話說大家都講緊英國校園的歧視同欺凌，我第一個反應係：嘩，乜咁睇得起英國呀？乜淨係英國有歧視同欺凌架？香港學校係大乘佛法級的淨土咩？
我又再講多次呢句啦，人會講大話但數據唔會，我地睇下2017年經濟合作與發展組織（OECD）發表嘅報告，調查對象包括全球72個國家和地區的54萬名學生，當中包括欺凌問題。受訪的5000名本港學生之中，有32.3%在過去一個月內曾經受到欺凌，包括遭到襲擊、排斥、威嚇及作弄等，這個比率為全球最高，遠超澳門（27.3%）、新加坡（25.1%）、英國（23.9%）、日本（21.9%）、美國（18.9%）、韓國（11.9%）和台北（10.7%），令香港被冠上「欺凌問題世界第一」的不光彩名銜。
係呀，你個寶貝仔/女原來日L日在香港欺凌/俾人欺凌緊，但你完全唔care，但你移黎呢啲欺凌機率較低嘅國家，反而好擔心佢會唔會俾人欺凌同歧視，真係好L好笑呀DLLM...
你黎之前問下自己，平日有冇教佢「唔好同個白癡/盲嘅/聾嘅/自閉嘅/曳嘅（ADHD)做朋友？」有冇叫佢唔好「群埋啲南亞細路一齊玩？」點解你會咁教？拿，幫人教仔係我嘅專業（香港大學教育學士），我收好貴嘅，所以我就唔介入你家庭教育的問題，但天下父母都係大抵差不多，如果你會咁教你個仔，外國也自然咁樣教自己個細路。但幸好/不幸的是，通常外國被歧視同欺凌的對象，都係黑人或穆斯林為主，原因係好深層次同結構型嘅社會問題，亞洲人（尤其是香港日本台灣新加坡）在英國是挺受大家歡迎的，成為被重點招呼的機率是很低的。
其實，小朋友也不是你想像中的天真無邪，我們都是從欺凌問題世界第一的香港教育裡活過來的，他們也天天泡在這池毒水裡，要是在香港也能活過來，在英國也是死不了的。
不過，反過來說，要是你的小朋友真的很受歡迎，整天跟黑人和穆斯林的小朋友玩在一起，你會很高興嗎？你能接受嗎？你會ok他在亞拉伯朋友家庭裡玩過夜嗎？還是... 來說是非者，便是是非人，說怕被歧視者其實心底裡最愛將人分作三六九等？
Anyway，我成日都話：唔想俾人欺視，那就做些令人尊敬的事。若果你是與人為善、樂善好施，常做義工，善待友鄰也會跟人打招呼，而非自掃門前雪的話，你很難會被人討厭的。
最後，我覺得與其擔心歧視，不如擔心佢英文唔好，識唔到新朋友。唔係人地歧視佢，而係根本溝通唔到、想邀請佢玩都無辦法，這樣才是最值得你擔心的。
#係呀你個仔好乖架
#係囉全校老師同學生都針對佢
#係都要罰你個仔留堂
#係都要捉你個仔集會傾計
#我當年香港教書遇唔少呢啲怪獸家長啦
#你個仔真係純到下流無恥架DLLM
#最乖係佢啦X你
#其實ADHD真係唔係曳
#終結校園歧視大家有責
圖片來源： 膠街架 PlasticGuys
