好多時候，在香港買外國貨，俾人mark貴幾倍，往往就係一句：無計，外國貨，運過黎好貴/ 物離鄉貴。上次我話Sainsbury's 啲嘢黎到香港，賣貴3-5倍，有人答我話黎到倫敦買返香港野咪又係貴幾倍？
我覺得大家做鍵盤戰士，講到英國脫歐都未講得完。所以我直接到全英國最出名的亞洲超市泗和行，抽了十多件貨品讓大家一起比較比較。
有圖有真相，貨品價錢大家有眼睇，中國的珠江橋牌生抽大約18港元一枝、香港李錦記豉油15港元一枝，維他檸檬茶一包也不用6港元，其實和香港沒差太多，起碼不是香港進口的英國貨般起碼mark高3-5倍。比較貴的是21港元一包香港的熱浪空氣，不過我念在佢附送薯片，我就姑且容忍吧。此外，唔知點解強國會認為有豐胸作用的益力多，一排也約27港元，似乎外國大家都發育得不錯，所以未見搶購。
黎到呢度，請問仲有邊個五行欠婊的純情小寶寶，想走出黎講英國買返中國野咪又係咁貴？
其實不如認清事實：香港班奸商根本當大家水魚，交通運輸無你想像中的昂貴，你俾多左只係對方同地產商賺多左，同人地成本無關。
再退一萬步講，你同誠哥好熟咩？人地成本高、明明可以走海路的意粉同礦泉水走左飛機，又關你事嘅？人地經營不善又要你體諒嘅？全世界係得香港嘅消費者，可以在消費的層面上如此博愛和包容，不是想怎樣才可令商家把價格下調，而是想怎樣令自己覺得俾貴了是物有所值，還要一邊當水魚，一邊幻想：英國買我地啲野咪又係一樣咁貴～
貴你個死人頭。
#今次真係有圖有真相
#唔好同我講唐人街的雲吞麵成舊水
#你上山頂鋸塊扒我睇過咩價錢
#我地最低工資仲要75蚊港紙一個鐘
#你要幾智障先會由香港走去英國旅行都要食雲吞麵呀
#你有咩好講
#法官大人我冇補充啦
