由細到大，我地所認知既香港精神從來都係自己顧自己，努力搵錢，息事寧人多一事不如少一事.....只要乖乖地讀書讀大學、搵份好工、搵個人嫁、買樓供樓就係美滿人生！政治既野最好唔好理，我地玩唔起。
慢慢越來越多人發現，呢個觀念完全係伏，年輕人體會更深。上一代既得利益者既剝削令我地上流機會渺茫，港共政府仲要硬推一個又一個危害香港人利益既條例同議案，議會班和理非又廢，搞到呢一代人終於要爆啦！
面對政府一次又一次漠視民意，一般人遊行完屌完就算，敢怒不敢言，心諗都冇計啦可以點。但呢班年輕人完全係next level，視死如歸，靠自己雙手奮起反抗，收拾上一代人唔敢反抗而遺留下來的爛攤子，並願意付出沉重代價將行動升級，為咩？講到底為保護我地其它香港人最後僅存既尊嚴咋。呢個時候作為香港人最低限度要做既就係支持，無限量的支持和感激。但竟然有人仍在冷嘲熱諷，隔岸觀火，甚至割蓆譴責，暴徒？暴你老母呀，真正暴力既係政府、警察同所有撐警既人呀，你班人好心收嗲同睜大隻屎眼望下個世界啦，成世人自私自利，得過且過，獨立思考既野你地唔明架啦。 沒有暴徒，只有暴政！
警察清場前，一班學生返轉頭入去抬走留低既四個死士走，呢一幕既震撼每睇一次就起一次雞皮。大難臨頭，共同進退，不掉低任何一個人，試問有幾多人做得到？呢班年輕人到底要我地D大人搵幾多個窿捐......你地就喺全世界人面前實踐真正勇武、機智、無私，你地就係希望本身，你地就係香港精神。
