要寫呢一篇，真係好忐忑，因為細細個已經知道嘢唔可以亂講；經驗話畀我知，有時啲嘢唔講由自可，一講就會開口中，說話千祈唔好講得太盡。所以喺寫之前我必需要講明：托賴、好感恩、好好彩、我只係非常無比咁幸運地 - 啲頭髮一直都好多好密。
喺咁嘅前設之下，當收到史雲遜護髮中心 嘅邀請嗰陣，就心諗：我應該未駛搞呢啲啩？自己兩個星期就要剪一次頭髮，髮型師仲話我頭頂有啲毛囊直頭有生兩條頭髮添。
「伍生你的確係有毛囊生兩條頭髮出嚟，都算幾健康。」嗱，連史雲遜嘅護髮專家都咁講！
不過再聽埋落去呢就開始淆底：「但係頭頂位置有啲頭髮就開始變幼，似乎唔夠營養呀！」專家用機器放大檢查我嘅頭蓋皮膚同頭髮，我喺螢光幕上面睇得清清楚楚 - 咦？頭頂真係冇後腦嗰啲咁粗嘅？
做我啲呢行，幾乎日日都要Gel頭，有時為咗拍攝效果，就焗住噴大大量嘅Spray，我又唔多護髮嘅，通常就咁洗一次就算；呢排為咗自己創立嘅網上體育頻道，飛咗幾轉俄羅斯，壓力大又休息少......心理壓力當然有影響，而平時洗頭唔夠乾淨，有嘢塞住毛孔，亦都會令頭髮營養唔夠 - 專家話嘅。
專家詳細咁分析完我個情況之後，就設計咗一套護髮方案畀我嘞：先做一個深層清潔，然後再搽上有助對抗髮囊老化同埋減少頭髮變幼嘅藥水(紫色嗰支)，再用唔同嘅儀器導入，提升藥水嘅滲透力同頭頂皮膚嘅吸收能力， 加速修護頭髮嘅效果。當然，就算我話做完立即見效你都唔會信啦，不過完成第一次療程之後，頭頂真係好清爽，個感覺係成個頭皮識抖氣咁。
Treatment的確係要Keep住做至有效果，不過就算我成日要飛來飛去工作都駛怕，因為專家畀咗兩支法寶我，佢哋分別係防護加固洗髮水同防護加固精華液。先洗頭再用精華液，就能夠有效清潔頭蓋皮膚；去除毛囊堵塞物同多餘油脂之外，亦有效減少甩頭髮，保持頭髮健康強壯，同時激活髮根，促使頭髮再生，日日用都得㗎。
同專家傾完，知道咗好多正確嘅護髮心得，同時亦知道自己平時實在太懶。定期去史雲遜護髮中心做療程保養下，就唔使擔心中年脫髮危機啦；而家你哋嘅機會嚟喇！
立即去 https://bit.ly/2uqRsYm ；
📲Mobile按此 https://goo.gl/Kjynju 直接WhatsApp +852 97061522 ；
又或者Inbox史雲遜Facebook👉🏻Svenson Hair 史雲遜護髮中心👈🏻預約免費體驗個人化活髮療程，史雲遜嘅護髮專家會根據你嘅頭髮需要而幫你挑選適合嘅護髮療程㗎！(只限新登記客戶)
#關你髮事 #HairUCare #史雲遜護髮中心 #SvensonHair #護髮專家 #個人化活髮方案 #OJ高壓純氧活細胞導入療程 #APR生物複合勝肽活髮配方 #TDSM深層注滲儀器
