2015.05.12 文匯報
梁漢文對合唱團有情意結
梁漢文（Edmond）將於今年8月在紅館舉行個人演唱會，近日他為個唱開會、練歌和健身，還要籌備新專輯，狀態大勇。而最近派台新歌，由側田作曲編曲和監製，陳詠謙填詞的《一路走來》亦大獲好評，日前乘勝追擊，落重本包了整個演奏廳拍攝全新MV，還重金禮聘合作無間的星級導演嘉萍，以及請了樂手和超過30人的合唱團一同拍攝。
原來Edmond對合唱團有情意結，他說：「見到一班穿着整齊制服的合唱團，勾起我好多兒時回憶。我由小學到中學都參加合唱團，仲經常代表學校出外表演和比賽，好開心。」令他印象最深刻的合唱團，卻是2012年紅館演唱會中，40名猛男組成合唱團演繹經典作品《艦隊》，他說：「當時我哋要喺紅館舞台排成戰艦陣式，加上唔夠咁多支咪，所以大家都要中氣十足唱出來，聲勢酷大，場面震撼，到現在我仲記憶猶新。最搞笑係為咗呢個演出，竟然花最多時間係綵排企位，而唔係練歌。」
當年參賽緊張到唔識笑
由小學開始參加合唱團，問Edmond有沒有趁機識女仔，譜出浪漫合唱情緣？他失望地說：「唉，我讀男校！（出去比賽識女仔？）邊度有呀？每次出去表演或者比賽都超緊張。有一次比賽，當我同啲同學排隊，好醒目咁逐一行上台就位的時候，突然我前面個同學『啪』一聲叭咗喺地，如果現在Big 4其中一個跌倒，其他3個仲唔笑死？但當時我哋冇人笑，好專業咁繼續行上台，其實當時緊張到唔識笑。」而8月紅館演唱會，Edmomd透露亦會有合唱團參與，他說：「今次唔叫『演唱會』，而係叫『中場表演』即係half-time show，代表我演唱生涯過咗一半，要開展另一頁。而我同合唱團咁有淵源，今次都會有，但表演形式要賣關子，保持神秘。」
