教教下呔仔功課。細細用紙巾包住隻手指行埋黎。話手指流血。我以為佢摵倒刺損左。叫佢自己印一陣。佢話：唔係呀媽咪！我岩岩try左D野。係好尖架。我show比你~
下？我跟佢去廚房一睇。哇！乜咁攪法！！即刻揭開佢張紙巾。巴巴聲流血割到好深喎老細！不過我口中一直係：唔緊要，好小事，唔使驚 (而其實佢一D都唔驚。勁鎮定)
同佢洗左傷口。叫佢大力㩒住止血。貼膠布。順便教仔s~
細細之後話：Sorry媽咪... 我唔知咁尖.... 所以我try下....
我話：細細呀你下次想試野利唔利呢。唔使界落自己度架。搵張紙黎試就得架喇~
細細尷尬笑：點解你而家先話我知既？
我：咁不如你下次想試野之前同我講聲。我教你點試好無？^^
Um....自己攞把cutter界手指試下利唔利？佢阿哥又掉隻瓦匙落地睇下爛唔爛？乜佢2兄弟試野D方式咁特別呀 @@~!!
#係咪睇左國產凌凌漆
#D橋段好星爺
