Search
何文田新盤加多利軒o既190方呎劏房單位，廁所細到幾乎迫唔入，就算人入到，門都關唔到。
其實問題唔大，呢度人少少等我教精你。一入伙，你就要搵師傅拆咗個浴室，乜尻嘢花灑、水龍頭、馬桶，全部都唔撚要，全屋只留open kitchen個洗手盤，呢個係未來香港房屋政策o既大方向。
呢個洗手盤，係萬能o既，無論刷牙、煮飯洗菜、打完J洗手，都係靠佢，最重要o既係，柯尿都要照扲埋個洗手盤當尿兜咁用，放鬆啲，即接柯，唔洗怕。雖然我唔係讀麥明詩o個間，但浸過咸水o既我話比你聽，英國宿舍大把鬼都係咁柯。
至於沖涼同柯屎咁點算？唔洗諗，直接落會所，話晒都係豪宅，要交返咁上下管理費，唔好浪費嗰會所。間中屎急起上嚟，就用返個屋企個洗手盤。
無咗個浴室，間屋當堂大返三四十呎，沖涼水費又慳返，連廁所都唔需要你自己洗，諗起都會心微笑。有時坐响大廳梳花床上面o既你，望住屋企嗰open kitchen同open toilet，突然會好享受呢種一切從簡o既minimalism，會好感恩原來屋企得百九幾呎都已經好夠住。
一年容易又年尾，係，今年又要應節數榜。今年柒事、喜事、怪事千奇百趣一齊來，驀然回首，風雲人物就在FB處！即數今年六大財金風雲人物！
6：火爆CFO李書沸（Chris Lee）
百富環球（327）CFO李書沸上榜無懸念，抱住分析員只許讚不許踩嘅一言堂精神，喺分析員會議用四個「OUT」喝走麥格理分析員！呢一喝，喝到分析員離場；喝到其他大行都話要資金離場，「公司企業管治有問題」；喝到散戶止蝕離場，6日內蒸發6億元；最後李書沸本人都要quit，四個「OUT」全中！李書沸真係大預言家。
5：燒山／蕭若元
講大預言家，冇可能唔提蕭生。「特朗普會慘敗」「英國會留歐」「梁振英有機會入閘」，蕭生可以話係黑天鵝製造者！不過又咁，能夠次次穩定地反方向中，都係一種實力！正所謂「參透最新蕭析，全家就不會窮」，蕭生預言2017大牛市，大家知碇啦！#多謝燒山！#燒山好嘢！
4：章魚城
亞洲神童張如城，今年復出推全新單曲「紅日之火」，再一次創造另一個事業高峰，講嘅當然唔係音樂方面嘅成就，而係預知能力！經我細心統計，2001年到2011年間，每次佢一出現，股壇必有巨變，幾個月內股價跌三至五成不等，史稱「#章魚效應」！至於今年，佢5月復出，6月英國就脫歐了⋯命中率依然係100%。
3：甘比
由一個壹週刊記者妹，喺記者會上篤「大劉」粒墨定情，結果到今日正式有名有份成為劉太，仲要分享華置（127）超過200億元股份，仲未計私人持有嘅物業，勵志。更重要係，呢單新聞連日高據蘋果動收視榜首之位！劉太，冇可能唔係今年風雲人物！
2：蕭正楠
同樣係勵志故事，翠如BB爹哋做大股東之一嘅聯旺（8217）今年上市，成功譜出一段建築妖股升仙嘅故事，4月以0.26元上市，11月最高升到23蚊；更重要係，爹哋拎住4.68億股，帳面市值106億！結果蕭正楠，就好有機會成為百億千金女婿，而自從佢同翠如BB一齊之後，劇一套接一套，觀眾睇到厭！真係今年大贏家！
1：爸爸
今年大事回顧唔講樓市，實在講唔過去。劏盤神則一個接一個，當你以為加多利軒廁所閂唔到門，已夠慘無人道；仲要俊和（711）賣128呎劏盤去用龍床做比喻，刻毒涼薄到一個點。
香港年青人上車難，但世上無難事，只怕有父幹。今年「風雲人物」榜首，係一眾幫個囝上車嘅「慈父」。「慈父1300萬買兩間 送子做畢業禮」，呢類標題今年大量湧現，幫囝買樓就係慈父，香港「慈父」新定義充分表現出，喺畸形樓市下，父愛嘅偉大同埋重要性。今晚，大家不如同爸爸講一句：我愛你！
By千頌C@堆填區
http://fb.com/winbigwok
如果講香港創意產業，四叔簡直係當代先軀！恒地（012）旗下新盤圖則，一次又一次衝擊對「家」的認知。近期四大最觸目新盤圖則：「M巾盤」利奧坊．曉岸、「天體盤」尚譽、「不能坐的馬桶」加多利軒、「599呎四房」南昌一號，話題性一流！你覺得呢四個盤好冇人性？其實四個盤同屬恒地「The H Collection」系列樓盤，顧名思義啦OK？個盤行咩路線，由個「H」字已有迹可尋。
話說，恒地話The H Collection物業風格，「均走高檔精品路線」，仲奉行五個「H理念」。根據恒地網頁簡介，單睇字面，其實呢四個盤都做足呢五個H有突！
Heart：恒地話要「用心打造」，「憑一顆心，建構令你喜出望外的品味生活，是我們的堅持」。品味嘅嘢，你識條鐵咩？將「M巾」形嘅設計套落去圖則，真係要非常用心劏客先可以諗到點樣一層劏22伙。「每一構思，都用心追求美學與功能並重，諦造簡約而完善、優雅而舒適的品味空間」。恒地呢段形容，睇多次，別有一番風味。
Hallmark、Handcrafted：喺恒地「名師美學」概念下，The H Collection物業講求「對美的執着追求，是引領生活昇華的階梯」。南昌一號600呎都冇可以間到四房，傳說仲要有一個係套廁，冇巧奪天工技術都搞唔掂。Simple is beautiful，簡約主義下，咩都open咩都冇就最靚，舊時有open kitchen，今日有加多利軒open toilet，大家可以更open更坦蕩咁面對屋企人，同屋企人關係踏上昇華的階梯。四叔，用心良苦。
Harmony：「和諧，是理想生活的重要元素……恒地置地融合城市與大自然」。除咗open toilet外，尚譽廁所、浴室都有門直出露台或工作平台，沖沖吓涼又可以出去吸新鮮空氣，天人合一，與大自然完美結合，感受大自然同人類和諧。
Hospitality：殷誠禮待。咁嘅奇則香港人都衝去買，唔禮待你就真係天怒人怨啦！
睇住咁嘅則，再望番廣告嘅description，對「無恥便無敵」又有多一點體會。
by千頌C@堆填區
http://fb.com/winbigwok
◢屋企面積細但又有塊大落地玻璃窗，可以點設計呢？◤ 近年嘅新樓盤普遍都係單位唔大、而且仲有一個落地大玻璃o添~ 雖然落地玻璃就可以增加採光，令單位更開揚、光猛，但係就令設計難度增加喇! 究竟室內設計師Eric T對呢類單位又有咩設計概念呢? 一齊去片睇睇啦!
片中案例詳情如下:
1. 屋苑: 加多利軒，實用面積: 389呎，工程費用: 32萬
2. 屋苑: 匯璽，實用面積: 286呎，工程費用: 21萬
3. 屋苑: 昇御門，實用面積: 306呎，工程費用: 23-24萬
4. 屋苑: 匯璽，實用面積: 378呎，工程費用: 38-40萬
?Click入嚟睇埋其他裝修電視Deco-TV嘅影片?
http://bit.ly/2ZuGIWi
嚟緊想裝修屋企， 裝修顧問-天生裝修佬 嘅Tips一定幫到你！
=========================
? 裝修佬 - 香港一站式網上裝修平台 ?｜想知道更多裝修資訊，就記得Like我哋Facebook喇！
?【專欄文章】http://bit.ly/2LyQXno
?【Deco-TV】http://bit.ly/2ZuGIWi
?【我要裝修】https://bit.ly/39UZXPO
?【Mall優惠】http://bit.ly/34qchEl
⭐【裝修學院】http://bit.ly/34opKMR
?【國際網站】http://bit.ly/34rzfLb
?【裝修測試】https://bit.ly/3eeuoB6
?【家居保障】https://bit.ly/2Jf1yGS
=========================
?裝修佬現誠招各路裝修師傅、DIY達人、設計公司、專欄作家，參與裝修佬拍攝、提供裝修案例及文章撰寫工作｜有興趣參與請電郵至 hkdecoman@gmail.com 並附上個人或公司簡介，我們將有專人與你聯絡。
#香港一站式網上裝修平台
#幫你揀選最適合你嘅裝修佬
#裝修 #裝修佬 #裝修案例
