升職請食咩的八卦，DCARD、PTT、MOBILE01和Yahoo名人娛樂都在討論

收到阿媽WhatsApp，叫我放工打畀佢，跟手就直接打過去：「喂，做咩事？」

阿媽：「哎呀，你放工先打嚟吖嘛，一陣老細話你辦公時間講私人電話。」

阿媽由細到大都灌輸一種要服從公司，服從老細嘅價值觀畀我，如果唔聽話，公司會唔加人工，唔升職，甚至會炒，好可惜我呢個仔永遠都唔聽話，做親啲嘢永遠都係相反。

「我冇返工呀今日。」

阿媽：「又唔返工呀？一陣老細唔鍾意呀，唉，睇下邊日得閒，我哋三仔乸出去食飯做節啦，星期六晚好唔好呀？」

「閒日好啲喎，下星期一或者二好唔好？」

阿媽：「閒日我點等到你9點呀？你咁晏收工，我平時7點幾食飯喇。」

「我辭咗工呀，之後會準時6點走，早走都仲得。」

阿媽：「又辭工？」（唔知點解佢用個’’又’’字，上次我辭工已經係幾年前）

「係呀，所以幾時食都得。」

阿媽：「大個仔喇，唔好少少唔開心就唔做，人要長大先得㗎，唔係點娶老婆呀，你係咪想老咗冇人照顧吖。」

點娶老婆我就唔知，但我知自己其實長大咗，仲係三次咁多，以下文字嘅出處係韓劇《請回答1988 응답하라 1988》，未睇過都一定見過以下幾句：

「人會長大三次。

第一次，係發現自己唔再係世界中心嘅時候；

第二次，係發現即使幾努力都好，仲係有好多嘢無能為力嘅時候；

第三次，係明知道有啲嘢無能為力，但仍然會盡力爭取嘅時候。」

有00後嘅朋友同我講，佢喺今個夏天一次過進化晒三次，亦有較年長嘅朋友同我講，佢一早經歷咗第一二次，去到呢兩個月，佢先經歷埋第三次長大。

你呢？

我有一刻諗過，批准呢個故事登出嚟，可能《辦公室日報》都係姐夫嘅棋子。

「出嚟做嘢唔使撕爛塊面，留個下台階畀大家，我唔會正面同佢講知道啲乜，不過我要佢feel到我知道咗啲嘢。」

呢行嘅人如果有睇，好難唔知喎！

＝＝＝＝＝＝
《臥底 8》

同Gilbert一齊將幾個死客救返生，姐夫同我講：「你做出嚟嘅嘢超越咗5萬蚊人工啦，我封咗蝕本門。」

「都唔係㗎，嚴格嚟講只係同呢班幾年冇郁過嘅客破冰，起碼傾嘅嘢好solid，暫時係一間落咗單，其他幾間未真正send PO嚟。」

姐夫：「問題唔大啦！冇一間公司想畀一個供應商牽住個鼻走，個價ok，啲客有得揀，除非佢哋癲到收回佣咁猖狂，否則有啲單點都會轉過嚟，你預會陸續收到PO啦！」

「點解我哋之前報啲價咁貴？呢啲公司嘅size唔細㗎喎，我哋報畀其他細客仲平過佢哋，Daniel之前又會批阿Rick報啲離地價，我唔兜圈喇，係咪有啲嘢啫？」

姐夫：「所以問題喺Daniel度，阿Rick、肥仔風，仲有Cliff手上啲客都有咁嘅情況，不過佢哋只係Daniel嘅棋子，反而Cathy同Candy就冇，因為佢哋工作上係跟Gilbert比較多，Gilbert把關就唔會出現趕客嘅情況。」

「即係Daniel收回佣？」

姐夫：「應該冇，不過有人話我知，佢老婆原來喺我哋competitor公司做，我哋呢班做唔到嘅客，正正係佢老婆handle嘅大客。」

「你點知㗎？炒佢吖嘛！」

姐夫：「呢行有幾大吖？做同類型product又入流嘅，香港得三至四間，以前喺度做嘅同事有腳會走㗎嘛，去咗competitor公司有幾奇？其中一個當年係同Louis炒大鑊走嘅，Louis以前都好麻煩㗎，係呢一兩年回晒塘，當年個同事仲私下向我反映Sales Team嘅問題，佢唔係第一個㗎喇，坦白講，你估我作為老細睇唔到咩，但係Sales Team係公司命脈，啲人唔係話炒就炒，可能會帶走啲客，所以一定要部署，何況唔會有證據見到Daniel同佢老婆瓜分啲客。」

「好彩個舊同事話你知咋。」

姐夫：「當年呢個Sales走，係同Louis唔啱，佢去見工，Louis唔畀HR出一封正常嘅reference letter，死都要親自操刀，寫人哋係畀公司炒，個Sales根本搵唔到工，特別係做返呢行，佢冇晒辦法唯有搵我，然後我親自出封reference letter畀佢，仲同HR講，如果有人打嚟reference check直接駁畀我。搵食啫，唔使趕盡殺絕，香港好細㗎咋，封晒佢後路，反咬你一口咪仲煩，個Sales係憎Louis唔係Daniel，不過佢有次行街撞到Daniel拖住個女人同個小朋友，而個女人就係佢公司個Sales Manager，仲有send相畀我。」

「但係呢個Sales都去咗Competitor，你唔驚咩？」

姐夫：「正常競爭有咩好驚？做生意係鬥質素、服務、價錢，來來去去都係呢幾味，但係我忍唔到公司內部嘅來價、定價、下一步點做，仲有好多數據都畀人拎出去睇住嚟食，睇住嚟copy，你仲要mark高個價等我公司自動投降，連公平競爭嘅機會都冇，有班客睇完quotation連入場劵都唔畀我，而呢班客全部都係Daniel老婆手上嘅大客，有一排真係嬲到瞓唔著，好在晚晚Pillowtalk 有你家姐安慰我。」

「報ICAC啦！」

姐夫：「香港仲有ICAC㗎咩？gag嚟㗎？其實阿Rick性騷擾Candy單嘢，唔係我預期之內，我冇諗過咁快有機會抽起阿Rick啲客出嚟畀Gilbert。」

「聽講......你叫肥仔風跟大陸班客，佢唔肯喎。」

姐夫：「Candy個八妹同你講哩。我唔止叫肥仔風relocate深圳office，Daniel都要，人工同埋title都會再升佢哋，完全冇虧待，逆市加薪，不過以後跟大陸客得喇，香港啲客擺低，肥仔風不足為患，我係等緊Daniel，佢話要考慮下。出嚟做嘢唔使撕爛塊面，留個下台階畀大家，我唔會正面同佢講知道啲乜，不過我要佢feel到我知道咗啲嘢。」

「好複雜，肥仔風真係掟晒keyboard話寧願辭職都唔去喎，我估Daniel都冇咁順撻。」

姐夫：「賭個早餐吖，肥仔風一定唔會辭職。」

第二日返工開例會，Louis率先宣布肥仔風會上深圳office睇住，Daniel就未見動靜，後來姐夫解釋，愈係聲大大，愈係強調自己隨時可以走嘅人，其實根本就唔想走，嗰啲真正會走嘅人，心裡面揀好日子，頭也不回就bye bye㗎喇，所以未擔心過。其實肥仔風本身可以留喺香港，但見我話呢條友會令同事產生負面情緒，求其掟埋上去當陪Daniel囉，雖然未知最奸嗰個會點揀。

呢個邏輯，我喺Cathy同埋Candy身上睇到，Cathy係十分安靜地舖排後路，而Candy就得個講字，friend都係咁話，當然，佢屋企人個問題係後顧之憂嚟嘅。

坦白講喺姐夫身上真係學到好多嘢，呢個早餐抵輸畀佢，將來如果有機會自己開公司應該用得著，特別係佢同我講，做老細又好，做人上司都好，睇人一定要準。喺姐夫眼中，公司只需要分三類人，第一類係可以安排工作嘅心腹，呢種人嘅能力唔一定要出眾，啱啱好就夠，最緊要關鍵時刻信得過，靠得住，我相信呢種人係Gilbert。

第二類就係能力高，不過個心唔係同你搭埋同一條船，雖然係叻，但利益行先，今日可以幫你，聽日可以調轉槍頭，如無意外，係Daniel啦！

第三類係平民，肥仔風、Cliff、Candy、Cathy，簡單嚟講，呢班人唔帶畀你特別嘅麻煩就得㗎喇。

至於點解條team嘅基層好似走馬燈咁轉，Old Seafood又踢極唔走，原因就係上面要維護自己嘅利益，下面班人冇肉食，好多嘢綁手綁腳好難做，又撳住唔畀你上，工作冇突破，仲要迎合咁多文化同規矩，又要陪笑，久而久之，正常人會自動走，留低嘅都係願意埋堆、聽話，仲有回晒塘嘅人。

雖然未知Daniel會唔會接受升職加薪但轉戰深圳嘅offer，但係姐夫心情好明顯係輕鬆咗，有一日朝早我履行承諾請佢食早餐，你點估到公司喺觀塘，我哋去到麗港城咁遠食，坐姐夫車諗住去到公司附近隔兩條街丟低我嘅時候，竟然會撞到Gilbert，條友仲要烏低個龜頭同我哋打招呼。

我個心離一離，臨落車問姐夫：「其實Gilbert係咪臥臥底？」

姐夫：「唔係呀，自己執生啦！夜晚再夾。」

屌！今日仲約咗Gilbet再上利豐，晏晝同佢出荔枝角嘅時候，我問咗句：「一陣係咪見幾組呀？我帶夠卡片同sample呀！」

Gilbert笑住咁講：「Tim哥Tim哥，我上去得啦，你喺對面街嗰間瑞士食住Tea等我啦。」

「頂，唔好玩啦！」

然後我哋都忍唔住笑，心諗點拆先好呢？跟住就收到Candy WhatsApp：「今晚得唔得閒呀？阿爸阿媽去親戚屋企食飯，不如你上嚟吖，我煮飯畀你食，敢唔敢食先？」

😱😱😱

食定唔食好呀？使唔使問姐夫簽張回條先？

#下集大結局㗎喇
#有冇少少唔捨得

＝＝＝＝＝＝
前文重溫

臥底 1
https://bit.ly/2X39FuE

臥底 2
https://bit.ly/2ZCDsf2

臥底 3
https://bit.ly/2X2lBwH

臥底 4
https://bit.ly/3ehXJKZ

臥底 5
https://bit.ly/36EbP77

臥底 6
https://bit.ly/2XHxBTg

臥底7
https://bit.ly/3gMLkAU

通識題：誰會有權見到警察的委任證？

＃我冇嘢講
#健吾 
#我冇嘢講
香港最毒舌多媒體專欄作家

十年無間斷觀察香港怪現狀
在民生、社會、政治三方面
剖析香港蟻民為何無奈無言
「『在香港，大部份人也不可信』，
是我活著三十八年的其中一個信念。」

━━━━━━━━━━━━━━━ 健吾《關於香港，#我冇嘢講》
毛記葵涌書展Hall 1C-E24 攤位
我冇嘢講簽名會：7月21日（日）12-1PM
地點：簽名會B區（博覽道入口大堂）

*請於活動當天憑買書收據到毛記葵涌書展攤位領取簽名籌，每本書限領一張，名額150個，派完即止。*
既然啲黑警咁鍾意收埋張委任證，咁不如大家一齊睇吓香港黑警喺咩情況下先會出示委任證：

２００３年：
警員黃炳成(28 歲) 晒委任證吃霸王魚蛋，又食又拎，飽餐不付款，被控三項盜竊魚蛋兩項普通襲擊小販及一項公眾地方擾亂秩序罪名(KCCC 2247/2003)

２０１６年：
1月21日，曾參與反色情行動的油尖區特別職務隊警長，休班期間在廟街與持雙程證妓女上樓，突然出示警察委任證，要求妓女與他性交，但完事後拒絕支付200元肉金，更要求對方3小時內離境，否則將她拘留7天。警長於區院被裁定藉公職作出不當行為罪成，被判囚20個月。

另外一堆唔關委任證事嘅黐線風化案同唔知ＪＭ９嘅嘢（超多）：

２００２年：
高級警司冼錦華接受三次免費叫雞 ，囚三年。終審法院一致駁回上訴 。即時被送入獄服餘下的刑期。DCCC579/03 ESCC1026/2003

２００３年：
天水圍分區的警長劉子聰（50歲）光天白日在警察宿舍睇鹹碟，性慾高漲竟向菲傭露械，女方情急以手力壓陽具，兩度伏在她身上求做愛。菲傭憤然狠踏其是非根。警長血濺當場，留下兩公分的傷痕。警長在屯門法院被控三項非禮罪。 TMCC2977/03

２００４年：
「拍戲三人組」警員王志浩學堂偷窺女警如廁，疑變態總部偷窺前科擔保中再犯。入獄三個月。( ESCC 2591/2004) 涉嫌四個月內九度於校園內非禮四名女學生，在區院承認九項非禮罪判囚廿個月。DCCC 665/2006

中環女警何麗華(32歲)不斷致電以粗言穢語及無聲電話滋擾前男友澤柱禾及其新歡蕭綺媚，內容涉及「搶人老公」，「我會搵人伏你，搵人姦你」等，於觀塘裁判法院被裁定六項打出令人厭惡的淫褻性電話罪名成立。KTCC 7836/04

尖沙咀警署警員馮潛(30歲)，兩度在沙田美林村商場平台赤身露體，身上僅穿白襪及運動鞋，正在平台聊天的女學生被嚇至花容失色，保安員追截，雙方發生糾纏，警員涉嫌襲擊及咬傷對方。被控兩項作出破壞體統行為，以及一項襲擊致他人身體受傷。 STCC 727/2004

高級警員黃志雄（47歲），與友人妻子搞婚外情，黃於17日凌晨連續打18次電話給懷疑情敵，及不斷致電對方電話留言，辱罵情敵及女友是「狗男女」。在東區裁判法院被裁定各一項不斷打電話及打出令人厭惡電話罪成，被判罰款1000元。 喪失長俸286萬元。HCAL 127/2004

２００５年：
北角警署警長陳永寧擔任報案室巡樓，躲在女警宿舍，偷窺飯堂女收銀員沐浴，東區裁判法院被判罪名成立。 (ESCC2907/05)

港島總區衝鋒隊高級禽獸警員李雲龍(44歲)，兩度非禮五歲社署安排寄養的輕度弱智女童，令她患上淋病醜聞，在區域法院被判入獄兩年。DCCC 1209/2005

２００６年：
警員陳建國(42 歲)被控於04年5月3日在尖沙嘴麼地道71號地庫 CLUB UNO 卡拉OK內自稱三合會社團洪發山14K成員，九龍城裁判法院提堂 ( KCCC300-304/06)

旺角警署行動支援隊38 歲爛賭警員梁偉文 ，137次冒法官簽名，偷竊多名疑犯的保釋金43萬元，他於區域法院承認盜竊罪。 DCCC 189/2006

輔警張思維(29 歲)被控在62X 九巴上層駛經長青隧道時非禮女事主兩分鐘，在荃灣法院裁定非禮罪成，還押候判。 TWCC 3198/06

八鄉警署警員唐世德(27 歲) 利用警署內之電腦系統獲取區內死亡案件資料發死人財，被控一項不誠實取用電腦罪， 於屯門法院開審 TMCC 800/2006

荃灣裁判法院四十八歲庭警周觀勝涉嫌在羈留室內，用手機偷拍疑犯女親友裙底，並把手機藏在暗角，女事主報警，庭警一度求饒及稱有家室，判囚六個月。TWCC2212/06

姓林（29 歲）駐守機場的警員，於中秋節凌晨在屯門強姦一名24 歲失戀女子被捕，案件交由屯門重案組接手調查，被捕警員已被飭令停職，東方日報10/10/2006

旺角區偵緝警長梁熾江(46歲)收受色情光碟舖東主8萬元享受免費女伴遊服務，包庇 區內四仔。當警察掃蕩，事先通風報信 。警長更私底下為該店保護，令他免受黑社會滋擾 。 廉政公署落案起訴身為公職人員收受利益等六項控罪， 判監12個月。KCCC6373/06

西九龍總警區機動部隊31歲警員張展鵬，在九龍城裁判法院被裁定金巴倫道時鐘酒店非禮罪名成立，17歲少女指被告進入廁所刷牙後，「佢個樣好鹹濕，佢攬 住我膊頭，隻手慢慢伸落去想摸我個胸度，想錫我， 我大叫『唔好，救命』KCCC5773/06

九龍城警署警員黃家信(34 歲)嫌啤酒不夠凍，到7-11便利店大吵大鬧趕客，不斷以粗口謾罵，更向女店員吐口水，被裁定普通襲擊罪成，法官潘敏琦斥道「你唔配做警員，知法犯法，引以為恥！」HCMA563/06

旺角重案組警長梁熾江(46歲)向色情光碟店東主郭烈武，主動提出助他「睇場」，提供警方掃蕩的消息，要求東主借錢8萬元及享受免費召妓被控6項公職人員收受及索取利益罪。DCCC979/06

跑馬地分區巡邏小隊警員區智樑( 27歲 )身穿紅色短波褲沒穿內褲，多次來往金鐘尖沙咀地鐵，跟蹤非禮OL，以下體壓OL臀磨擦，全程被地鐵警區特遣隊監視，在九龍城法院被控非禮罪。KCCC 6604/2006

２００７年：
紅磡警署警員楊啟光(39歲) 盜竊好心市民交來的拾獲錢包，內有身份證、五百元現金及數封利是，竟然據為己有，被控盜竊，在九龍城法院判監半年。KCCC1999/07

警員葉德健(32歲)在灣仔「Snna Club」被廉署拘捕，身上搜出可卡因、氯胺酮及搖頭丸，依靠妓女黃薇賣淫維生。東區裁判法院應訊。ESCC4492/07

新界南交通部已婚警員林文健(35歲)，透過玩 line認識女事主，毒打撕毀背心和強脫內褲強姦25歲少女，在高院被裁定強姦，入獄四年。HCCC 77/2007

秀茂坪分區總督察陶貴梅在東區裁判法院承認曾錯在調查一宗案件時，把被告名字寫成事主，甚至連[姜]字也寫錯28次，烏龍百出，陶自稱當差20年，第一次錄取警誡供詞。ESCC1208/07

邊界警區輔警警長蔡×強(52 歲) 在上水祥華村停車場非禮一名身穿短裙女子，用手撫摸大腿，女事主高呼非禮，涉案輔警警長被捕准以保釋候查。(東方日報12 11 2007)

警察總部運輸組警員陳榮佳(50歲)秘撈駕駛的士至梳士巴利道衝燈與兩車相撞，要求給三萬元吳孔江頂包，吳斷然拒絕。東區法院審訊後裁定意圖妨礙司法公正罪成。ESCC 4946/2007

旺角反黑組高級督察劉承聰(38歲)妻子紅杏出牆，找姦夫到公園談判，箍姦夫頸致失去知覺，更揚言「殺死你」，恐嚇他離開其妻，在東區裁判法院被控在中環堅道花園襲擊及恐嚇男子洪禎隆。ESCC5565/07

秀茂坪警署分區巡邏小隊指揮官女高級督察姜杏兒(49歲) 一周內發出達卅一個無聲電話騷擾前男友的女友戚淑儀， 東區法院被控一項不斷打電話罪。前男友救護員表示頂唔順，寧坐監，也不願做性奴。 ESCC 1208/2007

２００８年：
警察強姦女報案人事件發生在2008年11月24日至25日，一名刑事偵緝探員（CID）涉嫌於旺角警署內，強姦一名報案少女，被控1項強姦罪，並在2008年11月27日於九龍城裁判法院提訊。在2008年12月3日的審訊當中，控方加控被告3項非禮罪，及1項不誠實意圖而取用電腦罪。最後這名探員被告被判入獄13年。
https://evchk.wikia.org/zh/wiki/警察強姦女報案人事件

深水步警區巡邏小隊警員蔡濟軒(33歲)，已婚，於西九龍紀律部隊宿舍藉詞教下載遊戲，強姦十九歲女網友，受害女網友往警署報警，旺角重案組解往九龍城法院控以強姦罪。KCCC1307/2008

水警西分區特遣隊警長姓黃（四十五歲），在喬裝情侶放蛇行動中假戲真做，強行濕吻一名23歲年輕貌美的新紮師姐，以下體摩擦對方身體。女警受辱後報警，黃大仙重案組拘捕涉案警長(11/03/2008太陽報)

２０１３年：
「新紮師兄」非禮醉娃
(星島日報報道)大埔警區揭發警員涉風化案被捕醜聞！一名剛出學堂的新紮師兄，透過俗稱「搖一搖」的手機Wechat軟件，結識十八歲少女，前晚相約在大埔一間酒吧飲酒聊天，至昨凌晨少女醉酒，被帶到樓上酒店開房，有人欲進一步行動，少女反抗掙脫，趁對方上廁時逃走報警求助，涉案新紮師兄涉非禮被捕。

男警緊箍社運少女胸
被粗暴對待的學生，不少「被警員叉頸、推跌、踢傷、抓傷，有女示威者被男警員撞倒，大叫非禮」(蘋果日報報道)。其中該校女生何潔明更被男警官從後熊抱。何潔明事後表示，當時情況很混亂，確實感到有人觸碰到她的胸部，但不知是男是女，看相片才知是男警。她亦稱以前多次參與示威集會，雖曾試過很多次被警察強行拉扯，但未曾遇這遭的對待。
何潔明被粗暴對待的情況被傳媒拍得照片，有圖為証的情況下，保安局局長黎棟國卻拒絕認錯，辯稱不能單憑相片定奪，強調警方會就違法行為依法處理。

２０１４年：
差人尋歡撞正掃黃　公安拉港警

掃黃放生兩流鶯　事後要求性服務　兩警長嫖霸王妓

新界東北發展計劃立法會示威中，疑有便衣警員假扮示威者

2014年下旬「雨傘革命」中，警方多次對示威者強硬執法引來不少市民不滿，當中更發生不少懷疑濫權事件，如七警暗角懷疑毆打犯人、警長胡亂以警棍驅散市民等，觸發前所未見的警民對立，而警務處處長曾偉雄則以「慈母」概括執法工作。

２０１５年：
有警員於警察總部借搜身為名，將女疑犯帶入女廁非禮

4月上旬，一名39歲男警務人員，涉嫌於上月17日在天水圍一單位內與一名13歲女童發生性行為。而該名女童竟是其兒子的女同學。

4月，沙田美林邨發生老翁放狗時被殺案。5月上旬，警方高調拘捕一名智障男子誤殺，但實情是該男子當時身在院舍，警方得知拉錯人之後最終低調撤控。事主家屬要求警方道歉，警方高層說沒人需負責，市民擬發動網上聯署促警方道歉。
5天後警方終發表聲明，對事主及其家屬帶來不愉快經歷表示抱歉。

２０１６年：
2月15日，39歲已婚警員黃偉洪搭上兒子年僅13歲的女同學，趁其妻懷孕與女孩性交，事後更保留染有女童下體血漬的紙巾。法官斥被告身為執法人員，卻罔顧道德和法律責任，與事主發展不倫關係，令其家人及警隊蒙羞，又指剛升職不久的被告親手摧毀事業，也破壞了兩個家庭。已停職的警員早前在高院承認非禮、企圖非法性交及非法性交共3罪，結果被判囚3年8個月。

2月17日，一名加入警隊20年的高級警員，涉嫌在2013年5月至9月期間，3次為當時7歲的女兒洗澡時，摸女兒胸部及私處，更涉嫌用槍指向女兒頭部及用手扣將女兒鎖上，結果被控三項非禮罪及一項襲擊罪，早前已被裁定罪成，裁判官判處被告入獄20個月。

3月4日，法庭裁定一名警員妨礙司法公正罪成，入獄11個月。案情指一名中年商人於2015年7月至8月期間，趁約16歲私影女生外出拍照時對她上下其手，事後商人透過一名警員向事主提供金錢要求事主銷案以擺平事件。次被告警員劉文軒(37歲)呈上多封前上司的求情信，指劉工作表現出色，工作認真，本案後會失去工作及長俸。裁判官判決時指市民對警員操守有很高的期望，即使過往劉在警隊中有良好表現，亦不能視為減刑的理由。商人則被判入獄10個月。

_____________________________________

１７、１８、１９年嘅都未有人補返上去，
遲吓喺ｗｉｓｅ ｎｅｗｓ搵完新聞再補返上網典到，１９年嘅Ｃａｓｅ應該多到黐線。

繼續唔明點解有人呢幾年仲會想投身黑警，見到香港黑警隊呢個名都覺得羞恥，如果有人投身黑警係想收納稅人錢棍毆香港人嘅話，呢班人真係小心睇路。

「Ｔｈｅｙ＇ｒｅ ｗｅｌｌ ｐａｉｄ ｆｏｒ ｉｔ」

Ref:
香港網絡大典 - 香港警察醜聞
https://evchk.wikia.org/zh/wiki/香港警察醜聞
（香港警隊別稱：黑警、警賊、警狗、警犬、基佬、差人、差佬、死差佬、二等公安、龜公、毅進仔、有牌爛仔、極醜惡、克警）

明報 - 出示委任證與內地妓女性交　拒付200元肉金兼逼離港　警長罪成還押
https://m.mingpao.com/…/14…/出示委任證與內地妓女性交-拒付200元肉金兼逼離港-警長罪成還押

#香港執法者嘅質素
#香港警察知法犯法
#香港唔歡迎黑警呀
#你哋收納稅人錢㗎唔係政府出糧畀你哋

#獨家爆料 #SmartTravel #國泰削航機人手 #機艙服務經理降呢 #國泰管理層背後動機 #國泰惡性結果三輸 #國泰工會斥不現實堪憂 #國泰禍延甚廣
【空姐爆料】系列, 專業人士、家庭主婦、OL、行政人員、男士、傳媒亦喜歡報導我的呢個 #SmartTravel, 可以滿足你 #娛樂、輕鬆、#剝花生 #旅遊資訊 #平吃買玩 #各地文化, 要睇梗係睇原汁原味, 你係咩人就會支持返咩嘅youtuber, 國際華人傳媒, 最喜歡報道Smart Travel
https://youtube.com/playlist?list=PLhKZNoNE4iEf-Rsl1fa8Um8aY2Yl86Q95
大家可以透過Payme, 支持下我同貓貓阿Cash, 打賞打賞鼓勵鼓勵:
https://payme.hsbc/smarttravel

?合作邀約請洽
gold7778@gmail.com
https://www.instagram.com/gold7778t/

成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join

請用片右下角調4K睇片。

Appledaily 蘋果日報:
國泰去年10月大裁員，裁走5,300名香港員工，據知當中不少是機艙事務長（Flight Purser，FP）。不過，在大裁員後，國泰員工的危機似乎仍未完結。《蘋果》獲悉，國泰擬於今年第三季推出全新人手分配，每班機將會削減一個機艙事務長人手，其工作會由其他職級的空中服務員接替。有空服炮轟國泰職能錯配，為開源節流不斷增加員工工作量；國泰工會就新措施收到大量投訴，批評國泰不尊重員工經驗，「有同事覺得好侮辱」。國泰回覆指，一直檢討改善機艙服務，為機艙服務員提供更多發揮機會，亦會為他們提供更多培訓。

記者 盧珮瑤

現時空服員一般分為4個職位，分別為機艙服務員（Basic Crew，BC）、機艙事務長（Flight Purser，FP）、高級機艙事務長（Senior Flight Purser，SP）以及機艙服務經理（Inflight Service Manager，ISM）。據知，國泰去年10月大裁員中，有至少三成的機艙事務長被裁走或離職，成為國泰大地震的「重災區」。

國泰擬於今年第三季，每班機削減一個機艙事務長人手，其工作會由其他職級的空中服務員接替。資料圖片
國泰擬於今年第三季，每班機削減一個機艙事務長人手，其工作會由其他職級的空中服務員接替。資料圖片
第三季強推新措施
《蘋果》獲悉，國泰早前向員工宣佈，指將於今年第三季開始實施全新人手分配。新安排下，每班機將減少一名機艙事務長（FP），原本負責看管全機運作的機艙服務經理（Inflight Service Manager，ISM），亦要「落場」服務顧客，意味每班機將減少一個空中服務員人手。

以773機種為例，該機分為頭等、商務及經濟艙。根據以往的人手分配，頭等共有2名空服員，分別為1名高級機艙事務長（SP）以及1名機艙事務長（FP）；商務艙則有5名空服員，分別為1名高級機艙事務長（SP）、2名機艙事務長（FP）以及2名機艙服務員（BC）。而經濟艙則有6名，分別為2名機艙事務長（FP），加上4名機艙服務員（BC）。

不過，新安排下，商務艙與經濟艙人手均有所轉變。以同一機種為例，負責監察整架飛機運作的機艙服務經理（ISM），將須到商務艙工作，人手分配變成1名機艙服務經理（ISM）、2名機艙事務長（FP）以及2名機艙服務員（BC）；而經濟艙方面，其中一名機艙事務長（FP）被換走，轉為以高級機艙事務長（SP）頂替，新人手分配為1名高級機艙事務長（SP）、1名機艙事務長（FP），加上4名機艙服務員（BC）。

空服質疑職能錯配
於國泰任職10年機艙服務員（BC）的阿Joy指，機艙事務長（FP）在機艙中擔任重要角色，「負責同啲loyalty member（會員）打招呼，又要heat（翻熱）餐，好多嘢都係依賴FP去做」。然而，現時所有工作由其他職級員工分擔，包括低一級的機艙服務員（BC），但認為部份工作由資歷較淺的BC完成，或會影響機艙服務質素，「有客發『狼戾』，你都要有經驗，先知點樣處理而又唔會收到complaint letter（投訴信），呢啲係要時間浸返嚟，但公司唔value（珍惜）你呢啲嘢，而不斷增加你嘅workload（工作量）」。

阿Joy指，雖然機艙服務經理（ISM）亦要「下凡」分擔工作量，但認為國泰將本已晉身機艙管理者當成人手之一，或會構成職能錯配，「喺前面做咗十幾廿年，而家要做返啲佢哋好耐無做過嘅工作」。阿Joy續指，業內的經理一般達40至50歲，現重拾「搬運行李」等勞動力工作，亦會增加同事受傷風險，「公司為咗縮減人手同節流，唔理已經水深火熱嘅前線同事嘅生死，喺度搞職能錯配。」

國泰的裁員潮仍未平息。資料圖片
國泰的裁員潮仍未平息。資料圖片
「又要萬二蚊，又要林嘉欣！」
於去年10月國泰大裁員後，國泰推出全新「魔鬼」合約，並調整薪酬水平，底薪及飛行時薪「封頂」，有空服薪金大減四成。阿Joy指，同事對新人手分配感不滿，亦有部份人感到失望，認為「俾國泰呃咗」。

阿Joy續指，以自己任職10年為例，新合約下薪酬只有約1.1萬，但在全新人手分配下，工作量變相增加，「以前大部份同事幾唔鍾意公司都好，都有個團結精神，同你死掂佢，但公司角度就會覺得，你哋個個都can-do spirit（做得到精神），越加咪越多嘢畀你，反正你哋都做到㗎啦！」

阿Joy認為，國泰大裁員後已重挫士氣，現時更進一步減人手，令同事們意興闌珊，「大家而家心態都係『拚䠋』，都係覺得『是但啦』，又要萬二蚊，又要林嘉欣呀？唔好玩啦！」阿Joy指，自己亦打算修畢其他學位後就離職，「冇呀，你咪繼續搭國泰囉，但唔好expect（期望）佢係一間premier airline（優質航空）囉！」

工會收大量投訴：高層假惺惺
國泰空中服務員工會主席王思敏指，新措施惹大批員工不滿，宣佈短短數天，已收到數十封電郵投訴，「而家即係要做返低一層嘅嘢，尤其係FP同SP，大家都覺得好侮辱，覺得俾人『降呢』」。她指，同事並非不願意處理其他層級的工作，但認為國泰不尊重同事的經驗，亦批評公司以「提升服務質素」作為理由是「假惺惺」：「根本就係想cut costs（減少支出），你係嘅咪大方講囉，點會提升服務質素但係cut（減少）人手？」

現為高級機艙事務長（SP）的王思敏指，機艙事務長（FP）是機艙上具靈活性的職位，「佢係由低數上去第二級，有時細嘅無經驗，可以即刻做返低一層嘅嘢，真係『入得廚房，出得廳堂』」。她指，人手改動後，同事工作量必定增加，「少咗一個人點都辛苦」，又指早前部份機種增加40至50個座位，但人手從未見增加，「本身人手已經係好舋」。王亦批評管理層相當離地，「似係外行人嘅決定，根本唔理解我哋嘅工作」。她續指，新人手分配或令新同事升職更困難，由於上層的需要減少，「而家機艙服務員（BC）已經做10年先升，嚟緊可能係15、20年。」

對於國泰是否為裁走所有機艙事務長（FP）鋪路，王認為反而工資較高的機艙服務經理（ISM）更「高危」，「講到尾都係錢㗎啫」。她指，機艙服務經理工作大多視乎情況而調節，「兩個機師其中一個要去洗手間，都要佢幫手頂住個位」，惟新人手分配下，機艙服務經理須留在指定機艙，或會影響其工作流動性。

國泰去年10月大裁員，裁走5,300名香港員工。資料圖片
國泰去年10月大裁員，裁走5,300名香港員工。資料圖片
國泰：提供更多發揮機會
國泰回覆《蘋果》時，並未有就新人手分配正面回應，僅指受疫情影響，航班數目大幅削減，乘客量跌至新低。國泰一直檢討改善機艙服務，為乘客提供更多貼心的服務，以及為機艙服務員提供更多發揮機會，亦會改善部份工序。國泰續指，將會為機艙服務員提供更多培訓，並與同事保持溝通。

國泰及國泰港龍於政府保就業計劃下共取得逾5億元工資補貼，去年國泰大裁員，雖令薪酬開支減少兩成，但在客運量銳減下，國泰去年全年虧損高達216億元，其中燃油過度對沖更帶來30.17億元的虧損，較2019年只蝕1億元大增近29倍。運輸及房屋局局長陳帆昨表示，國泰去年削減約8,500個職位，在撇除自然流失等因素後，實際削減的員工人數約5,900名，當中包括約5,300名駐港員工，另約600名非駐港員工也可能受影響。

《第74創業知識: 哈佛知識分享 - What is Leadership? 》
- 哈佛兄弟的「賣梳給和尚」 Case Study

從前有兩兄弟，細佬就去咗哈佛讀書，阿哥就去咗哈佛增髮。 有一日，阿細佬就突然間同阿哥講： 

細佬：阿哥一齊創業喇！我哋去賣梳比和尚。

阿哥： 你傻㗎，和尚個個光頭，邊度洗梳頭。

細佬： 佢哋係光頭，但佢哋都要搵食㗎！

阿哥：咁關你乜事

細佬： 做生意，人客嘅事就係我哋嘅事。如果我係和尚，我都想改善生活，先至能夠更全心全意奉獻俾佛。但只係依賴信眾嘅燈油捐獻，佢哋個個都收入有限。 因此我已經搞咗幾次focus group，問咗一百個和尚佢呢想點， 其實佢哋個個都想「唔好太牟利」地搵多啲方法搵多啲錢。


阿哥： 咁即係點呀？


細佬：網上有個乜李根興嘅粉腸成日話唔好喺乞兒兜入搵飯食， 但幫佢哋去搵食呢就反而可能係條財路喎。 所以我哋唔應該賣梳比和尚，係應該幫和和尚去賣梳。 當然我唔係指佢哋係乞兒啦。


阿哥：阿李根興咁nice，梗係唔係咁嘅意思啦。


細佬： 嗱！中國有13億人口，當中兩億信佛。 就當佢哋每年只係去一次寺廟，等於每年就有二億個潛在顧客。 嗰啲善男信女，次次都風塵撲撲咁去到寺廟到拜神， 目的都只係希望積下善，同埋保平安啫。 如果我哋能夠叫啲大師為梳子開光，臨走前賣畀嗰啲善男信女成為佢哋嘅護身符。 男嘅就叫做積善梳，女嘅就叫做平安梳， 到時一定會大賣。每把梳賣十蚊，自己用已經每年廿億收入喇。 未計送俾親朋戚友嗰啲添。


阿哥： 細路， 善哉、善哉，係喎。


細佬： 我目標係每年要賣出兩億把梳俾和尚用來保佑信眾，咁和尚收入多啲，信眾又更加能夠積善平安啦。


阿哥：咁點賣呀？


細佬： 全中國咁大，我哋有三樣嘢先要做好。 (1) 先搵十間分佈喺各省市嘅廠， 用最低成本做出最靚嘅梳先。(2) 再搵起碼一百個sales 去全中國嘅寺廟嗰度sell 俾啲和尚同方丈賣積善梳，同埋平安梳嘅好處。(3) 再建立物流嘅網絡，咁遇上佛誕、初一、十五嗰啲日子呢， 出貨入貨就可以更加貼市啦。


阿哥： 好喎，我星期日教堂有100個兄弟可以嚟幫手。


細路：錯啦，sell 得俾和尚， 一定要同聲同氣，加上佢哋日日喺寺廟入面咁枯燥，梗係要搵啲信佛(唔係信耶穌)同多啲靚女嘅sales 啦。 我哋每朝早要開會傾下搵邊間嘅和尚寺去sell，出發去sell 佢哋，同埋第日要檢討下點解sell 得成或者唔成。 我哋會將成個中國分成起碼廿個區， 每個區有個區域經理孭起每年賣一千萬把梳條數。邊個sales 賣出超過一百萬把梳，就會升職加薪。 我自己都每星期落區，去一間和尚寺道sell埋一份， 同方丈/和尚建立關係，我有實戰經驗先至能夠輔導其他sales sell 多啲。


阿哥： 細佬，你係哈佛大學真係學到嘢喎。


細佬：咁好嘅「和尚賣梳」idea,  你同我兩兄弟就聽日去籌錢創業啦。但今日起，為表我嘅決心，我會轉食齋、剃光頭，咁先至可以見到和尚時同聲同氣。 阿哥，你唔使再去哈佛增髮啦， 剃光佢啦。 慳番啲錢下去哈佛讀書好過啦。


我而家身在Boston，又返左嚟Harvard 呢道學 leadership 領袖技巧。 以上故事，我目的唔係想講宗教，但根據哈佛教授 Robert Kaplan 佢話做領袖，來來去去都係講要有 Ownership Mindset  承擔責任感: What do  believe 你嘅信念係乜, Have you acted on it 你行動左未, and Add Value to Others 為其他人增值.  


有嘅，執行再講 Vision 願景 , Priorities 優先重點 and Alignment 言行一致.  如果你做齊以上七樣嘢，你就可能係個好領袖， 好大機會人哋會跟住你行同埋做出成績。


(1) 先講 Ownership Mindset 承擔責任感。你有冇覺得嗰樣嘢係你自己嘅呢？ 屋企地下污糟咗，你會唔會執？你隻腳痛，會唔會去睇醫生？ 會?呢個就係 Ownership Mindset. 但老實說，生活、工作、甚至乎家庭，你係唔係覺得好多嘢都唔關你事，當睇唔到呢？ 呢個就係無Sense of Ownership. 要做好領袖？你先要有ownership， 呢個係最根本 。 等於你要做個好爸爸媽媽，起碼要個胚胎先啦。 無嘅，乜都唔使講。


(2) What do you believe in? 你有咩信念？ 我唔知你想拯救地球，定解放宇宙。 當你覺得自己係個Owner 嘅時候，你對嗰件嘢你想佢點呢？ 


(3) Have you acted on it 你有乜嘢行動？ 諗？冇用㗎， 你做咗啲咩去實踐你嘅信念呢？ 我最憎啲人呢就係話：「我當初都知唔得㗎啦!」 兜腳西埋去，不知所謂，馬後炮 。知道又唔早講？


(4) Add Value to Others 為其他人增值. 如果你做嘢只係為自己，無人會跟你。 幫到其他人嘅，自然追隨者外來嘅動力會大好多。


唔好講到咁複雜，睇返個哈佛兄弟你就明。


Xxxxxxxx (重複部分內容)



有左以上的四個基本條件， 咁點樣去執行呢？ 教授Robert Kaplan 佢就提到要有 Vision， Priorities and Alignment. 


(5) Vision 願景， 就係你想達成啲乜嘢？ Is it distinctive? 是否獨特呢？ 做到之後， 呢個世界係咪會好啲呢？抑或人做、你做，世界無左你其實都無乜所謂呢？ Vision is where to go and the "why" of what the company is doing every single day. 我嘅Vision 就係要成為全香港賣舖最多嘅公司，令到更加多人可以買舖唔駛煩，一舖養三代。


阿哈佛兄弟嘅Vision 呢？ 

 

(6) Priorities 優先重點， 就係你要先專注做好邊幾樣嘢。 乜都做，等於乜都唔做。 同一時間做十樣，等於十樣嘢都做唔好。 最好專注做好三四樣嘢已經夠。 呢三四樣嘢，可能係人事管理、可能係資訊科技嘅發展、可能係產品嘅創新。 我呢？就係買舖、搵租客、幫佢哋做生意、賣舖同再幫租客做生意。


阿哈佛兄弟嘅Priorities 呢？ 


Xxxxxxx (重複部分內容)


最後，(7) Alignment 言行一致。 有咗Vision (where to go and why go there?) 之後， 有埋三四個priorities (what to do?) , 最後就好似揸車咁， 四條車呔要同一方向，一致先至去到嗰道啦。 嗰四條車呔就係People 請乜嘢人、Task 每日做乜事、 Organisation 你公司有乜架構、點出糧、獎罰制度又點呢？ 同埋You 你自己。 你每日喺度做緊啲乜呢？你嘅leadership style 領袖風格又係乜呢？ 你會唔會講一套，日日自己去打Golf，又做另一套呢？


又聽多次哈佛兄弟點？ 


Xxxxxxxxxxx (重複部分內容)


聽完以上七樣嘢，ownership mindset, what you believe in, take action, add value to others, vision, priorities and alignment.  你做咗幾多？你又係咪一個好領袖呢？ 唸唔通？得閒來下哈佛或者索性剃光個頭諗通佢啦。

《第75創業知識： 哈佛分享 - Mentoring vs Coaching — 記住要 Coach Up! 》領袖最忌什麼? 

從前有個年輕人，成日去打 tennis 喎， 有一日食飯撞到學校老師 ，mentoring 及coaching 有何分別? 答案在片內:

.................. 

全文:

從前有個年輕人，成日去打 tennis 喎， 有一日食飯撞到學校老師 ，就同阿老師講：

「我最鐘意打Tennis. 我隻手呢點樣Swing法, 我對腳呢就點樣跑法， 我呢就用咗乜嘢乜嘢嘅策略應付咗個對手。」

老師聽到就講：

「哦哦哦，咁犀利呀，你都真係幾有天份，打得唔錯喎！ 第時可以做球星。」

第二日， 呢個年輕人落場再打波， 啱啱好係網球場道撞到個老師。 老師一睇佢打波，嘩， 亂咁飛，亂咁走， 球球個波都飛上天，仲乜事呀，咁渣㗎？！ 年輕人仲唔覺得有咩問題喎！ 問下老師：

「我打成點呀？」

老師就話：

「Oh my god！ 你呢啲叫做打Tennis 呀? 你呢啲叫做同個波打交呀！ 其實我都曾經攞網球全港冠軍㗎，打波，你應該點點點點點點點！

不過， 我退役之後就去咗教 leadership 領袖才能。 除了打Tennis 以外，咁你而家明唔明，咩叫做mentoring，咩叫做coaching呢 ？ 」

尋日我先至係公司有個training，和同事分享關於我係哈佛學咗啲乜嘢leadership 知識。 

其中Leaderrship 有好重要嘅，就係識得分辦mentoring 同埋 coaching. 中文我都唔係好肯定點譯， 驚譯錯反而搞亂意思。

根據哈佛教授Robert Kaplan ， 做一個好嘅領袖需要 coaching，遠遠多過mentoring。佢話 Mentoring is by telling, coaching is by watching. 

Mentoring 就係我同你講我做咗啲咩咩

。可以講到天花龍鳳，但你一睇我點做嘅話，就知道我冇料到。Coaching, 作為我教練嘅話你一定會睇住我點做，再同我講， 甚至乎示範畀我睇點樣能夠做得好啲。教授話作為好嘅領袖，timely， specific 同埋 actionable 嘅 Coaching 遠遠重要過 Mentoring. 

大部分老闆，都知道要Coach Down, 即係同下屬講點做點做得更好。 但教授話，可惜只有好少嘅老闆識得 coach up, 即係問下屬佢自己做成點? 有乜不足之處? 畀個機會下屬去改善自己、coach 返自己，coach up!  因為無人係清楚過嗰個下屬自己點做嘢。 最清楚嘅人，就係圍繞著自己身邊做嘢嘅人，呢啲就係你最好嘅coach. 

問心，你又有幾可coach 人地， 或你又有幾可叫人哋coach你呢? Actively coach others and seek coaching. Coach down and coach up，咁先至可以互相改善。 叫你寫自己嘅強處，你好快寫到。寫自己的弱處，可能要諗多陣。但你叫人哋寫你嘅弱處，就可能發發聲寫曬出嚟。 爭在你知唔知啫！

唔好等到年底review 先講，太遲啦。 到時只係一個verdict 判決。我淨係想你講我點好點好，升職加薪。千祈唔好講我啲咩衰嘢，變成一個藉口唔加我人工。我最憎嘅！ 有嘢要改善，就早響。 唔響？ 你就唔好過咗成年先講，咁你就係個差領袖。

做Leader, 最忌最忌就係 isolation 被孤立。 有啲嘢，全世界都知， 個個人都喺度講，但就係你唔知。要breakthrough isolation, 記住記住要coach up。即係上司經常主動問下屬自己做成點， 自己有咩改善嘅地方， from down to up，因為冇人會清楚得過你身邊同你一直合作嘅人。佢哋就係你最好嘅 Coach 教練。

亦都係因為咁，啱啱個老師都會問：

「Oh by the way, 臨走前，我啱啱同你講打波嗰度有啲咩解釋得唔清楚？ 我態度點呀？ 畀個意見我，點樣可以下次講得好啲呀？」

呢個，就係seeking coach up 啦。我點解成日講咁多理論？我專做舖，我都好想我啲租客做個更加好嘅領袖，佢生意好啲，做業主都好。 今日記住問下你嘅下屬你做成點啦！ 問咗？ 請留個言俾我！ 我一定覆你。