「兩個人喺埋一齊，一定係一個愛多啲，一個愛少啲⋯⋯」
愛情中，瑪嘉烈同大衛所面對嘅不平衡，可能你，或者你嘅前度都遇過。
你嘅人生中，曾經出現過一個無條件愛你多啲嘅人。
呢個人，佢無時無刻都會掛住你；你遲咗覆佢佢會好唔開心；佢會好想同你周圍去；每日最開心嘅時間就係同你一齊，就算見唔到面，聽到你把聲已經好滿足。
喺佢心目中，你係首位，比任何嘢都重要。
但當時嘅你，並唔覺得有咩咁出奇，佢嘅愛你覺得理所當然，完全冇諗過有一日會失去。
於是你覺得佢成日搵你，好煩；你覺得成日要同佢出街，好悶；甚至你覺得自己一個嘅時間，更加自由自在，就算佢有幾著緊你，你都唔多想理佢⋯⋯反正，今日唔愛，聽日仲可以愛。
直至有一日，佢突然同你講：「不如，我哋分手啦？」
呢一條唔係問題，你亦冇得揀，佢講完之後就轉身離開。
臨別之前，你見到佢傷心到喊，佢知道今次係最後一次見你，一個佢曾經深愛過嘅你。
你完全冇諗過會有呢一日，佢曾經話過要同你一生一世、佢曾經每一日都同你十指緊扣、佢曾經因為你而笑得好開心⋯⋯當佢走咗之後，你先明白，原來呢一切係咁重要。
冇咗佢嘅世界，變到好灰暗，「最愛」成為咗「前度」。
冇咗佢嘅日子，變到好冇意義，你唔想做任何嘢，連食嘢都冇胃口，只係希望時光可以倒流，你會好好珍惜佢喺身邊嘅每一秒。
最後，佢都冇再番嚟你嘅身邊。
失去咗最愛，但你明白點樣去愛。
當你再次成為人哋嘅另一半，你同自己講，寧願做愛多啲嗰個，無悔咁去愛、去珍惜。
就算再一次分開，你都唔係愛得太遲嗰一個，而係人哋掛念嘅前度。
「兩個人喺埋一齊，一定係一個愛多啲，一個愛少啲⋯⋯」
愛情冇開花結果嘅保證，但至少有刻愛得燦爛。
唔想佢有日成為你嘅前度，請無悔去愛。
ViuTV #瑪嘉烈與大衛系列 #前度
【更多文章，Like 莎比亞】
十指緊扣意義 在 十指緊扣心理學-在PTT/IG/網紅社群上服務品牌流行穿搭 的八卦
找十指緊扣心理學在Dcard與PTT討論/評價與推薦，提供男人牽手的意義,十指緊扣心理學,心理測驗愛情相關資訊，找十指緊扣心理學就在網路品牌潮流服飾穿搭. ... <看更多>