係港女都啱的八卦，Yahoo名人娛樂都在討論

[所有女性都應該要知~]

每個嚟清邁探廢氏嘅女性朋友，都一定會問呢句：「清邁有無THANN賣㗎？」嗱嗱嗱，想搵國際一線名牌就真係幫你唔到，但土炮品牌都仲有嘅，喺Ping River右岸、扮嘢系咖啡店Woo Café旁邊的店舖即可搵到。

一入去，已經聞到陣陣香氣，專櫃唔算好大，但熱賣貨品一樣有齊，忠實用家兼客席格價專員D小姐好權威咁話：「平香港有一半咁滯！」好似D小姐推介的Rice Extract Moisturizing Cream，香港專門店賣HK$530，清邁呢邊賣1,200THB/HK$265；皇牌香薰機香港賣HK$2,200，包一支50ml香薰油，呢邊賣4,390THB/HK$970，附送兩支10ml香薰油，點計都有平，作為陪客嘅我都好心動，一直掙扎買好唔買好⋯⋯

留意部分貨品如Shiso Facial Sunscreen、Sea Foam Aromatherapy Hand Wash等平得少少，唔想白白老遠托返香港，出發前最好check定個價。大手掃貨後，有時間不妨去埋隔離Woo Café回氣~（詳細介紹請睇 #cmj43 ）

================================
【查詢私人包車連司機服務】
www.chiangmaijourney.com/vananddriver
【清萊一日遊行程資料】
www.chiangmaijourney.com/chiang-rai-1-day-tour
【預訂大象保育園服務】
www.chiangmaijourney.com/elephant-care

THANN
地址：80 Charoenrat Road, T.Watgate, A.Muang, Chiang Mai
營業時間：10am-8pm
網址：www.thann.info

#係港女都啱
#唔係港女都覺得吸引
#買呀買系列
#廢氏清邁私生活
#cmj56
#chiangmaijourney
#chiangmai

［女人逛書展必睇好書推介—《港女的自戀日記》］

好戲劇化咁，碌碌下Facebook，「咦個封面咁熟口面嘅？」Click入去睇，《港女的自戀日記》居然成為女人逛書展必睇8本好書推介之一，感覺太榮幸～～我要多謝我爸爸媽媽、多謝Yahoo轉載、多謝Jessica報導，當然我仲要多謝咁有眼光寫呢篇報導嘅Ada Chan小姐，係唔係港女都啱睇嘅《港女的自戀日記》現正於書展1C-E24紅出版攤位發售中，買返本睇下，作為香港人嘅你一定有共鳴！

街坊小店，從來都只是做鄰舍生意，由早餐A到碟頭飯，日夜如是，堅守多年，面臨結業，卻因為太子爺浪子回頭，令小店不再小，衝出界限，跨區發展。由流浮山走到慈雲山，除了是榮記老闆娘Polly姐的愛情故事，亦是扭轉這間小店命運的關鍵。

金蠔 VS 蠔豉

「羅撚蠔」，在流浮山經常聽到的三個字。驟耳聽，似本土粗口，但人家沙井話「金蠔」叫法，親切得多。蠔，可以有多種食法，本土蠔生食，被群起而攻之，但如果嫌薑葱、砵酒、酥炸太平凡，可試試蠔之鄉沙井人傳統食法，由插杆養蠔起計，養足四年，再生剝風乾日曬一至兩日，令蠔身保留80%水分而裙邊略帶金黃，呈半濕半乾狀態，就是上等「金蠔」。

「金蠔」和「蠔豉」不同之處，除了身價，肉質亦有大分別，蠔豉要曬上四至五天，水分保留20%以下，肉身不會太肥而乾身。「金蠔」煮法簡單，兩邊輕煎金黃色，幾分鐘後上碟，沾上砂糖，配着冒煙白飯一流。（配砂糖據講可以辟走蠔澀味）


傳統食法好，但放在已經傳統到有點殘舊的慈雲山茶記，未必成為大眾口味，當愛的故事上集正面臨結業危機，太子爺李耀榮（Ray）剛好回來接手，憑着媽媽Polly姐的家族蠔業，發展愛的故事下集，以「金蠔煲仔飯」將小店起死回生。「細個一放學就落茶餐廳幫手，同學去玩，我就趕住返鋪頭切麵包，沖華田，唔憎就假啦。」對阿Ray而言，家人經營食店，簡直係是童年惡夢。「成日屈喺間鋪，一個星期開足七日，年初二、三就開門，喺鋪頭多過喺屋企，你話有乜理由一畢業唔搵工走。」

好景不常，Ray出走後做過跟車、做過攝影師，經營過小生意，風光過後，輸得一無所有。回到起點。「當日我返嚟茶餐廳，媽咪無講啲乜，直到我講咗句，返嚟幫手好唔好？」媽咪望住我，好簡單答：「好！」對Ray而言，這個簡單的好字，令他百感交集，窩心得差點流下男兒淚。曾經往外闖，見盡人情冷暖，還是回到家，才有實在的安全感。


廚房雖小，鬥志卻很大

人生總有高低潮，最難聽的說話都聽過，「有朋友見我衰咗，要返榮記，睇死我唔得，咩死廚房佬，撈唔掂，踎喺廚房一世啦！」冷嘲熱諷，的確可以令人磨滅鬥志，但偏偏Ray卻要成為最失敗的成功者，廚房雖小，鬥志卻很大，「我當時諗，我唔可以俾人睇死，唔成功無所謂，但至少，要俾人知道，我係有實力，就算輸唔緊要，反正我已經無嘢可以再輸。」

一個砂鍋，改變一生

Ray回到榮記，很快就熟習環境，畢竟在此度過廿多個寒暑。最初只是跟餐牌做，慢慢就想改變了，畢竟還年輕，當然想有突破。「諗過好多方案，例如加燒味，但諗深一層，就知唔work，點做都唔夠大集團好，左諗右諗，最後就諗到做煲仔飯。」原因簡單，Ray覺得香港有水準有風味的煲仔飯很少。

起死回生，再重生要做色香味俱全的煲仔飯並不容易，排骨、滑雞、臘味是經典，但無特別，「有次喺屋企食飯，攞啲金蠔出嚟煎，就係咁，俾我諗到用曬乾過嘅海產做煲仔飯，金蠔有海水鹹鮮，唔需要添加調味，已經鮮味突出，加埋白飯，嗰種香氣，未食已經口水流。」

兩母子試完第一個製成品，覺得不錯，當Ray定價過百元，兩母子就各持己見，「媽咪覺得過百蚊個煲仔飯，唔會有人專登嚟慈雲山食，但我覺得，香港人對食好講究，只要質素好，就會嚟。」有麝自然香，跨區都有捧場客，加上Ray的外公生前在流浮山做蠔業，有些江湖地位，要拿上等貨並非難事。既然貨源穩定，品質有保證，當然事半功倍。「估唔到因為我呢個煲仔飯，令外公停咗嘅蠔業又再重生，感覺好奇妙。」

輸了時間，贏了婚姻

這招牌煲仔飯，令Ray贏回親情、事業，還有愛情。「我識到我老婆，都係因為呢個煲仔飯咋，佢未嫁我之前係Food Blogger，咁啱有次朋友食飯，我請佢嚟試食，之後就一齊咗。」婚後更生了個可愛囡囡，良緣天注定，婚姻竟然可以靠煲仔飯？！

冬天必食煲仔飯，對我們而言，是溫飽是滿足果腹之慾，對慈雲山榮記而言，挽回面子，也贏得食客掌聲。

採訪：馬小玲
攝影：謝致中、邱覺達

榮記茶餐室
地址：慈雲山毓華里12號地下
電話：2328 9232
營業時間：星期一至六 6:30am-10pm、星期日6:30am-6pm
詳情： http://bit.ly/2UvawA5

註：煲仔飯6pm後供應

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

正所謂「天有不測風雲，人有旦夕禍福」，人生在世，免不了遇上大大小小的「意外」，甚至會打破平淡幸福的生活，胡太劉倩萍(Cindy)就自嘈說，自己就是這樣一個「幸運」的人。

突如其來的中風

時光倒流回到2012年一個聖誕假日的早上，Cindy原本仍沉醉在夢鄉，卻被丈夫的嘔吐聲弄醒，原以為他是腸胃炎，到附近中醫就診時卻被指是中風，於是馬上叫白車送入急症室，當值醫生亦很快把胡先生確診為面積頗大的出血性中風。老公隨後被轉往病房，怎知這卻是Cindy惡夢的開始。

人生最後的6小時

「第一分鐘去到醫院，我好安心因為好信任，但突然之間喺一個短嘅時間，將我嘅信任打散不特止，仲驚你唔死再踩多幾腳。」Cindy略帶激動地說。她回憶當時在病房，她一方面觀察丈夫的變化，一方面不停尋求協助，但無奈病人多醫生少護士忙，直到6小時後，終於有醫生來到病床前：「佢就死啦，要即刻同佢做開腦手術。」

「老婆，我真係好愛你。」這是當時50歲的丈夫，最後一句和Cindy說的話。

手術後醫生告訴Cindy，她丈夫有生命危險，即使能救回亦會變成植物人，家屬可以自行決定未來：「短短6個鐘內變成咁，我係唔相信，我唔係唔接受。我嘅感覺係，喺政府醫院，輕症嘅等到變成重症；重症嘅等到無得救。」Cindy示意，不會終止丈夫的生命，也不會放棄治療，會用她的方法「喚醒」丈夫。

植物人丈夫　何去何從

Cindy丈夫最後雖然保住了性命，卻變成一個沒思想、只剩一副軀殼的植物人。住院一個月後，醫院通知Cindy由於床位不足，胡先生必須出院，但Cindy在社區甚至內地都找不到一間院舍肯收留她丈夫，糾纏了九個月，在院方單方面申請了胡先生的監護令後，Cindy迫於無奈接丈夫回家親自照顧：「究竟有幾多植物人係返咗屋企？或者係喺醫院？無人答到我，你要趕我出醫院嘅時候，你有無畀我一啲確實資訊，話畀我知應該點做？係無。」

「消失」的頭骨

「我問可唔可以安好丈夫頭骨再出院，醫生話無必要，因為佢係植物人，無危險性，我問『咁頭骨點呀？』，佢哋答『可能揼咗啦』。」對這個解釋，Cindy感到很不解，亦令她情緒很波動：「好多事我可以諒解，但我絕對接受唔到不解，喺醫療、社福甚至法律層面，都幫唔到我嘅時候，我就好似孤軍作戰，完全無兵器任由踐踏。」

賣樓醫丈夫

Cindy一家原屬於中產，但丈夫出事後，面對龐大的醫療開支，她只好將唯一的自住物業出售，但都無怨無悔：「我話初初會用兩年時間，我耗盡所有積蓄都無問題，咁兩年佢有進步我就繼續落去。」就是這樣，她一個人在家照顧植物人丈夫足足五年，丈夫由最初要用胃喉進食變到可以用口再吃東西，甚至可以拿到乒乓球拍，這對植物人來說都是很大的進步。

「暈住做，醒住瞓」

但她丈夫的進步並不是偶然，亦不是「奇迹」，而是Cindy用一雙手及自己的健康去換取的：「兩個鐘轉一次身，佢嘅被單係全部濕晒，得我一個人，要同佢換都幾吃力。」因為沒有工人願意做這照顧的工作，除了女兒課餘時幫忙，以及社署提供的家居護理和陪診服務外，Cindy基本上是一個人24小時照顧丈夫：「暈住做，醒住瞓，真係做到暈，一日24小時咁做，夜晚瞓覺要好醒瞓，因為佢隨時有狀況出現。」

用自己健康換丈夫健康

「對眼啱啱做完手術，淋巴有癌細胞，肝臟亦都有腫瘤，依家做緊化療，成個人真係好攰。」照顧了植物人丈夫五年，Cindy身體終於發出警號，今年1月身體多處部位發現癌細胞，幸好因為丈夫的狀況改善了，2月終於獲安排送入社署資助的安老院。

Cindy自身難保，過去幾個月未能經常去院舍照顧丈夫，丈夫的身體狀況又退步了，需要重新用胃喉進食，Cindy就希望當自己打贏癌魔後帶丈夫回家：「可能做一啲精神上嘅支持，體力上我都無信心，好似頭先推完佢我都幾辛苦。」

犧牲了女兒

Cindy丈夫中風最終變成植物人那年，他們的女兒剛好17歲。爸爸作為家庭經濟支持，突然倒下了，女兒原想不讀書出來工作幫補家計，但Cindy堅持要女兒完成學業，亦催促她畢業後盡快結婚，女兒聽她的話，去年和男友拉埋天窗：「我唯一可以犧牲嘅就係個囡，我嘅精神已經去唔到付出咁多關心，我都安心因為佢好聽話，依家佢兩邊走都好辛苦，又要照顧爸爸又要照顧我，但佢都無怨言。」

出書助同路人

作為植物人照顧者，Cindy一路走來跌跌撞撞很辛苦，有見於在香港有關植物人的資訊嚴重匱乏，於是她將過去照顧丈夫的經歷，寫成《真空》一書，希望讓日後的同路人，多一點指引：「我希望呢啲訊息可以畀佢哋起碼喺決擇上，點樣行佢哋嘅路，比較清晰少少。」

今集《港。故》用8分半鐘，由這個有血有淚更有愛的植物人照顧者，告訴大家幸福並不是必然的。

-------------
《港。故》：東網每周專題習作，講故事、講香港人的故事，請關注《港。故》fb：https://bit.ly/oncckonggufb

《為何深夜總是餓》 第二十五回

秋風起，夜晚餓餓哋，
整返個「男士保健韭菜羊肉餃」就啱晒喇！
唔知係因為煮壯陽嘢令個電磁爐好亢奮吖，
定係因為知道有廣告賣，
個電磁爐今次竟然非常生性，
仲出現違反生理學上嘅異常現象！！！
如果佢以後都咁生性，
阿金仔唔知會唔會又想炸咗我哋個台呢？

男士保健韭菜羊肉餃

韭菜300克
絞碎羊肉200克
蒜茸3瓣
薑茸1湯匙
鹽 2茶匙
糖1茶匙
紹興酒2茶匙
麻油1湯匙
蠔油½湯匙
40-60塊上海雲吞皮
水適量(混合肉及黏皮用)
伴汁

食譜由Kiki Hime提供

#杜汶澤喱騷 #為何深夜總是餓 #GeniusBar #壹鳩大事回顧 #chapmantolateshow
#田原香滴雞精香港澳門

=========================
【一週節目重溫】
?星期一《為何深夜總是餓》：
15/10－ 韓式石頭鍋飯（https://bit.ly/2yHjfpg）
⚪星期三《GENIUS BAR》：
17/10－ 激嬲女友點氹好（https://bit.ly/2RWBwbc)
?星期五《壹鳩大事回顧》：
19/10－ 第十二回（https://bit.ly/2J5Jpa6）
=========================
?杜汶澤喱騷Chapman To’s Late Show YouTube Channel：
https://bit.ly/2K5ZyPL