Search
新一年，著sharp醒啲，開工前帶小怪獸s出去行下。
橙色嗰件係喺外國訂返嚟嘅WNBA Hoodie嚟，我本身就好少著得咁鮮艷嘅🤣；知道有呢件衫，純粹因為見Kobe著過。正正就係上年咁上下時候，佢幾次著住呢件衫坐湖人主場court side，仲先後同LBJ同埋Luka打招呼。
盡量跟足啲，著埋件黑色背心喺面😂
話都冇咁快，咁就過咗一年；上年唔好嘅事實在太多，新一年就將壞事通通掃走。祝大家新年快樂。
#阿太一流嘅攝影技巧
#永遠捕捉到我瞌埋眼嗰刻
#張張都係咁
#你叫我點相信唔係專登呢
#WNBA
#KobeVProtro
#BigStage
#NikeBasketballHK
#獨家爆料 #萬千星輝頒獎典禮2020 #張振朗 #龔嘉欣 #王浩信 #陳自瑤 #最受歡迎電視男角色#最受歡迎電視女角色 #最喜愛TVB女主角 #馬來西亞 #黎耀祥 #最佳男主角 #視帝 #王浩信 #陳自瑤成 #FBI微表情 #最佳教材
多謝大家俾面 ，我上一條影片用FBI嘅
微表情理論 ，去分析yoyo陳自瑤喺萬千星輝賀台慶嘅經典表情
你哋好鍾意睇，咁我再下一城，同大家繼續爆料啦
首先講下攞到 最受歡迎電視男角色嘅張生
幾年前我就已經聽過一位身邊好朋友 講過有關張生嘅事
所以我本身對於佢冇咩太大嘅好感
但係睇完佢琴晚嘅表現，你唔講嗰句由自可 , 一講嗰句我就真係想爆啦
佢得獎嘅時候 ，喺枱上面講咗一句 : 一定要尊重別人 ，別人先至會尊重你
唔好玩啦 , 我身邊個位好朋友 , 本身有一份唔錯嘅職業
但係由於佢自己好鍾意演戲 , 所以佢就經常去片場做臨時演員
俗稱即係騎呢啡啦, 已經做咗好多年㗎啦
我間中都會約佢出嚟見下面吹下水, 幾年前我同佢行談間
就問佢, 為, 喺片場裏面呢, 有冇邊啲演員係特別黑人憎
佢諗咗一陣，就話畀我聽阿張生, ,話佢係最扮大哥
見高拜見低踩嗰種 , 乜嘢叫做見微知著呢
佢多謝完一大爛餐喺工作上幫到佢嘅人 ,
之後佢多謝屋企人 , 仲有佢屋企隻哥基
但係都冇多謝佢身邊嘅女朋友呀
大家都醒目都明㗎啦 , 拿, 你睇下遲啲冇耐呢會傳出分手多過傳出婚訊㗎喇
好容易㗎咋嘛 ，男嘅話自己越嚟越忙冇時間陪女朋友
咁咪又可以再換畫囉，除非佢女朋友又係好有錢豪門千金啦
你睇下無線啲小生幾多嫁畀豪門千金, 我係用嫁呢個字㗎
唔係講取㗎, 如果佢嘅經理人係醒目嘅，
即刻喺ig同女友放閃鋸扒食薯條啦，
至於會唔會畀我批中呢, 大家拭目以待,
呢個世界點解咁多網騙呢 , 有啲人連對方個樣見都未見過
就已經畀人呃咗咁多錢, 其實你認識一個新朋友呀
除咗睇佢喺網上面向你可以寒問暖呀,
你都真係要最低限度約佢出嚟見下, 唔係觀察佢對你有幾好
因為佢可能對你有目的,梗係會對你好喇
你睇下佢點樣評論佢身邊嘅人, 約到出嚟 ,
最緊要睇下佢點樣對啲低下階層 , 多多少少都會露出完機嘅
希望2021年呀少啲網騙呀
至於另一位呢， 我就係要講龔嘉欣bb啦
首先喺度恭喜佢攞到兩個大獎先，呢個女仔真係實至名歸
我一路都知道無線有呢個姐姐仔，但係從來對佢都冇咩心嘅印象
直至到睇到佢做殺手裏面嘅Dark angel
簡直對佢刮目相看 ，喺殺手套片裏面呀
佢直情係脫胎換骨，戲裏面嘅Dark Angel呢
人物性格寫得好有立體感, 講佢係一位瘋瘋癲癲女殺手
但係原來佢內心有對佢過世嘅男朋友有一種執著嘅愛喎
當佢收到劇本嘅時候呢 ，我相信佢一定有睇蝙蝠俠嗰位過咗新嘅joker Heath Ledger
Heath Ledger喺荷里活嘅電影史裏面呢 ，扮演小丑呢個角色呢Heath Ledger
真係做到前無古人後無來者，嗰種演繹呢令到喺觀眾都會睇到心寒
龔嘉欣喺殺手呢套電視劇裏面就係有呢種感覺 ，
大家可以喺網上面睇返呢一套電視劇
而且呢, 女仔人家 ，接到呢啲打女嘅劇本
除咗你話楊紫瓊之外呢 ，我相信睇咗咁多女演員呀拍打戲呢
龔嘉欣都叫做數一數，打得好好睇，好多鏡頭呀都見到佢自己親身上陣
唔係話好多都搵替身，所以你諗下一個女演員你承受咁多嘅傷痛
仲要佢剷曬青嗰個造型 ，對於一個女演員嚟講啦 ，都係一種犧牲㗎
因為起碼你拍一套電視劇嘅時候，呢個image唔係個個廣告商都會buy
話曬演員搵真銀都真係要接廣告同埋燈台㗎嘛
我諗佢喺呢套電視劇真係開竅，之後佢拍香港愛情故事都好睇
佢可以做鄧萃雯嘅接班人呀 ，好似如妃娘娘嗰啲呢
飾演嗰啲角色，幾壞嘅人都有佢脆弱嘅一面
龔嘉欣同埋鄧萃雯都係對於呢啲角色呢好適合，手到拿來嘅
我諗在場佢多謝黎耀祥都係真情流露嘅
因為黎耀祥嘅人呢,真係好好嘅，當年佢攞視帝嘅時候
隔離廠嗰啲清潔基層嘅員工呢, 都特登過嚟呢向佢祝賀
哪張生學下嘢啦, 要人尊重你, 要做到一視同仁
同你所有公事上上下下嘅人都尊重你咁先至叫做真正受人尊重呀
又講返龔嘉欣呀, 等我爆單獨家資料畀你哋聽喇
係我馬來西亞啲空姐朋友 , 佢哋識得啲豪門阿姨講嘅
好多人都知道龔嘉欣曾經有一位馬來西亞嘅富二代男朋友
對方仲打本畀佢開火鍋店添, 但係呢個傻女,
有少奶奶唔做, 自己放棄咗呢份愛情
我聽我馬來西亞嘅朋友講，喺大馬嘅豪門界
已經收曬請帖㗎啦，原本真係可以嫁入豪門嘅
不過呢條傻女，對自己演員職業嘅一份執著
放棄咗做少奶奶呢份筍工，專心放喺事業
而家佢實至名歸琴晚攞到兩個大獎
都叫做衣錦還鄉呀，對得住馬來西亞同埋香港甚至全球華人嘅觀眾啦
佢得獎嘅感言真係真情流露 ，好過哨牙妹好多啦, 係咪呀
我想喺度講, 呢個世界冇懷才不遇嘅，Everything is about timing.
好似我哋普通市民一樣, 而家經濟逆境, 好好將你自己嘅興趣培養到做到最出色啦
勝利永遠係屬於有付出努力、努力不懈嘅人。做事三分鐘熱度好難會成功㗎 。
你哋鍾意睇我娛樂八卦，我得閒又會再講下㗎啦
我而家趕住剪片呀，星期六將會上咗一條影片，幫一間天然護膚品公司搵代言人
只要有機會曝光，你哋有料嘅都會畀人哋發掘
星期六晚都去玩直播送禮品遊戲，睇下遲啲有冇有啲娛樂圈八卦料同大家分享呀
今日講住咁多先，拜拜
?合作邀約請洽
gold7778@gmail.com
https://www.instagram.com/gold7778t/
成為這個頻道的會員並獲得獎勵：
https://www.youtube.com/channel/UCIuNPxqDGG08p3EqCwY0XIg/join
請用片右下角調4K睇片。
【足本版】《Blue Ocean Strategy 藍海策略: 三部曲》
做生意有兩個海。 紅海，就是人做你做，價格競爭，互相廝殺，血染大海。 藍海, 就是你費時同人爭，自己游開去， 當競爭對手無到。
一般的公司，要識得 compete， 片低競爭對手，可惜 ，搞到個海紅曬。真正叻嘅公司，係應該識得 create, 做大個餅，唔使理啲競爭對手， 享受自己嘅碧海暢泳， 因為佢已經游出咗個藍海 。點做? 聽落去你就明。
........
Invitation: Blue Ocean Breakfast @ American Club Central
2019年6月 (星期六 10-12pm) (約4/5位)
報名方法: 請WhatsApp你的卡片到
9218 5223 (聯絡Suki/Monica)
Free, 我請食早餐!
......
而家係法國 INSEAD 商學院嘅 Blue Ocean Strategy Institute 讀書。 自2005年出版以來，呢本 Blue Ocean Strategy 書就翻譯咗44個唔同語言， 全球賣出咗400萬本。 根據Thinkers50, 作者INSEAD 教授 W. Chan Kim 同埋 Renee Mauborgne 都連續五屆成為全球頭五名 Business Thinker 最具影響力嘅商界智囊。
係呢本書，佢哋研究咗全球108間公司推出嘅新產品，發現86%都係一啲叫做紅海嘅產品，即係人做佢做。只得14%係藍海產品。 但係嗰14%嘅藍海產品， 對整體公司收入嘅影響就增加咗38%， 對利潤嘅影響仲增加咗61%。 換句話說，如果你推出藍海嘅產品，你賺錢嘅比率係比紅海高出接近十倍。
咁點樣先能夠搵到藍海呢? 三部曲:
(1) 先要知道邊個係你批客
(2) 了解佢哋由購買、使用、至保養、棄置嘅痛點 Pain Point 喺邊度
(3) 透過ERRC (Eliminate, Reduce, Raise and Create) 去重新佈局自己嘅產品
Step (1) 你先要知道邊個係你批客
係嗰行做生意，好多人覺得最緊要知道嗰行頭嘅核心客人喺邊個。Who are the core customers? 服務得佢地好，咁就賺大錢啦。錯啦!
根據藍海策略，你要打低行家，賺大錢，比 core customers 更加重的就係要知道邊個係 non-customers 非客戶。 你唔係要去 compete, 而係要去 create. 你搵到呢班non-customers喺邊度，吸引佢哋過嚟幫襯你。
Non-customers (非客戶) 有三種。
Tier 1 : "Soon-to-be" non-customers. They are noncustomers who are on the edge of your market waiting to jump ship. 佢哋好唔滿意個行業嘅現況，好想離開唔玩。
Tier 2: "Refusing" non-customers who conciously choose against your market. 呢班人已經決定咗唔幫襯你個行業。
Tier 3: "Unexplored" non-customers who are in markets distant from yours. 呢班人諗都冇諗過幫襯你嗰行。
以我自己為例。喺香港買間街舖平均要三千萬港幣，就當買舖投資係個行業。 有啲人覺得買咗間舖之後租唔出，好煩，以後都唔會再買多間。呢班就係 Tier 1 "soon-to-be" non-customers. 佢哋已經入咗嚟個行業啦，但係好唔滿意個行頭，好想走，以後可能唔再返來。Soon to be not customers anymore.
有啲人睇嚟睇去都冇從入手， 覺得買舖好難， 都係買返住宅工商物業好啲。呢班就係 Tier 2 "refusing" non-customers. 佢哋已經決定咗唔幫襯呢個買舖行業。
Tier 3 "unexplored" non-customers， 呢班人完全諗都冇諗過要買舖投資。 佢哋只有買一般股票、債券，或者將啲錢放銀行就算數啦。
如果我只係target嗰班 core customers 核心客戶, 即係買開舖嗰班老手或者抄家， 咁我間舖就要特別平或者特別靚，core customers 先至會買。 蘋果對蘋果，又要平又要靚，我梗係賺唔到錢啦。
但如果我 target 班 non-customers, 只要我係能夠滿足佢哋想降低風險，唔想煩，但又要有合理回報嘅需求，我charge 嘅收費同埋畀佢批貨就可能好唔同。 而家就係用緊個橙同蘋果比，無得直接比較，咁先有我哋嘅獨特價值。 呢個，亦都我公司商舖基金專注行緊嘅方向。
再講下班入面另一個你同我都一定玩過嘅行業 - 打機。 喺電子遊戲機呀。
一諗起打機，可能你就會覺得 core customers 核心客戶就係嗰班十零廿歲靚仔，日打晚打，坐喺度對咗個screen淨係用隻手指係咁篤。 咁多年最出名嘅應該都係Sony Playstation 同埋 Microsoft Xbox。如果你係第三間打機公司，咁點打低佢哋兩個呢?
咁你要試下 target non-customers。諗真啲其實市場上有三班 non-customers.
Tier 1 soon-to-be non-customers 就係嗰班打開機嘅靚仔，日打夜打已經打到好悶， 分分鐘屋企人又反對，想試下啲新嘢。 佢哋就嚟想離開個行業。
Tier 2 refusing non-customers 就係嗰班女仔或者鍾意運動嘅靚仔， 唔想日日坐喺度篤篤篤打機， 佢哋特登就係唔想玩 Playstation或者Xbox。
Tie 3 unexplored non-customers 就係嗰班老人家，父母， 好似我咁，從來冇諗過要係屋企打機， 仲成日反對個仔女打機㖭。
咁點樣可以吸引到呢三班人呢? Nintedo 就喺2006年推出咗 Wii， 我相信你都可能玩過Wii。Wii 就係唔單止坐係道篤篤篤， 而係配合有好多全身嘅運動， 先至打到tennis ，出到拳， 閃到身。
佢就吸引咗個班已經玩到厭，想試下新嘢嘅 Tier 1 soon-to-be non-customers, 較鍾意運動喐下嘅 tier 2 refusing non-customers, 同埋想同屋企人一齊玩而本身年紀較大嘅 Tier 3 unexplored non-customers，好似我咁。 我當時自己都買咗部Wii同屋企人玩。但Paystation Xbox? 我從來都無買過， 亦都唔打算買。
講完 Step (1) 班客係邊個，再Step (2) 了解班客由購買、使用、至保養、棄置嘅痛點 Pain Point 喺邊度
Wii 點解我會買? 因為解決咗我同好多人嘅痛點， 就係覺得另外嗰兩個牌子啲遊戲太複雜， 唔鍾意成日坐喺度淨係搵手指篤， 但係又唔想好似同時代脫節，見到啲靚仔玩自己又唔識玩。 因此點都要買返部覺得自己 "in" 啲。Wii 就係成功行咗第二步，(2) 了解 non customers 嘅痛點 Pain Point 喺邊度，解決咗佢，吸引新嘅客源。
做生意有本事，你就樣樣嘢都做得好過人。但咁樣，通常成本會過高。樣樣嘢都慳 ，產品就會太渣。 必須要喺一個取捨，就要行第三步
Step (3) ERRC. Eliminate 刪除, Reduce 減少, Raise 增加 and Create 創造，去重新佈局自己嘅產品
呢個就係Wii 當年嘅 Strategy Canvas 戰略佈局圖。佢 eliminate 刪除咗高解像度嘅圖像，eliminate 咗打機以非必要functions 同埋接駁 HDTV 嘅功能。 佢 reduce 減少咗 processing power and online gaming 嘅能力， 由於部機簡單咗，所以價錢亦都比當時嘅入門版 Playstation 3 (賣緊美金$499或599 )同埋 Xbox (賣緊美金$299或399) 平，Wii 2016年推出嘅時候只賣美金249，平均平咗4成半。
雖然平啲，Wii 就 Raise 增加咗部機嘅設計美感，感覺比較有型，同埋推出更加多不同嘅遊戲比玩家選擇。佢create 創造咗 motion gaming ，要全身旭先至能夠打到機， 同埋家庭友善，可以全家人一齊玩嘅遊戲。
亦都因為咁佢就搵到佢嘅藍海 Blue Ocean, 2006年一推出就大受歡迎， 吸引咗嗰班從來無買過Playstation同埋Xbox嘅客戶去買。推出頭一年， Wii 全球賣出咗超過二千萬部， 有超過五成嘅市佔率, 多過playstation同埋Xbox兩個加起嚟。
如果當初Wii 係諗住吸引返同一班打開機嘅核心客戶 core customers ，即係嗰班hard core 打開機嘅靚仔嘅話，肯定冇咁嘅成績。Wii 唔單止 compete, 而係create 咗個新市場叫做 Motion Gaming. 雖然近年少咗人玩Wii，但佢推出短短十年就全球賣出咗超過一億部，come on, I have no complaint， man!
最後，好重要嘅就係藍海嘅產品，例如上面嘅 Wii，係會同時令公司嘅成本降低，但人客嘅價值提升。呢個先係 value innovation 價值創新。 如果你嘅成本無降低到，或者人客嘅價值無提升過，你只係停留緊喺個紅海入面， 鬥平或者鬥靚，未游到出去個藍海。
記住，做生意唔一定要 compete，而係要 create 呀。唸下班 Tier 1, 2, 3 non-customers， 有乜嘢可以降低自己成本，同時又提升客戶嘅價值，吸引班 non-customers 過來， 解決佢哋嘅痛點， 透過ERRC 做大個餅。 我嗰班買舖嘅客，好多都唔會自己單獨去買。 你批客呢? 你個海又係紅定藍呢?
總結 Summary:
《Blue Ocean Strategy 藍海策略: 三部曲》
(1) 尋找到那班 non-customers (非客戶)
Tier 1 : "Soon-to-be" non-customers.
Tier 2: "Refusing" non-customers.
Tier 3: "Unexplored" non-customers.
(2) 了解班 non-customers 由購買、使用、至保養、棄置的痛點 Pain Points 在那裏?
(3) 透過ERRC (Eliminate, Reduce, Raise and Create) 去重新策略佈局公司的產品，游出藍海。
#藍海策略三部曲，#BlueOceanStrategyIn3Steps，#最簡單地解釋藍海策略
盛滙投資商舖基金/買舖/租舖/放舖熱線: 2830 1111 或 whatsapp +852 90361143
盛滙商舖基金 Bridgeway 網頁 www.bwfund.com
李根興創業之友 https://www.facebook.com/EdwinNetwork/
李根興商舖之友 https://www.facebook.com/edwinprimeshop/
李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw
購買李根興的「買舖 要買得 PRO」書，請付款$198，透過以下渠道:
(1) PayMe at +852 90361143
或
(2) 永隆銀行戶口
020-644-0000-3123
想和我一樣30天升10000訂閱：http://goo.gl/zNT6Ck
港日Talk：香港有人自殺？關我鬼事？
自殺問題
日本和香港同樣有自殺問題，日本的香港留學生，我決定分享多點日本和香港都值得關注的事情和有趣的事情。
之前香港有一單新聞被好多人喺Facebook係咁share，都引起咗唔少嘅討論－就係教育局副局長個仔自殺嘅呢單新聞。係，呢單嘢係過咗好耐，但你聽我講埋先。好喇，總之因為呢單嘢事主個阿媽係教育局副局長，所以突然間好多人就出嚟紛紛討論，而我講嘅好多人入面有啲人係咁㗎：
嗱嗱嗱，你地唔好對號入座呀！我知道有好多人都好貼地咁討論呢單嘢㗎！而睇到呢度有啲人可能會話我，挑又想借政治上位呀嘛？你唔好咁敏感先，邊邊都未hi到，我地就一於唔講政治講下時事！
香港由2015年9月1號開學日開始發生學生連續自殺事件
2015年－12單；上年總共38單；今年到現時唯止－19單，即係由2015到而家喺香港有超過70個學生自殺，亦即係話每年有超過23個學生自殺死亡。
23個人死代表啲咩？
一場足球比賽兩邊嘅出場球員全部死哂；音樂節入面起碼5隊band嘅死亡；亦都可以係一班學生嘅全班人數。
其實唔講到數字，好多人都會唔醒覺有問題出現：
喺日本，由40年前開始每年自殺人數超過2萬人，上年20歲以下嘅自殺人數接近500，而每年18歲以下嘅自殺人數大概3-400。一本叫『不登校新聞』入面嘅編輯長提及過大多數學校都會隱瞞欺凌事件，小朋友都唔敢話比大人知，其中原因係唔想比大人知道佢地受緊苦。尤其係呢個智能手機時代，學生斯凌已經可以去到用LINE集體恐嚇同學，例如同被欺凌嘅人講：「你聽日唔好返學呀」「快啲去死啦」等等。
自殺本身就係一個問題，而問題嘅背後總有原因
喺日本有一個現象叫「9月1日問題」：
就係4月開始嘅春學期唔少學生因為成績唔好或者係因為被人排斥同欺凌而令到佢地喺9月1日自殺，即係暑假完結之後嘅開學日。
日本有呢個問題，相信無人想見到自殺問題喺香港惡化。潘匡仁自殺呢件事好多人都將焦點放喺佢呀媽度，而忽略事主尋死嘅其他原因。例如香港同日本嘅學生自殺其中一個原因係學業問題，而喺香港好多人會集中喺家長要點點點，教育制度要點點點，但好少人會將重點擺返喺學生度，去講點樣去關心多啲受壓嘅學生，或者係點樣教導學生去關心多啲所謂嘅「邊緣人」。
當我地睇嘢嘅角度只放於一點，有其他更值得正視嘅問題會被忽略。例如由一開始媒體將標題定為「教育局副局長蔡若蓮長子 擎天半島墮樓亡」令大家都將重點放咗係事主呀媽到但其實事主嘅自殺原因先係重點。潘匡仁因為三項鐵人賽嘅意外頭骨碎裂，經歷咗一個月喺ICU嘅搶救雖然死過翻生但係因為創傷後遺症而有抑鬱，最後因為抑鬱病惡化自尋短見。好大家可以話佢呀媽有責任，但只談死者自殺，我地係咪都應該放重係點樣關心抑鬱症病人到呢？再者講到自殺問題，點樣關心多啲學生係咪先係重點呢？有時候當我地轉換一下視角去睇呢個世界，其實會發現喺自己崗位盡力去關心同解決唔同嘅問題先係我地應該做嘅嘢，而唔係乜都唔做盲目地去批評呢個世界。
我知道我嘅觀眾有唔少係學生，呢條片入面嘅嘢如果你地啱啱先知嘅請大家嘗試去關心多啲唔同嘅人，陳奕迅有首歌叫Shall We Talk，係林夕喺自己有焦慮症嘅時候寫，講人與人之間嘅溝通好重要，試下專心聽下呢首歌，再試下細心留意身邊嘅人，你會發現即使有人遇到好大困難，只要你肯同佢地傾下計，關心佢地，你已經救返唔少人。
時事又好政治又好，都係呢個世界比唔同事物嘅一啲稱呼，只要我地一日唔麻木，所有我們見到感覺到嘅事都唔會係關我鬼事㗎。
之後我都會以唔同嘅主題去講下港日文化，如果你中意嘅就記得Like同Share之後㩒埋個subscribe制喇，同埋響埋個噹噹。我地下條片見！
【未成年勿入?】原來日本超商這樣賣A書？！
https://youtu.be/ks52E2PNuKc
一講起香港，日本人會諗起咩？
https://youtu.be/6GGOHzj6HWI
【日本不可不知】小心！可能你已經在日本成為怪人！
https://youtu.be/DDqL46Fx7HY
想留意更多我的動態，記得緊貼DuoCRAZY #tokyo
DuoCRAZY #tokyo社交平台：
DuoCRAZY #tokyo channel:
https://www.facebook.com/DuoCRAZYTokyo/
Ernest DoCRAZY facebook:
https://www.facebook.com/ErnestDoCRAZY/
Ernest instagram:
https://www.instagram.com/ernest_pch/
Wing instagram:
https://www.instagram.com/wing_chan_/
