《如果可以出軌一次》
最近忽發奇想咁問我老婆，如果比機會你出軌一次，你會揀邊個？佢毫無猶豫咁講，玄彬。
係，佢最近用我netflix account睇《愛的迫降》，然後成為「玄太」一份子，佢瘋狂到咩程度？有晚我起身去廁所時突然聽到喊聲，喂，三更半夜聽到喊聲，真係幾得人驚，然後我就見到我老婆係度喊……
正當我擔心佢做乜事時，我見到佢電話睇緊劇，頂……愛的迫降……枕頭邊仲有一舊舊用完嘅紙巾……
床邊有紙巾，對男人講可能係睇完AV，打完飛機嘅痕跡，而我相信呢套愛的迫降，絕對可以稱之為女人專用嘅AV，睇完女人身邊都會多咗一堆充滿分泌物嘅紙巾……
對於韓劇，我真係唔多感冒，作為一個寫過愛情故事嘅作者，要塑造一個完美男人真係話咁易，好似當年讀書時總有一班女同學會去睇尋夢園出嘅美女插畫封面嘅愛情毒藥一樣，咩霸道總裁，咩古代皇帝系列，高富帥愛上小女人系列。
或者每個人都需要心靈慰藉，睇咗一篇分析玄彬佢十大迷人之處，分別為：
1）絕對的安全感
2）細心照顧另一半需要
3）煮食了得
4）專屬的福利
5）心靈的慰藉
6）把一切都看得重要
7）甜蜜接送
8）展現獨有魅力
9）不時準備小驚喜
10）呆萌吃醋
睇完之後我第一個感覺就係，搞錯啊！十大元素，就連日本AV最強女主角都無咁誇張！呢個世界點會有咁完美嘅男人啊！！！！！！！！！！
我好想同老婆理論，喂，你唔好睇咁多呢d啦，我怕你睇得多會覺得我好不堪！但我無講，因為我知道佢會一臉不屑咁講，你啊……同人比，我都唔想去比，因為根本無得比。
同一班已經結左婚嘅男人傾呢個話題，問究竟心目中完美嘅女人係點，大家都沉默，完美？男人唔相信有完美嘅女人，更唔信有完美嘅女人會關自己事，因為男人係理性動物，每諗一樣野，都係需要有事實考慮，就好似睇AV咁，大家都唔信現實會有咁嘅女人會突然睇上自己，幻想？多餘啦！
如果將以上十點套落一個女人身上，或者都可以稱之為完美女人，當然，你需要有一副完美臉孔加上魔鬼身材。
當洪永城佢將真實北韓軍官相片公開之後，一眾「玄太」夢碎時，俾人破口大罵點解要咁現實，或者一眾「玄太」睇完套劇，喊完之後，再望望身邊男朋友或者老公時，呢個現實先係最殘酷。
回歸返一開始個問題，如果問我可以出軌一次會同邊個，我會答，最初初一開始認識嘅妳。
如果大家睇完《愛的迫降》睇厭咗完美男人，想睇返一個有血有肉嘅男人成長故事，可以睇下我寫嘅《弊傢伙，我女朋友有咗》講述一對年輕情侶突然中招嘅成長故事
故事預覽：https://www.facebook.com/…/a.27857988890…/1115173785244935/…
如果你睇完覺得好睇，可以支持一下本地創作，預購我嘅新書，完整地睇晒成個故事：
預購連結：https://www.facebook.com/…/a.27857988890…/2764745036954460/…
十大元素 在 鍗元素：你不知道的十大驚人應用！ - YouTube 的八卦
這部影片將介紹鍗 元素 的原子序、自然型態、在各個領域的應用、以及可能的危險性。從照明技術到防護材料，從焊接到醫學，鍗在多個行業中扮演著重要角色 ... ... <看更多>