一直以來，朋友同家人都會勸我少講政治；佢地話，謝曬皮難得撈得起，畫下D輕鬆野笑下味好囉，講政治唔係唔得，不過你都要搵食架！D客見到唔like 架！你D讀者唔想睇呢D 架！
聽日立法會選舉投票日，我FB裡唔同派系既朋友討論得面紅耳熱，冇乜交情嗰D 就會直接unfriend大家算；我個人FB 既政治立場一向公開同鮮明，但係謝曬皮呢？我成日都會censor佢。因為佢表態既成本好高，分分鍾惹來unlike，繼而失去幾個大job，呢D事唔係冇發生過。好啦但係今日我死都要出呢個post 去Endorse 我真心支持既熱普城，係因為，我就係謝曬皮，謝曬皮就代表我，鍾意我既你地就係因為我永遠都係做緊自己，永遠都誠實咁面對自己既感情。
如果可以，我好想永遠都只講好笑既野氹大家開心；如果可以，我好想繼續只畫可愛on9既童年回憶引你地笑；如果可以，我好想唔理政治，都可以安樂咁過生活。
事實就係，我發覺唔得囉，唔work囉，社會上既種種不公義令我無法正常生活，咁點樣去追求快樂？咁點樣令你地快樂？？無法找到病既根源，就永遠唔會好返；正如制度唔變，換幾多個特首都係仆街；香港被中共殖民，不久將來將會與大陸無異，社會上大部分民生問題就係因為香港人冇say，搞到D惡法一個一個咁通過，睇下個立法會？禮樂崩壞，被賣港賊同廢人充佔，缺乏能夠抗衡極權既正氣。長話短說就係，講緊既呢鼓正氣，就係我所相信既熱普城。我希望大家同我一齊送佢地入去，撥亂反正，進而就係全民制憲，制定屬於香港人既憲法！咁樣我就可以講少D政治，專心畫多D 搞笑野氹你地開心，你話幾抵屌呢！睇到呢度，如果你唔認同謝曬皮既政治立場，唔緊要，我都希望你聽日投票，盡你公民既責任，同樣將來亦為呢個決定負責就可以了！：）
九龍西：7號黃毓民
九龍東：10號黃洋達
新界西：5號鄭松泰
新界東：4號陳云根
香港島：7號鄭錦滿
全民制憲 在 全民制憲路線的走向〈蕭遙遊〉2013-07-23 c - YouTube 的八卦
謎米香港memehk.com. ... <看更多>