【 #他們的愛情故事 - 「死侍」44歲生日 老婆Blake不忘嘴炮老公 】
「死侍」Ryan Reynolds一向同「花邊教主」老婆Blake Lively非常恩愛，日前男方更迎來44歲生日，呢對可愛夫婦當然有慶祝，Blake仲親手焗咗個Ryan要求嘅生日批畀佢食！不過死侍夫婦一向都鍾意整蠱大家，所以Blake就喺story post出一張Ryan作狀唔吹蠟燭就食批嘅相，嘴炮老公：「難以置信我哋仲一齊緊」、「邊有人生日食批」！（差在未講老公正戇居...）
.
不過Blake可以頂到Ryan咁耐真係幾神奇嘅...因為Ryan平時第一大愛好就係惡搞老婆，之前就曾經喺愛妻生日連post咗10張佢嘅柒相！又試過當眾同老婆示愛話願意幫佢擋子彈，點知過一排又改口話「不了」，因為自從個女出世望見佢第一眼，佢就知必要時要用老婆擋，因為佢仲要保護阿女唔得閒咁話！
.
雖然Ryan同死侍一樣把口唔收，但其實明眼人就知佢係老婆奴，因為佢曾經為老婆走私成喼（無錯，係滿滿一個喼）蘋果批，搞到畀海關拉咗，原因只係老婆一句話鍾意食～連Blake Lively都話：「老公真係無時無刻都可以令我開懷大笑」！或者最好嘅愛情，係佢係你老公，同時亦係你最好嘅朋友，咦～好sweet㗎姐！
.
#Ryan張相笑到見牙唔見眼 #心智年齡目測3歲 #不過blake偶爾都會小反擊 #例如睇演唱會投訴ryan擋住佢偶像 #打和啦super #恩愛 #愛情 #拍拖 #死侍 #搞笑 #香港
.
即like 港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
