「唔該一碗淨撈麵幾錢？」
「有蠔油就$15，冇就$10。」
「唔使蠔油喇。」
一個疲憊不堪的男人，走到一間麵店裡坐下。
鄰座的伯伯一邊刨馬經，一邊搭訕：「男人老狗，食碗麵就夠㗎喇？」
那個男人沒有理會伯伯，撥了一個電話：「喂？做晒功課未？有冇唔聽媽咪話？快啲乖乖哋上床瞓覺喇！爸爸放咗工，食埋嘢就好快返。」
他掛線後，伯伯再次搭訕：「囝定囡？今年幾大呀？」
男人看了伯伯一眼，終於開口：「囡，7歲。」
伯伯回應：「同我個孫差唔多大。」
有了共同話題，他們開始聊起來，跟他們同枱的我聽著二人對話。男人說生活不易，老婆跌傷了要停工，家有小孩子要養，還有一頭貓。小孩子跟貓都經常病，最近看醫生都花了數千。
「但我份糧都係萬零蚊，仲有水電煤同交租，啲嘢硬係同一時間迫晒埋嚟。」
麵到了，男人扒了兩口，輪到伯伯說：「個天係咁仆街㗎啦。」
以為伯伯會長篇大論，但他說了一句就戴上耳機，神情緊張。
男人年約50，頭髮掉了大半，穿一件鬆身的短袖恤衫，低著頭默默地吃。
「老細，要碗淨雲吞，再加多份大牛雜！」
伯伯除下耳機，「赢咗馬，一齊食啦！男人老狗，食碗麵邊夠㗎！」
未幾，男人的碗上多了兩粒雲吞，而這個晚上，裝潢簡陋的麵店，多了一份男人的浪漫。
FB: 莎比亞
IG: sapeiar
