀愛趣事/愛情煩惱，我哋等緊你㗎😙！
只要堅持努力追夢就會成功 在 別相信「只要努力，什麼事都能成功」！夢想也該設停損點 的相關結果
很多人一提到追夢就會想到丟辭呈去旅行，真正這樣做的人其實大部分都把逃避當作追夢的第一步。要知道，真正有夢想的人是能夠先在原本的位子上尋求全新 ... ... <看更多>