好感恩可以同自己立場同睇法相近嘅人做到朋友同拍檔，仲要可以將意見用事實同數據陳述得咁清晰，我愛 陳祉俊 Christopher Chan ！
喺我上個 post 留言話失望同 fsg 做得好差嗰啲我唔特別回應喇，有冇野心有冇心做，相信大家有眼睇嘅😊
【轉會窗埋單計數】
17-18 夏天轉會巿場利物浦轉會操作：
加盟：
沙拉（羅馬）約 £37M
張柏倫（阿仙奴）約 £35M
羅拔臣（候城）約 £8M
蘇蘭基（車路士）自由轉會，培育費仍須由仲裁決定
總支出：約 £80 M (只為約數，並未計算來季簽下基達之費用）
離隊：
盧卡斯（拉素）約 £ 5M
史釗活（候城）約 £ 4M
威斯當（打比）約 £ 2M
沙高（水晶宮）約 £ 26M
奧歷治（外借禾夫斯堡）約 £6M（借用費）
總收入 ：約 £ 47M（只為約數，另有數樁外借費用未明）
淨支出：約 £33 M
(所有數字只為約數，轉會費資料來自 transfermarkt 網站及 BBC）
陳公點評： 買咗四個人，全部都有能力打入出場大名單，左閘羅拔臣雖然未必場場會正選，但睇表現合格有餘；蘇蘭基作為後備中鋒，亦有一定作用；沙拉，唔駛講啦。張柏倫就真係一個未知數，睇高普點調教喇。呢個轉會窗，仲買埋基達添（可惜下年先嚟），只係爭個中堅就完美。
但我亦理解高普對雲迪克非君不嫁嘅心態（買咗第個，下年冇理由再買雲迪克）。雲迪克事件上，球會操作明顯係 seven 咗，媒體關係部太早放風激嬲修咸頓係主因，應該同最高領導層無關（但我明好多球迷已經慣性所有嘢都覺得 FSG 錯 lol），至於最後一日，我睇到嘅版本係如果利物浦係第一隊 bid 雲迪克，就會違反早前利物浦同修咸頓道歉時嘅協議。最終，係冇其他球會 bid 雲迪克，所以利物浦都出唔到手。
另外，見到利物浦係响出線歐聯分組後先開始「郁」，但幾筆轉會都係大操作，證明到球會審慎但有野心，呢方面，要讚。
直至最後一刻，球會想仲係想完成雲迪克同 Lemar 嘅轉會，只係對家唔肯賣或價錢太高，我個人對球會領導層係冇投訴。早一季買基達，亦都係歐洲頂級球會常見嘅事（拜仁成日都咁做！）。
補充一句：西甲今晚先閂轉會窗，古天奴仲有機會離開，不過利物浦呢一個月來個立場都冇變過，應該冇乜可能喇。
個人意見：總結一句，買到買唔到邊個唔係最重要，最重要係，17-18 轉會𥦬，利物浦無論係出手闊綽度同操作嗰種爽，話到畀大家知，我哋係一家大球會。
利物浦轉會 在 曼聯轉會名單竟然有佢? 踢過利物浦,曼城,再加盟曼聯嘅球員 ... 的八卦
曼聯#沙奧尼古斯#普巴# 轉會 傳聞# 利物浦 #曼城#三日事件簿#CLS200 #PSG # 轉會 名單曼迷早晨Good Morning ManUtd Fans***曼聯新聞一 ... ... <看更多>