琴晚旺角一役，我相信好多人都預料到喺呢件事上面會出現好多唔同嘅意見同睇法
我諗心水清嘅人都知道，琴晚已經唔係單單為咗粒魚蛋而引致到呢個局面
如果從單一一件事嚟睇琴晚，你的確可以站於高地話班人唔岩，支持警察嘅執法
但件事係咪真係咁簡單呢?
我自己嘅睇法就係，呢個係多年累月積落嚟嘅情緒爆發問題，係一個Signal!係一個警告!
以往香港去爭取某一樣野時侯，遊行集會示威係最大嘅行動，亦都係最大嘅籌碼。
但當呢種籌碼被政府輕視，被人笑係「百萬行，行完咪返屋企對住遊行數字打j」嘅時侯
將行動升級係一個必然出現嘅現象，所以先引致到兩年前「佔領運動」出現
但當連佔領都無用嘅時侯，而且仲引發到究竟要繼續用「和平非暴力」去爭取定係「勇武」呢?
相信佔領運動之後，我諗好多人都對於某種方式已經有種抱有懷疑嘅感覺
根本上香港無得退，你無理由退返最原始嘅爭取階段.....去遊行去爭取某樣野...我諗我講完你內心笑我仲遊行?
可能有人話，咁係咪下下都好似打仗咁呀?!係咪下下都流血衝突呀!? 洗唔洗咁激進呀!!亂香港係咪最好呀!!!??
觀看歷史，有一種說法叫「民怨爆發」，無論三跑、起高鐵、網絡23、李波佢地失蹤好多好多野，你會見到呢個政府所做嘅野都漠視民意，立法會又暴力通過......你就會明白到民怨唔係屎忽痕出現，而係逼出嚟。
凡事一個運動都無可能100%造到零負面、零批評，特別係香港更加無可能發生
重視與論，打文宣戰唔係問題，問題在於係香港到係好難做到
已經唔可能再求成個運動或者行動畫面靚唔靚
點都會有影響，點可以做到零影響?
當暗角七警事件出現後，我曾經好天真咁講:「哦!今次你仆街喇!肯定啲與論企哂我地呢邊!」
最後又點呢?
唔講以上咁多廢話
單單講警察呢樣野，兩年內警察仆街新聞不斷，喺佢地立場，恨不得打鳩班示威者
喺勇武示威者立場，自己同伴比人打比人拉，你話唔想打鳩警察??
我地喺電腦電視面前，固然好容易去判咩事情係應該做，咩事情係唔應該做
但係現場嘅人，面對眼中嘅境像，我相信，包括我自己
都唔可能做任何事之前，都會考慮哂所有後果或者因素先去做
無可能，真係無可能
特別對警察積怨咁耐
唔好再咁小學雞話咩一碌竹打一船人
著得起制服就知道自己立場係咩，亦都有心理準備預咗有人反抗
唔通我地下下都要問對方係咪黑警?
正如佢地都唔會下下問我地係咪和平示威者定係勇武?
之後就一棍毆落嚟。
我唔會話有咩人係唔岩
我只能夠話理解佢地行為
同埋....
無人想有流血衝突, 無人真係打gta打上腦 , 無人真係想新年流流比人拉去坐監
話佢地行為之前
諗諗佢地背後點解咁做
預左比人屌
唔鐘意可以UNLIKE
講呢堆說話,唔係話急住表態, 大家都知道表態係好危險嘅事 (特別係網上)
又無人渣住支槍指我一定要打呢d
而係我覺得，希望大家唔好單一咁睇琴晚件事
係香港，tvb個影響好大，好多事情或者真相或者示威者慘況只有網上嘅人先知，香港主流傳媒唔播唔講，根本無人知
與論自然企哂某一方，咁係唔公平。
我唔想身邊嘅人繼續被塗毒.....
亦都唔想社會繼續分化
