Search
笑死我！我結埋婚大埋肚！雲加都係唔會走㗎！
#識睇一定睇留言
拜人：雲加下年一定得架！
Snow Suen 孫慧雪：分手啦！
=============================
by 霞姐cassy 搞笑 Fd子兵團攬枕共12款 (足球系列全套9款: C朗、美斯、尼馬、蘇亞雷斯，伊巴、普巴、奧斯爾、古天奴、保方），(籃球系列全套3款: 高比拜仁、占士、Curry)，識暗號即減$40
請睇-\-\-> https://goo.gl/Bgn7sl
購買方法：inbox 足球快報
［巴塞帝國興亡史］5000幾字，不過應唔算難明。又，原文仲長，唔關我事。循例利申：唔捧巴塞，但亦唔憎巴塞。畢竟我在魯營入場睇美斯。
TLDR： 西瓜共蟹，唔識莫買。呢篇真係極長。但你要搵人鬧嘅，好簡單，Bartomeu就係屌靶。條友完全唔識足球，亦唔識足球嘅生意。自己唔識都算，又唔知人善任。全歐洲都知佢係水魚，玩到佢謝。尼馬嗰2.2億歐羅，最後去咗邊？另外，買親人都畀貴價，簽親都水貨，人工又畀得高，唔死就奇。但話說回頭，邊個選佢上去架呢？聽講巴塞唔係老細足球油王波喎，咩人選佢上去？最後，美斯份糧亦有一定嘅角色，當然佢係落場征戰嗰個，貪錢嗰個好似係佢老豆，冇乜人會怪佢。同場加映 多蒙特同彭美拉斯點樣玩到Bartomeu謝，笑死無命賠。
＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
1. 真係英雄所見樂瞳，我諗到呢個題，然後原文Simon Kuper最後亦都係用羅馬帝國比喻巴塞。記住，你覺得篇文垃圾覺得我唔識波嘅，請你去鬧Simon Kuper，「不過鬧之前睇下人地咩料子先」。內容主要都係取材自篇文，當然有啲我個人想法，我盡量分開。一係你睇原文咯，唔使錢的（https://bit.ly/3fI5AVE），但你又唔想英文或唔鍾意睇字嘅，咁咪只能聽我講，你自己選擇的。
2. 篇文其實嚟自Simon Kuper本新書，幾日後出（https://bit.ly/3iwl9kN）。唔記得佢係咪特別捧巴塞，但之前見佢都寫唔少巴塞或美斯文，訪問好多人，絶對有資格講。佢本書原本係寫巴塞成功史，點知寫寫下已經見到巴塞盛極轉衰，佢篇文寫嗰時都未知美斯走，但已經預言好大機會。
3. 上篇文比較technical（https://bit.ly/37Hxr3T），而且只係講一單球員交換，講巴塞大鑊到要搞埋啲咁嘅怪雞嘢，但冇解到巴塞點搞到咁，不過個故事太過過癮。今篇我保證，易明好多。真係你打football manger都知係乜事
4. 好似講歷史咁，遠因，近因，導火線。巴塞搞到咁大鑊，導火線當然係疫情，同埋西甲嘅salary cap，巴塞要瘦身。但差不多間間球會都受影響，點解唯獨佢地咁大鑊？
5. 巴塞財政問題，你可以睇Twitter @Swissramble，7月尾已經講巴塞好大鑊，唔係事後孔明．但講真佢啲嘢真係純金融，唔易入口。所以你可以睇我呢篇文講。
6. 近因係巴塞財政狀況近幾年都差，年年都只係勉強頂住，但一個疫情打落嚟咪出事。有幾差？普通人都睇得明：巴塞係全世界收入最高嘅足球會，疫情前唯一一間一年收入過10億美金嘅球會（不過，都係少過一間維他奶！）。但欠落嘅債，去到14億美金。冇錯，長命債可以慢慢還，但大鑊在啲債好多都係短債，好快要找數。咁明晒啦？
7. 你想賣人？嘿，成班老嘢，邊有人買？況且，人人知你莫財，點會唔壓你價？就算其他人真係咁好心，亦都有心無力，其他球會都係十分水緊。好可能De Jong，Ansu Fati或Pedri之類都只能平賣。冇錢就係咁架啦（題外話：所以叫你唔好借錢買股票）
8. 之但係，呢啲都係近因。巴塞點解搞到負債咁多？同埋點解年年蝕錢（收入高都可以蝕錢）？就係遠因。
9. 巴塞嘅收入，疫情前一路係全球頭兩三位。固然疫情下打擊大，仲有啲贊助商又縮數，但照計唔應該咁快出事。咁收入冇問題，就梗係開支出事啦。於是你普通人都估到，球會可以有乜開支？咪就係買人出事，同埋人工出事。
=========================================================
10. 香港文化興搵禍首，我都明。咁今次畀定個屌靶你，肯定係前任會長Bartomeu，佢就係亡國之君。去到現任Laporta時肯定返魂乏術了。今年3月先接手，可以做乜？
11. 陣間會慢慢鬧Bartomeu，但此人根本完全外行，唔識足球，亦都唔識足球嘅生意，絶對係一條水魚，畀人玩到佢謝。自己唔識都算，但佢又唔知人善任。
12. 但，巴塞唔係老細足球嘛，唔係油王大陸錢，喂，會員制架喎。咁所以，第二屌咪屌啲球迷咯。唔係你同我（除非你係有份投票嘅），我地呢啲電視機球迷反而最聖潔。喂，Bartomeu係你班友選上台架嘛，咁唔係啲選民負責返？原本佢只係過渡角色，但2015年（記住呢個日子）6月巴塞在柏林對祖雲達斯，10年內第5次拎歐聯後，佢就大票數再當選。呢次亦係巴塞暫時最後一次拎歐聯。
13. 當然仲有，美斯。或者應該話美斯份糧，可能係美斯老豆。美斯有幾好波已經唔使討論，佢在賽場上絶對冇欠巴塞半分。巴塞近年戰績可能未如球迷預期，但絶對唔係巴塞財困嘅原因，畢竟巴塞唔係搞到冇歐聯踢嗰種情況。不過，美斯份糧，同埋佢對球會轉會嘅參與，似乎亦同巴塞財困有一定關係。
14. 關於美斯，我仲想講多兩句。Simon Kuper寫過好多美斯嘅文，場上固然唔使討論，足球場外美斯並唔係一個特別鍾意權力嘅人，特別麻煩嘅人，甚至唔係一個特別貪錢嘅人（佢老豆就可能係）。美斯要嘅嘢好簡單：佢要勝利，佢要一隊戰無不勝嘅夢幻隊，就係咁簡單。「其他嘢你地幫我搞掂佢」。球員冇理由要理埋球會財政嘅嘢，關我春事。但美斯份糧，弔詭地就搞到巴塞搵唔到美斯想要嘅球員。況且球員亦都知道美斯呼風喚雨，權力好大，佢撐你，高層唔敢唔加人工。邉個高層夠膽同美斯作對？美斯唔係一個權力慾好大嘅人，但佢知自己有影響力（以上都係作者啲文講，你可以去質疑）
15. 我目測香港巴塞球迷遠多過皇馬。但唔好忘記，在美斯嚟之前，巴塞戰績並唔係一間咁「神」嘅球會。固然巴塞more than a club，你亦可以話係中央馬德里打壓，由佛朗哥之類講起。但客觀事實係巴塞在美斯之前，只係拎過一次歐聯冠軍（當然05-06嗰次都唔多關佢事），美斯同拉馬西亞嘅黃金一代，就改變咗巴塞。但，之後呢？
16. 既然巴塞場上表現唔係導致財困嘅原因，咁所以亦唔使鬧朗奴高文之類，歷任主帥都唔關事。球場上嘅得失冇搞到巴塞陷入困境，至於咩轉會簽人，唔係主師話到事嘅。頂多係體育總監，但實際上係Bartomeu，或者其他高層，或者美斯。朗奴高文之類，會務上冇乜say
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
17. 頭先講過，巴塞2015年拎歐聯後，Bartomeu就大熱再當選。所以就由2015年講起。
18. 正如頭先提到，2015年，巴塞如日中天，10年拎咗5次歐聯。多得拉馬西亞黃金一代，當時巴塞財政情況極好，冇人會相信巴塞有一日會冇錢，當時巴塞要乜人有乜人。但就係呢度開始出事。
19. 巴塞嘅轉會，向來都亂嚟。董事局好多人都有唔同意見，至於教波嗰個往往係唔會知嘅。唔好忘記，仲有體育總監要講嘢，仲有……美斯。
20. 但，始終罪魁都係Bartomeu。好簡單，因為呢條友係真係唔識的！但你地選佢上台嘛。原本佢嘅體育總監係蘇比沙列特（Zubizarreta），巴塞名宿，幫佢簽咗尼馬同蘇亞雷斯，聞風喪膽嘅MSN組合。但2015年Bartomeu就炒咗蘇比沙列特，6年換咗5個體育總監。自己唔識唔緊要，但你搵件識嘅好冇？
21. 事後睇，2017年，就係巴塞惡夢嘅開始，但當時你都唔會估到。發生咩事？尼馬走咗。呢個未必係巴塞或者Bartomeu任何人嘅問題。況且PSG畀咗破紀錄嘅2.2億歐羅轉會費嘛。當時點睇都係PSG先係水魚，對不？巴塞拎住2.2億歐，可以買好多人
22. 但，就係Bartomeu將呢舊錢亂咁用。有好多好好笑嘅故事，但，總之好快，全歐洲就知呢條友好多錢洗，又要好快咁用咗佢，亦知道呢條友乜都唔識。真係千載難逢嘅一條水魚，唔昆你對唔住自己球迷。
23. 當其時嘅巴塞，在轉會市場上呼風喚雨，仲要有錢在手，冇乜球員或經理人會say no，未必單單都成，但所有人都會同你傾。2017年尼馬走後，巴塞原本有機會平價買到麥巴比同夏蘭特，但Bartomeu唔要。不過我覺得呢啲不能怪佢，總有走漏眼，況且其他人都有異議，唔係話個個都話要簽但Bartomeu一票阻止。
24. 咁買唔到最好嘅，冇咁好都OK啦，畢竟2.2億歐真係好多錢（雖然PSG都係分期）。問題係，巴塞結果去買嘅，係多蒙特嘅丹比利Ousmane Dembélé。應該冇乜人反對係水貨啦？仲要係用咗1.5億歐羅。
25. 而成件事係好Q好笑的，好似拍賣會咁，明明另一高層同Bartomeu之前一早講明，我地底線只會畀8000萬歐買丹比利。入蒙地卡羅酒店房（同多蒙特傾）前仲夾好，多過呢個價我地就拍枱起身走。結果入到去，多蒙特嘅德國佬，就話冇時間傾，趕住坐飛機，唔會同你講價，1.5億，要就要唔要就拉倒。但結果？Bartomeu都係話好！咁佢係大佬嘛，另外件高層當然冇聲出。因為Bartomeu要同球迷交代，況且佢根本唔識。事後佢仲話丹比利好波過尼馬。
26. 然後大家都知，之後巴塞亦都用咗1.6歐去買古天奴，利物浦合埋眼都識笑，居然有啲咁嘅水魚。錦上添花當然係後來借埋古天奴畀拜仁，然後拜仁歐聯大炒巴塞古天奴仲要梅開二度。我懷疑路明尼加漢尼斯一定有Whatsapp利物浦啲高層齊齊恥笑Bartomeu。至此，尼馬嘅錢已經嘔突，而丹比利同古天奴，在巴塞嘅表現，大家有目共睹。
======================================================
27. 當然，某程度上巴塞係慣咗做水魚的。背後未必係佢地特別笨（Bartomeu就應該係），亦因為佢地嘅文化係「我要嘅嘢就要得到」，反正選會長個個都係拍心水「我要簽邊個邊個」，有問題留畀下手，球迷係唔會理咩財政狀況，話知你下季畀個警務署長我做，今季我就要捧盃。你搵件「理性撚」去選，同人講「我為巴塞長遠著想，我唔會簽人，因為我地再咁搞呢，5年後會爆煲，大家要接受我地未來幾年都唔會有盃捧」，我保撚證你唔使選。球迷就係咁，呢啲就係「民粹」。
28. 又例如，de Jong應該唔算水貨，但巴塞畀7500萬歐。個問題唔係你同我覺得值唔值，最好笑係阿積士都覺得唔值，原本係出面開價3000-4000萬，但有人畀錢要志在必得獨家買斷，唔通唔要咩。
29. 巴塞嘅文化，痴心情長劍，非君不娶。我唔會要一個「de Jong咁類型但平一半」，我就要de Jong本人，幾多錢都要。聽落好型，但你咁拎去做生意，就死得。對家一定當你水魚咁劏。公平地講，似乎呢個唔係Bartomeu年代獨有嘅事。
=======================================================
30. 至於美斯嗰部份，都講過下，佢份人工實在極高。當然我無意批評美斯，波一定係好到不得了，無可取代（否則巴塞就塞走佢啦），咁你可以話「全世界最好波嘅球員要加人工有乜問題？」（同意），況且，亦有話係佢老豆嘅主意，佢自己只係專心踢波，呢啲真相冇乜人會知。但反正文入面都引述巴塞高層講，美斯都唔係一個問題，最大問題係佢加，其他人又會要加，而大家都知美斯出名鍾意幫朋友，Other people’s money，有錢齊齊搵。
31. 當然美斯對外一直都聲稱自己只係專心踢波，但文中又引述巴塞高層講，美斯都成日背後發功。邊個先真，我都唔知。但話說2019年，尼馬同美斯講話想離開PSG，美斯應該係有大力要求巴塞去買。但巴塞真係冇錢，而且覺得唔值（即係，冇錢），PSG開價2億歐喎。結果真係不停做大龍鳳，扮到好似想買，其實只係安撫美斯，「我地盡晒力啦」。但似乎美斯冇咁好呃。最後大家都知，巴塞買咗基沙文，又係1.2億歐，美斯似乎唔多高興。當然美斯係專業嘅，冇因為咁就hea踢，但文入面話佢完全不能原諒Bartomeu。美斯並唔係一個特別鍾意權力嘅人，佢鍾意人地幫佢搞掂晒，「但我話想要邊個嚟你就幫我搞掂佢」，而由始到終佢都係想要尼馬（所以，我估佢真係一定去PSG）。至於基沙文，嚟到巴塞當然亦係唔係嗰回事，更重要係。呢1.2億歐，仲要壯大埋馬體會，反咬返巴塞。「益利物浦多蒙特都算啦，唔好益自己西甲對手嘛」
===================================================================
32. 事情發展到呢度，巴塞已經好似畀白蟻蛀咁，越嚟越吃力。2014-2019年使咗10億歐羅買人（未計賣尼馬嘅收益嘅），多過任何一間球會，但成績明顯唔成正比。
33. 去到2020年頭，蘇亞雷斯受傷，巴塞要搵人，只能夠搵啲平嘢。結果當時體育總監艾比度Abidal搵著北京國安嘅剛果/法國球員Cédric Bakambu。呢單又係一單鬧劇，剛果人收到電話，十分歡喜，卒之唔使在北京睇電視機，就坐飛機去香港，轉機去巴塞。點知嚟到香港開返電話，Abidal先同佢講：唔好意思我地改變主意，你在香港玩得開心啲。我肯定剛果人屌咗佢老母N次。最後剛果人返返北京繼續睇電視機，而家仲在國安（彩蛋：FC過，其實北京有機直航去巴塞，咁點解會去香港？可能剛果人想嚟香港去重慶大廈食咖喱，可能剛果人唔想坐國航，又或者嗰日咁啱冇機。如果係直航件事仲好笑，剛果人去到西班牙人地先同佢講唔好意思）
34. 剛果人鬧劇之後，應該好多人都知巴塞最後簽咗乜水。丹麥人Martin Braithwaite。此人應該都算係水貨啦？呢條友米杜士堡都未踢得掂，居然去咗踢巴塞，好似話在個介紹新球員環節，條友的波晒球技都出晒醜，波都控唔到。「可能太緊張」。文入面都有講，當年連尼加同曉士（Mark Hughes）去巴塞，話有個介紹會，曉士有啲緊張，連尼加同佢，驚春咩，最多咪一百十人嚟！ —點知去到魯營有6萬人睇佢！連尼加幫曉士開脫，話巴塞嘅壓力，唔係人人受得住。
35. 當然，Bartomeu年代嘅轉會，沒有最好笑，只有更好笑。另外有個叫Matheus Fernandes（我聽都冇聽過）嘅球員，亦係同時簽落。係由巴西彭美斯拉買嘅，仲要只係預備組，我以為係隱世球王拿度尼添。固然只係1000萬歐，散紙，但完全唔知係乜事！呢條友甚至冇一個正式介紹會。最後借咗去華拉度列，出咗幾場，返返巴塞出咗十幾分鐘，就踢咗佢返巴西。
36. 當然只係好少錢，但畀你見到巴塞啲轉會係如何亂嚟。連彭美拉斯個體育總監都覺得神奇，「啲人話我發神經呀，叫艾比度嚟買個踢彭美拉斯預備組都冇乜點有得上場嘅小朋友，點知真係有人買喎」。果然水魚唔怕多。大家可以諗下，美斯見到Braithwaite同Fernandes，有乜感想（彩蛋：Fernandes著咗件19號波衫，因為Covid—19，冇人肯著，成件事真係19得很）
37. 然後，就發生咗上篇文講，同祖雲達斯交換球員嘅事件。美路去祖雲達斯，巴塞簽比真歷。巴塞當時已經好唔掂，但急需要一筆「盈利」。上篇文都冇講，因為再搞唔掂，就要Bartomeu自己上身，咁佢當然諗呢啲方法。但啲蘇洲屎就留下之後嘅人解決了。
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
38. 已經打咗5000字，都只係講咗巴塞轉會如何操作。買貴人嘅後果好嚴重，你賣固然蝕錢，但你唔賣一樣每年同你「折舊」，例如比真歷之類，當然cash唔使點比（同祖雲達斯offset咗嘛），但profit -wise每年都仲要拖低條數。
39. 寫得太長，但以上都只係講轉會。唔好忘記，巴塞除咗轉會出手豪，人工亦出得高，美斯份糧亦係一個問題。本來就收入多開支多冇問題，但以wage as a percentage of income，巴塞都係離晒罩嘅（comment會貼圖）
40. 固然Bartomeu任內，都簽咗Pedri返嚟，好好嘅收購，不過真係十件水貨先扑中一件掂嘅。你話拉馬西亞完全斷層，亦唔係，Ansu Fati亦都擔到大旗。但，真係遠水不能夠近火，都講過巴塞嘅問題唔係場上，係財政。你Ansu Fati踢得再好又點？巴塞似乎只能係賣走呢啲好球員，而疫情下，對家都冇乜錢，況且人人知你莫財，當然再壓你價。
41. 爆煲？就唔似會嘅，但，照計賣走啲主力不能避免，點都要幾年調整下。
＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
睇埋今晚，分組賽就全部踢完，都係時間對今屆世界盃作一個初步小總結，講明先，純粹個人感覺，及完全加入個人感情分數，哈哈！
今屆世界盃其實幾好睇，大部份的賽事都非常緊湊，隊隊的水平都頗為接近，沒有絕對的強隊，因為...
當今世上最強的球隊其實是皇馬巴塞曼城
葡萄牙打來打去都是C7
西班牙幾乎輸畀摩洛哥
阿根廷連上帝之手都睇到流眼淚和舉中指
德國更加不用講
墨西哥丹麥瑞典入到16強，幾隊加埋你識的球員有幾多個？
最平均的，算是法國巴西和西班牙，起碼每一個位置都有一個夠份量的球員
但西班牙幾位重心年事已高，大部分攞過世杯和歐聯冠軍，相比之下鬥心好像不太夠
法國就直情沒有重心，本來重心應該是普巴，但...唉！費事講！不過法國擁有當今世上速度最快突破能力最強的前鋒麥巴比，加上忽然普巴的長傳，只要在淘汰賽階段肯譲對手如阿根廷主攻，露出大量空位給這快馬還有把握能力強的基士文打反擊，不是沒有機會走得遠遠的，看看今年的利物浦👏🏻
至於巴西，暫時應該是最像樣，即使不是打得十分好，即使尼馬像在踢街波英雄主義大於一切，但足球講到底都是講個人技術，這方面巴西由後到前始終勝一籌，中場線十分硬淨，卡斯米路👍🏻👍🏻👍🏻，尼馬無狀態但古天奴有，連後備都有兩三個A級球員是最有機會殺入決賽的個人認為...雖然我從來未喜歡過巴西😓👅
而我喜歡的英格蘭呢？
來到這一屆，所有英格蘭躉即使最die hard的都應該接受了英格蘭不是強隊這個事實，見到今屆七號波衫主人是連加特...雖然我是曼聯人...也大概明白到這一屆英格蘭的整體水平😅！沒有任何希望反而可能有驚喜，頭兩場成績好當然跟抽到好籤有關係，最主要是其他強隊渣咗，就覺得英格蘭冇咁渣😅😅😅，而且至今英格蘭最大的殺著不是年輕速度快，不是因為換了血，不是因為...
是時來運到
好波不如好運
哈利卡尼兩場入五球令我想起82年的羅斯，波最緊要入點入靚唔靚有冇難度喺幾遠入三碼定十二碼一點也不重要，希望他的腳風可以繼續順，帶英格蘭入四強甚至決賽，等我發吓夢先！
最後到比利時
今屆我認為可能最隹球員不是C朗美斯尼馬，是夏薩特！真正的大勇大熟有狀態有熱誠的比利時大佬，在車路士屈了一整季，到了世界杯像猛虎出閘，最重要是...
夏薩特不像C朗
他沒有豬一般的隊友
比利時前中後都有重心球員，唯一就是板凳深度不夠，正選如有什麼損傷就冇人替換，唯一就是奇兵費蘭尼個頭，呢招在淘汰賽後段非常有用。
最後，今屆到目前為止並沒有什麼超新星出現，可能現今世界的球探實在太利害，當他們還未成為超新星的時候已經發現到他們的潛質，唯一的超新星應該是那個VAR捉錯處系統，沒錯出發點是很好，但... 足球比賽從來都是包括錯誤，不一定是十二碼才應該VAR，中場批踭也需要VAR, 後場互吐口水也需要VAR, 什麼時間用什麼時間不用是一個大課題，場波停來定去也不是一件好事，今屆出現超多的十二碼是否就是說以往的球證太多走漏眼水平不夠？
最後最後
對我這個睇波精來說一晚有幾場波睇真的很爽，四年一次睇波大哂！
男仕們好好享受這特權了
(今晚英格蘭對比利時場波應該好好睇，好睇在睇吓點爭次名出線，換晒10個後備？攞多幾個黃牌？教練從來不易做😂）
今個星期既英超賽屎真係睇到好臭呀！！
#高天奴古天奴古天樂
#上星期肚痾無出片
多謝大家支持何Wayne足球評論，最近有兄弟提議我開個PayPal ，等有心人可資助頻道。
大家只要click入：https://www.paypal.me/howaynehk
就可以隨意表達心意。
若你希望何Wayne的生活更有尊嚴和更加投入足球的評論，可以在PayPal向小弟提供資助，小弟會繼續努力，並無言感激
??♂️訂閱何Wayne足球評論：https://www.youtube.com/waynehk07
??♂️Like 何Wayne Facebook：https://www.facebook.com/howaynegamer
==========================================================================================
睇完波就記得收聽「何Wayne足球評論」Youtube節目：
「何Wayne測波經」- 預測未來一周大賽+粵語評述
「何Wayne賽後評」- 分析評論比賽，研究得失。
「何Wayne消息」- 為你分析預測比賽以外，球壇的各種消息。
「何Wayne說經典」- 為你分析及回味經典比賽，認識歷史、名宿、借古諷今。
何WaynePSN：howayne07
加入 'FIFA HONG KONG' facebook group NOW!!!
FIFA 遊戲教學
FIFA 遊戲生涯模式
何Wayne's Patreon：https://www.patreon.com/howayne
何Wayne免費球迷會WhatsApp group已開
我會在內和大家交流, 如果想加入
可先向召集人Martin Hui 6193 5590登記做會員
純粹提供電郵和手機號碼及部分個人資料
就可以加入whatsapp群組
多謝大家支持何Wayne足球評論，若你希望何Wayne的生活更有尊嚴和更加投入足球的評論，可以在
Patreon：https://www.patreon.com/howayne
加入專屬會員：https://www.youtube.com/channel/UC_RR2Wb4Jl4V_xMLGKJZ3Jg/join
若果大家冇信用卡，可以用tap and go
首先去play store down tap and go app,然後去OK/7-11買一張tap and go卡,
100蚊一張 跟住跟步驟申請帳號,輸入卡號,咁樣完成了內存就有100蚊
希望可以幫到各位觀眾
PayPal：https://www.paypal.me/howaynehk
AlipayHK：howayne@icloud.com
轉數快：howayne@icloud.com
隨意表達心意，向小弟提供資助，小弟會繼續努力，並無言感激
大家可以在電腦我的YouTube主頁
在訂閱旁邊按一下「加入」
或者到以下網址加入專屬會員：
https://www.youtube.com/channel/UC_RR2Wb4Jl4V_xMLGKJZ3Jg/join
或Patreon：https://www.patreon.com/howayne
每月只需$25HKD或$3USD，可享有專屬會員待遇
可在社群收到專屬直播link
1. 欣賞每月推出的獨家賽前即時分析直播
每月揀選精選賽事做賽前即時分析直播
精選賽事前30分鐘進行直播，和大家討論剛剛收到的陣容+戰術預測
2. 直播節目可和頻道專屬會員即時互動
3. 可使用下列自訂表情符號
4. 可在留言和聊天室中顯示專屬的頻道會員徽章
??♂️訂閱何Wayne足球評論：https://www.youtube.com/waynehk07
??♂️Like 何Wayne Facebook：https://www.facebook.com/howaynegamer
#夏維迪斯
#施耶治
#車路士
巴西中場球星古天奴（Philippe Coutinho）早在2018年1月離開利物浦，轉投西甲班霸巴塞隆拿。這宗牽涉1.45億英鎊的重磅交易距今已近3年半，巴塞竟仍. ... <看更多>
【Now Sports】巴塞隆拿中場古天奴否認上仗拒絕入替，而且率先向新任教練沙維示忠。巴塞隆拿在上場西甲被切爾達連追3球逼和，賽後爆出古天 ... ... <看更多>
古天奴 在 菲利普·库蒂尼奥- 维基百科，自由的百科全书 的相關結果
菲臘比·古天奴·科雷亞（Philippe Coutinho Correia，葡萄牙語發音：[fiˈlipi kowˈtʃĩɲu]，1992年6月12日－ ）是一名巴西球員，司職進攻中場，也能擔任翼鋒。 ... <看更多>