自問唔係一個出色嘅FB Creator，中文爛，英文又衰，咁多個月堅持每日死力咁睇新聞，分享分析，攰到得返半條人命喇！
都從來都無希望大家一定要完全同意我嘅所有觀點，只係祈求大家花些少精神去留意國際新聞發展嘅脈絡，唔好繼續做標題黨，睇新聞咁零碎，聽埋晒啲Polo Shirt K乜OL陰謀論當上帝旨意，誠心希望大家用下腦同思考力了解下發展同可能性，唔好人云亦云得唔得？
點解仍然選舉咁嘅眼界，心胸繼續要咁窄？點解會認為國際大事好似波仔飯丁幾分鐘有得食？電視劇呀，依家？
唔該自問下，响全世界每個國家面對疫情死咁多人，香港人响呢段時間為國際做過乜？連一對越南小朋友都識用零用錢捐口罩去英國領事館捐幾百個口罩，香港人呢，「唔戴口罩抵死」，「看誰笑到最後」，「一早聽我地講咪無事囉」，「英國咁危險，都係返香港穩陣」等等，都未計鬥黃、互批同玩內耗，乜無其他更多事要做咩？
相反人地周身屎都要支援你班香港人，多謝都無聲仲好意思做「怨婦」？
地球跟住香港轉㗎？還是全世界欠咗香港人呀？講慘，大把國際慘同殘酷香港好多倍呀！醒下啦，學下台灣啦，好多個月喇，仲係停留响政治BB班，扮國際棄嬰Cry Baby...咁叻聽風向，依家個風向係疫情死好L多人呀！
#恨鐵不成鋼
#借機會感染世界
#雙眼唔好剩係望到自己對鞋
借機會感染世界 在 【Fact Check】美國借世界軍人運動會在武漢散播病毒？ 的相關結果
《東森財經新聞》節目《57爆新聞》其中一集指控美國借去年10月的世界軍人運動會在武漢散播新型冠狀病毒，但其指控沒有實質證據支持，其消息來源亦非常 ... ... <看更多>