［潰已崩］見到U字頭介紹世遺聖米歇爾山，我就隱約有種不祥的預感，所以即刻入去睇睇。
首先，我絕對不建議推介世遺聖米歇爾山的食物，因為佢處於方圓N公里都沒有餐廳的孤島之上。大家睇港鐵就明白冇競爭自然冇進步，講得好聽係「保留傳統風味」，得罪講句就係仲停留喺200年前苦行的味道，但係佢嘅價錢又走在摩登最前線，比起鄰近地區起碼貴兩成。你去緊法國旅行之際，餐餐一定係食好西，聖米歇爾山的食物相對之下真的不甚了了。如果你睇完呢篇文，以為聖米歇爾山係美食朝聖山，你一定會極度失望。我唔係話佢地嘅食物唔好，但唔應該為遊客樹立一個不合理的期望，到時候人地去完，反而覺得自己被搵笨，盞壞了旅行的雅興，也對人家聖米歇爾山不公平。請大家緊記，聖米歇爾山作為世遺，並非因美食聞名，而是這座山上鬼斧神工一樣的教堂和山下甚有中世紀風格的小村落。
另外，我必須要提大家要是行泥灘的話，一定要跟導遊不要自己闖，正如片段看到，真的會有浮沙，相信我，你到時嚇到老豆姓乜都唔會記得，還是讓導遊救你吧。要再提提大家，不要學記者穿拖鞋、不要學記者穿拖鞋、不要學記者穿拖鞋---這個太重要所以要說三次，行這個泥灘不同行沙灘，你穿普通拖鞋一定會被泥漿吸走的。而且聖米歇爾山等待著你的是一堆碎石斜路和高低不平的梯級，鞋底薄一點，走十分鐘已經想死，而且街道很窄但人很多，被東張西望的遊客踏到腳是常有之事，我去過兩次，次次都人山人海，你睇下相就知有幾迫，你著拖鞋的話，我真係恭喜你呀！
最後提提大家，有接駁巴士也可選擇走路，但報導沒跟你說的是走路要走20-30分鐘。沿途的風景很不錯，走是值得走的，但必須要有20-30分鐘在空曠小路上曝曬的準備，不然各位又嘈話人地座山唔好行。Come on James... 人地建聖米歇爾山就係想避世、就係唔想凡人打擾，唔係「要打造成好客之都」，你講下道理好冇？
有沒有隱藏攻略？沒有。但山腰有間小教堂，唔收錢任坐，而且石教堂內非常清涼，走太累了可以在這裡小休一會，而我非常慶幸它並沒有被推介，可以繼續「隱世」。
啊，攻略... 其實有的！當你見到大部份餐廳一個餐牌有齊法、英、日、中四種語文，你就知道伏已中了。
我數月前介紹聖米歇爾山的文章：https://www.facebook.com/mrwifelondon/posts/421010561611873
#我好佩服佢地無論去邊都可以寫到飲飲食食
#其實唔駛夾硬搵野讚架
#佢座山本身已經屈晒機
#你可以報導但唔可以誤導
#我最怕有人跟住攻略去完中晒伏
#之後話人地個景點唔好
#至於文中介紹那個曲奇就算罷啦
#法國咁多靚糕餅佢排老幾做手信呀
