你地賺左啦的八卦，Yahoo名人娛樂都在討論

幾星期前, 一朝早車埋老婆, 準備到西貢潛水.
到了彩虹至清水灣道灣位時, 我準備從快線CUT入中線.
中線車多, 我唯有收慢油, 等待機會.
卻未料, 從後而來的一架的士, 煞車不及, 隊了我車尾一下.
'砰烹~' 清脆的玻璃碎聲, 傳入耳中.
落車.
雙方永遠的例牌對白:
'你做咩跟車太貼?'
'你做咩突然收油?'

我見到自己的車尾BUMPER甩左幾撻油, 無凹到;
的士則左邊車頭燈爛左.
其實我好心痛, 因為我架車從未俾人掂過揩過, 好貞潔!
咩都唔識, 惟有打去請教代理仁孚行.
職員話:
'好難講架! 唔知入面D SENSOR有無壞, 番黎CHECK先報到價!'
最後報警影左相, 備案, 雙方交換電話.
潛水告吹 老婆只有悻悻然番屋企先.

我揸番架車番代理仁孚行維修, 等報價, 再通知的士先生.
期間, 打電話請教下D朋友, 睇下布咩意見.
有人話: '正! 緊係鑿佢一筆啦, 香港地後車撞前車, 永遠後車蝕底!'
有人話: '做咩番仁孚行姐? 我有相熟車行, 你過黎, 我叫佢報大D個價, 再借D倚話有D零件壞......'
每人都提議林林總總既屈錢方法, 全部可行!
我架車俾人撞, 仿如一件天大既喜事!

半小時後, CHECK完, 報番黎, $4000!
打番電話通知的士先生, 佢惟有過黎俾錢.
當我係外面見到佢揸架爛左燈既的士黎時, 我心中泛起一陣酸.
$4000, 對他來說, 要賺多少天才賺到?

付款.
從銀包中, 他艱難地拿錢出來, 一副不捨還得捨的神態.
我瞥見銀包中的和子女的相片.
心中頓時不忍, 我說:
'我也有責任的, 我也出一部分維修費!'
他愕然, 說覺得哪有被撞的出錢?
我堅持, 最後維修費一起分擔.

回到家, 和老婆說番過程.
老婆很開心, 說:
'我都覺那司機很慘, 幾千蚊, 佢要白做好多日架.'
'老公, 你出埋錢, 好啱!'

我想: 很多人在車被人撞時, 都會乘機敲詐對方一筆吧!
但偏偏我和老婆, 所想的竟然如此相同:
我們從沒覺得這是一個機會去屈錢或拿取什麼便宜,
反而逕直地去想到的士先生的苦況.

我很高興, 因為我和老婆的默契, 是何等的奇妙.
其實, 我們選擇另一半時,
永遠在意對方的美貌, 身材, 學歷, 收入, 成就......,
會不會是,
那份難以言喻的默契,
才是最珍貴的?

既然咁多人想我回應backup呢件事，我諗我要從頭到尾一五一十澄清返件事。

熟悉我既朋友都知道我份人係唔鐘意同人有咩紛爭，唔鐘意同人有罵戰，但是無諗到，息事唔一定可以寧人，退一步不一定海闊天空。坦白講我這些天壓力很大，我不得不交代此事。

我初初開頭直播既時候JustinTV、TWITCH係有永久backup既，當時覺得既然有永久backup點解仲要搬去YouTube。咁好啦，無耐，有一啲兄弟幫我backup，好似tatbackup(注意係tatbackup，唔係Tatfullclipbackup2（backup佬），這兩個名字很易混淆)，MUV1668既精華，佢地係從我未有人認識就已經幫我整緊，亦有主動徵求我同意，真係好感激佢地。

一段時間後，backup佬開始backup我D打機片，我覺得都是fans既一番好意。雖然佢無主動問過我授權，我當時既態度係隻眼開隻眼閉，15年出於禮貌仲PM佢講過一句辛苦佢。

直到大概一年前，見到高登有人討論backup佬用我打機片賺錢，我當時將信將疑，覺得應該唔會既。但當時留意到backup佬好似有條錄音回應，當時我既感覺係有D奇怪既，因為佢對於獲利只係一句帶過，類似話“錢果D唔好講啦”。但未同backup佬有過咩實質既接觸，我都唔想去猜度別人，覺得唔應該咁樣諗人，他應該係熱心FANS，就算我自己見到係有廣告，我都諗應該係YouTube自己加，因為當時我都唔係好熟悉YouTube營利果D野。

到左上年年中，G公司既人聯絡我上去G公司傾我係youtube官方channel既問題（因為YouTube搜“達哥”係出現Tatfullclipbackup2頻道，但undergroundDV先係我官方頻道），當時G公司向我展示一些數據，backup佬既channel係有營利，獲利既數字都令我非常驚訝，多過唔少人每個月人工，但呢個數字我無得公開（坦言G公司也不讓我留底），而且如果我公開，G公司員工就可能觸犯私隱條例，分分鐘會無左份工，所以呢個亦係我一直俾你地鬧極都唔回應既理由，唔想牽連到人，因為佢都係出於好意先提醒我。但唯有這些數據可以證明我既清白，而獲得這些數據有幾種途徑：
1.backup佬自己公開。
2.問G公司攞。如我所說他們要保護backup佬私隱，縱使是不當獲利，但是他們也不會提供比我。
3.通過法律途徑，讓律師出信俾G公司要求取證。（如果有人實在希望我攞出實質證據，我可以著手搵律師處理。）

當時G公司建議我自己擺返backup片，因為我官方channel當時只有5萬訂閱，而Tatfullclipbackup2係已經有12萬既訂閱。當時G公司說他們有聯絡過backup佬，通知佢既影片存在版權問題，需要處理，但佢無回應。G公司仲提到Tatfullclipbackup2曾嘗試申請官方認證（類似Facebook藍剔），但G公司無通過。G公司話實在無法聯絡到佢，因為再之前G公司通知backup佬攞10萬訂閱既channel獎牌，佢都沒有現身。我多次同G公司人員溝通，可否停止佢營利，但由於我無CONTENT ID，因為CONTENT ID只有唱片公司、電影公司先有能力申請到，所以G公司人員無權限停止佢營利。G公司話唯一可以做既就係檢舉佢個頻道，但我無咁做。

聽從G公司建議，要我整backup其實唔難，我只要入我TWITCH頻道有粒製叫做 匯出 就可以上傳影片到YouTube，chatroom版就耐小小，但都唔係話太難。

五週年台慶由於也是值得紀念既日子，所以五週年直播既影片我都有自己backup。隨後G公司人11月25日又再一次約見我，此次G公司提供既資訊係Tatfullclipbackup2開廣告既數量更加多咗，月營利數目增加咗50%，變本加厲。

今年1月16號，我開始正式自己做backup，但係呢度澄清下，我係無Ban過任何人，無直接叫任何人唔好再upload我D片。我估唔到既係backup佬係無私底下同我有過任何溝通既情況下，係佢既FB專頁公開詢問我係咪唔俾佢繼續backup。令到件事公開化，變左一定要俾公眾一個交代。

1月17日，Backup佬出左第一個post之後，見到留言有人建議佢同我傾授權，所以當日佢18點左右私信左我，但相信有了解我當日行蹤既人都知道，當日我返左大陸出差公幹，晚上趕返黎開台已經22:00點，根本未諗到點樣處理backup佬既問題，佢就即刻又單方面出post，並聲稱得不到我答覆，唔再upload我既backup片。佢發私信俾我既時間至到出第二個post話我唔回應既時間，過程不足一日，咁大件事，根本無足夠時間比我諗清楚點處理。講得唔好聽，我有種俾人擺上台既感覺，而呢個人仲要聲稱係我既兄弟。同一時間，好多人開始鬧我，話我過橋抽板，無佢我唔會紅之類。我自己感覺係，好多人係睇左一D精華片先認識我，可能你話無MUV1668幫我剪精華我唔會紅，我應該多謝MUV1668，都合理D。聽到呢D留言，唔知點解覺得好難受。要我多謝一個利用我影片營利多年，我自己一backup返就製造輿論圍攻我既人，我真係無辦法講多謝。

好多人話我沒有好好溝通，真的是我沒有好好溝通嗎？佢一開始backup我既影片唔搵我溝通，一開始營利唔搵我溝通，G公司搵佢處理版權問題，佢唔溝通，最近了解到佢原來都有搞電台版，也沒有同我溝通，到1月17號我自己upload影片，佢開post公開討論此事，亦事前無同我溝通。咁多唔會傷害到人既溝通方式，點解佢一定要選擇一個將所有矛頭指向我既溝通方式？發生呢D事件之後，很多人想我即刻公開回應，但係我想講好多紛爭既野要我公開回應唔一定對件事好，今次也是迫於無奈。

做人都會想有娛樂，想有交際應酬，但是為咗開台直播，我多年來堅持週一至週五每天直播兩小時，有時食無定時所以人都好消瘦，也落下了腸胃既毛病。我從來不喜歡賣慘，因為不想比負能量別人。但如果真係要論這些苦勞，當backup佬係1，我係9，但宜家係這些影片上既直接得益，佢係10，我係0，我都無說甚麼，為甚麼被指責的還是我？

所以件事既原由就係咁。最後講句，每個人都會犯錯，但是，只有愚人才會執過不改。至於有些人說對我很失望，好抱歉，對你講既“失望”我無法再做甚麼了。

P.S.無論如何，各位不要去Backup佬既FB攻擊佢，或者做出咩起底既行為，呢D壓力佢未必承受到。
P.S.除此之外，都收到很多網友既支持同關心，我無法一一回復，在心中，多謝你地。

自從結婚後, 我每個月都會俾零用錢給老婆.
是零用錢, 不是家用.
家的每月支出, 包括水電煤租金, 仍是我做老公俾的.
這筆零用錢, 我覺得,
是老公對老婆的一份肯定, 一份愛意, 一份表示.
因為, 她的名字, 在最前已是冠了我的姓, 她是我的女人.
最愛的女人.
女人, 應有老公錫及疼的,
如果永遠只是口頭上的表示愛或疼, 好像不大足夠.
想想, 當一個女人, 用老公的錢買她喜歡的東西的時候,
她應該是笑得最甜的.

何況, 我給了老婆的零用錢, 她根本不捨得花!
她寧願儲起來, 為了我倆將來, 以備不時之需.
我曾說: '好歹每月也有數萬元, 你便用一些吧!'
她總說: '呢D係不動產, 唔准用架. 我地仲未買樓架, 要儲定首期的!'
真是做好做歹, 又適逢天氣轉冷,
才說服她每月用D錢去買些衣服,
但她說只限零用錢十分之一.

永遠, 在BOUTIQUE, 看到心儀的衣裙鞋飾, 她總先看價錢牌.
見貴, 便放低.
我說: '喜歡的便買啦, 老公送啦!'
'不要, 都唔靚既!' 她一定如此答道.
唔捨得, 還不是為了我?!

因此, 有時, 我永遠自己靜雞雞走去買野, 番屋企先拎出來送俾佢.
她總嗔道: '唉呀, 你又嘥錢啦, 好貴架條SCARF!'
我便話: '咁係"HER蜜屎"先襯得起您架嘛!'
'唔係讀"HER蜜屎"呀, 係讀"AIR MAX"牙, 名都唔識讀!'

'唔買, 又點識讀呢?
而家我又識多個字, 又能令你保暖,
我賺左了!'
她不理, 笑著, 罵著,
篤住我個鼻要我應承唔准再花錢.

我領她罵, 卻感到甜蜜.
其實, 娶到呢個老婆,
我,
才是真正的賺了!

Christmas special Class ?
每一次都想有不同挑戰給大家，希望大家感受到我的用心??
•
•
Full Version & Group Dance In My YouTube Channel [ Danie Chan ] ,please Subscribe and share it ????
•
•
#daniechoreography #heelsdance #pussycatdolls #button #hkdancer #dcofficial
#thankwhocomelastnight #感謝支持我的人 #三小時 #你地賺左啦 #thankslemonlogo