阿婆成世都冇話過要做公主，但當我問佢想唔想做一日公主，佢又話「好喎！」真係一種好值得表揚嘅人生態度，正所謂「有得做，點解唔做？」
今次拍攝真係好開心，因為阿婆超級high（去完講足兩個禮拜），原來佢好鍾意城堡（原來！仲問「點解唔住喺度？」）；喺屋企就撞聾，有得玩就耳聽八方（平時我同佢講嘢佢又聽唔到呢吓？）；由頭食到落尾（一見爆谷，佢個表情係100%「咁大件事冇人講！」）……總之，見到呢條𡃁妹開心，本尊都老懷安慰。
*同埋有樣嘢要讚，香港迪士尼樂園確實「輪椅-friendly」——呢一點，輪椅上嘅人唔會明（佢淨係負責叫我快啲），唯有推輪椅嗰個先會明。
#去完你估吓邊個最累
#有公主就有奴隸
#15MagicalDreams
