呢兩日見到好多人瘋傳港大何東Hall的cheer,很老實說,你只要讀過港大,大抵都不會對舍堂的cheer感到陌生,讀過中大就知佢地對於dem beat有幾狂熱。這些cheer和beat存在的時間以十年計,我看到很多人好似發現新大陸咁,我看著他們的反應,我也覺得發現了新大陸,原來竟然有人不知道這些事情的。
好吧,其實不知道也沒所謂,又不是什麼世界大事,反正今日dem完,幾年後畢業了也不會有什麼影響。讀醫的變了醫生,讀law的變了律師,讀S片的變了高官(?)。而我個人唔認為一個來自何東的fresh grad,見工時自我介紹會dem cheer「我地精明能幹做嘢爽快、會煮糖水又會煲粥」。正所謂What happens in Vegas stays in Vegas,讀大學時再荒唐,都是讀大學時候的事情了。你係都要用呢啲例子黎講大學生質素低下,我只能夠說dem cheer呢件事存在了起碼十多年,當年畢業的老鬼們,現在都成了社會的精英和中流砥柱,麻煩你發表呢番言論之前,望望你上司同老闆,隨時當年佢都有dem過cheer或者dem過beat,俾個質素低下的垃圾大學生管著的你,喜歡這羞恥play嗎?
除此之外,也有人話大學生應該點點點點,我想講嘅係,通常講得呢句嘅人,都冇讀過大學。大家讀過大學,就會知道大學正正就係冇一個規範同標準,呢四年的大學生活,係佢地正式投身社會前探索人生的黃金機會。由細到大,父母和教師都會告訴你要怎樣做人,要有什麼人生目標。讀大學時這一切的規範都會消失,換來的就是自己探索人生與興趣、尋找知己、融入團隊生活的機會。Dem cheer呢件事外人望落去好低B,但其實背後團隊的合作訓練、朋輩間的待人接物,以至互相支持鼓勵去克服困難,都是將來在社會工作的重要元素。
難道大學生們要靜靜的拿著一本《怎樣當領袖》和《怎樣成為一個team player》去讀,才是正經嗎?為什麼日本的中學生也常有炫技,大家也瘋狂讚好,難道日本的中學生就可以努力去做無聊事,香港的大學生就不行嗎?而為什麼練cheer是無聊,那mass dance又是什麼?難道練群舞又能增加GPA嗎?遊戲是學習的方式之一,太多人不讀書,所以不知道很多知識,往往都是書本以外才能學到的。
另外,仲有啲粉皮最鍾意話大學生有書唔讀走去玩,浪費納稅人的錢。你方便把臉移近熒幕一點嗎?我要給你打臉了。首先你條盲毛要知道,你交那丁點的稅唔好話幫學生交學費,你連吳克儉去「膠流」的機票都未夠俾。再者學生有上堂考試合格,已經完成左佢嘅學業責任,你當自己交左稅就變sugar daddy包左個大學生任你舞呀?此外,係咪對方受你一部份薪就等同乜野都要俾你管呢?咁每年端午節划龍船,香港消防、香港警察都有派艇隊出黎參賽架,佢地份糧直情係出緊我地納稅人的錢,根據你的邏輯划龍船「咪又係走去玩」,同佢地嘅職業有咩直接關係?學生都叫做有上堂有讀書盡左職責,乜全香港所有案都破晒啦咩?尋日先有個停薪警偷左幾百罐奶粉,捉晒所有傑出休班警未?
最後,仲有啲好搞笑嘅家長聲稱話唔會俾個仔講港大,我心諗你個仔入到先算啦 (反白眼)。講真,在家靠父母,出門就靠朋友,上莊也好、住Hall也好,裡面都係一條巨型的人脈關係鏈。如果見工時你的line manager同你咁岩係同校同hall,即使素未謀面,自然也能有加分作用。唔好講咩,我舊公司呀妹妹都係咁岩同大老闆同一間英國大學,所以一畢業直接跳過interview,送埋英國工作visa即請都係咁啦,係呀,遲下仲可以拎埋英國passport,很想要吧?各位怪獸家長辛辛苦苦要小朋友贏在起跑線,但竟然放過最尾壓線呢一下,唔係呀嘛?
點呀?停一停諗一諗之後,即刻想幫自己個仔在中學時報定Dem cheer興趣班呢?或者陀B時就開始聽Cheer胎教都ok架~
#利申我係港大
#利申我冇住hall
#如果大學只係讀書
#你睇完堆書都可以自稱做大學生
#但記住唔好讀完個法律書就自稱執業律師哦
#大學生講究的絕對不止是知識
#大學之道在明明德
#好多人將對中學生的要求擺左落大學生度
#講真港大cheer真係算好斯文
#你見過中大嘅我怕你個仔連中大High_Dip都唔俾讀呀
#咁又點姐幾多名人都係出自中大
===============
原文連結:https://goo.gl/goq8pi
你睇完堆書都可以自稱做大學生 在 *好看言情小說推薦*古代篇~甜寵,劇情,穿越,有肉,經典,完結,黑化 ... 的相關結果
2022/7/23更新, 好看古代言情小說推薦。 平常窩在家當沙發馬鈴薯的時候,除了電視, 其實我最愛的就是看小說了, 這篇分享古代篇的言情小說書單心得 ... ... <看更多>
你睇完堆書都可以自稱做大學生 在 最近有個自稱教育界的人出POST講唔敢叫學生努力讀書- 學術台- 香港 ... 的相關結果
睇完 就算. 好多中學雞當呢d係至理名言做唔好好讀書既藉口 [sosad] ... 個位仆街老師, 如果唔係佢讀大學, 都做唔到老師, 老師人工有近3萬(我有2個朋友做緊) 如果你聽佢 ... ... <看更多>
你睇完堆書都可以自稱做大學生 在 一百八十呎- Siaran | Facebook 的相關結果
Hi,近乎沒露面。 唔知有幾多人home office緊,我仲做緊服務業,日日都要返工,日日都遇到一堆唔識戴口罩嘅客——掂完張枱轉頭就捽眼、除低口罩同你講嘢,罩嘴唔罩鼻⋯⋯心諗 ... ... <看更多>