我係Simpson
「老公，你攤喺梳化嘅姿勢，好鬼似Simpson。」諗諗又確係有啲似，懶懶閒，啤一啤，睇電視，或者無所事事，似足我，Simpson就Simpson啦。
細個嗰陣，如假包換Simpson，又懶又hea又無責任心，從來唔會諗將來，好彩老豆老母任我自由發展，淨係關心我有無禮貌、公德心同埋孝心，從來無話我半句，今日我點敢話人。
唔係鼓勵hea，亦唔敢輕易評價人，一向認為：「自己人生，自己負責。三十年之後，唔會後悔，唔好羨慕人就得。」就算後悔，都係自己事，與人無尤。
就算同你有僱傭關係，你可以批評我嘅工作表現，我亦可以藐視你嘅管理能力，總之貨銀兩訖，各不相欠。工作以外，我係咪Simpson，上唔上進，關你乜事。除咗老豆老母老婆老友，其他感情圈以外嘅人講乜，根本唔想知。千祈唔好以為自己好重要，任何人話Simpson係廢青，我一定睇佢唔起。
前日篇《廢青講廢青》到𠵱家為止，超過四十六萬reach，5300like，1200些牙，小學雞智慧，人人都識，居然感動到咁多人，其實我淨係想提醒大家：「凡事以小自居，謙卑待人，我咁渣都得，大家都一樣得。」
至於開竅前嘅荒唐歲月，諗番起都好回味，將來機緣巧合，又有人叫我聲Simpson，再話畀大家知。
僱傭 工作表 在 女傭工作時間表 的相關結果
裡面含有女傭工作時間表範例. ... <看更多>