無論你有幾清高、
幾唔鐘意政治、
覺得政治幾唔關你事、
覺得班刁民成日搞亂香港、
覺得政府班高職厚職既垃圾日日返工R腳趾冇建樹、
覺得自己站在道德高地唔會犯事「送中條例」燒唔到你
覺得點樣都好
聽日好可能係香港人最後可以自由表達意志既一日
用雙腳向政府說不
聽日！維園見！！
#你唔想搞政治
#但政治一定會黎搞你
#冇人係高人
#冇人可以獨善其身
【示威遊行101】
今時今日，政權濫權、用盡一切方法打壓異己，遊行示威個環境已經同十年前好唔同。
所以，無論係咩政治光譜，甚至係唔係行動者都好，我哋都要學識保護自己同身邊人。
記住，呢個年代唔需要、亦唔值得俾政權掌握更多個人資訊；坐政治監嘅人，一個都嫌多。
所以下面有啲要點提醒大家，出發前請抽時間細閱 🙇🏻♂️🙇🏻♀️
1️⃣ 不要使用個人八達通
- 改用散紙、現金，保密自己身份行蹤，只有百利而無一害
2️⃣ 取消手機Face ID同指紋識別、同時必須設定Password
- 警察係無權睇你電話，但佢會用盡一切方法威逼利誘你開電話，然後喺入面搵「證據」
3️⃣ 盡量穿素色及無特別記認嘅衣物
- 根據法庭旁聽經驗，白色手錶、有特別式樣嘅外套等等都係容易被識別嘅理據
4️⃣ ！！唔好影低任何抗爭者嘅相！！
- 便衣警察會拎部Cam逐個人大頭咁拍低，見到有人咁做就要制止佢，保護自己同身邊人
5️⃣ 如果有其他人想有進一步行動，請評估風險，決定去留，堅持三點：不阻止、不譴責、不篤灰
- 每人可承擔嘅風險都唔同，有包袱行唔到咁前，我哋可以企後面支持，但對於已做好覺悟向前行嘅人，我哋亦唔好阻止
6️⃣ 如果不幸被捕，無論大事小事，記住「我無嘢講」，包括閒聊吹水嘅時候。唔好相信警察講嘅任何嘢，亦唔好亂簽任何文件；簽咗亦一定要留副本
- 警察作為政權工具，切勿輕信
政權無道，反抗就係義務。
天佑義人。
天佑香港。
#六月九 #反送中
