連日嚟係我咁大個人最忙碌嘅一個星期😅，其實我唔係咁識講嘢，但都想有少少野一次過同大家講~
多謝大家嘅支持。感恩，非常嘅感恩。🙏🏻
呢一個星期多，我FACEBOOK嘅Like由三千多到今日五萬多。多謝咁多位市民、網民、網媒同大家嘅支持、報導、分享，令到我可以傳達我嘅歌聲去香港各區、海外等等(記得有馬來西亞、台灣、三藩市嘅朋友)。🙏🏻
有好多人留言，私訊我表示喜歡我嘅歌聲同支持我，我全部都有睇晒，你地要求嘅地點同點唱，我全部都見到。非常唔好意思🙏🏻🙏🏻，我未能夠以不同嘅回覆每個人(大概每日有2-300個私訊)，喺呢度再一次一次過多謝您哋。(希望日後有機會可以回到大家)
有見到大家將我同有啲職業歌手嘅比較🤦🏻♀，大家實在太過獎。你哋所講嘅歌手全部係經過好多好多努力、好多訓練而得到肯定，請大家唔好再比較，減低佢地嘅成就。佢地有好多都係我偶像，我亦都有唱佢哋嘅歌。
喺多年嚟街演，多謝您哋嘅打賞、飲品、電池、毛巾、食物等等等等😭😭😭。有一件事我希望大家都幫忙嘅，就係請大家唔好送禮物俾我喇🎁❌，太厚禮喇！我實在不大方便收...如果大家欣賞我表演，有您嘅掌聲我已經非常開心高興。雖然係全職BUSKER，但我亦都有穩定收入，有好多朋友喺私訊話要微訊定唔知點俾利是或者錢我，好多謝您地，但真係唔好呀，希望你將之捐俾有需要嘅人或儲起佢，搵錢好辛苦的，我哋終會有一日喺街上見面，到時您俾掌聲我丫。
或者BUSKING唔係社會裡面制度合法嘅事，希望大家見到如果有人投訴、請諒解佢地同埋其他執法人員等等。但BUSKING亦都唔係做壞事，請見諒我未能預早明確咁公佈要去嘅地方，希望可以保護到其他BUSKER、保護到BUSKING呢件事同喜歡聽BUSKING嘅市民。🎸🎸🎹🎻🥁
因為大家、因為網民，成就我有更大同更多嘅平台去演出，亦有咗更多嘅支持，之後會有公開嘅商演，我定必會公佈俾大家知道，大家可以到場支持我。💪🏻💪🏻💪🏻
即使有其他平台，我都會繼續街演，繼續唱歌俾大家聽，如果有一日街演唱唔到，我就喺facebook live唱俾大家聽。好嗎?😎😎
最後，有一個人要特別多謝，佢叫Angus。
除咗偶爾到場支持，仲有支援我某啲音樂器材。年尾有一日街演後，Angus講："不如你試吓出碟丫！我可以support你資金"。當時我都只係當佢講吓笑，😅點知早兩日佢又重提呢件事。就算之後將會點樣，感謝您！💪🏻
Angus有間公司叫Bless係初創企業賣果汁🍏🍎🍐🍊，自己品牌，多謝佢一直提供支持。你講過，只要我哋堅持，總有一日會有成績的。
以前大家見到我BUSKING時會有一兩枝果汁放喺結他袋旁，就係Angus送我嘅🥤。今日我都希望喺度為佢打個廣告，希望大家支持Angus嘅本地品牌Bless。
大家都留言鼓勵一下Angus同佢Bless呢個品牌吧~
多謝Angus
多謝Bless
加油加油！
文章好長...多謝大家睇晒。🤟🏻
P.S. 佢為人低調，經佢同意下就俾我出賣一次佢真相吧~
😅加返
大家私訊問我幫人打廣告做乜唔 tag Bless Cold-Pressed Juice 😅
初創意思 在 新創企業- 維基百科，自由的百科全書 的相關結果
處於初創階段的公司. 語言; 監視 · 編輯. 新創企業（英語：startup company）是尋求、發展和驗證可擴展的經濟模型的企業。與創業（英語：entrepreneurship）不同，創業 ... ... <看更多>