一個人要睇得自己幾高，或者睇得承諾幾咁廉價，至會向人承諾向人保證？沈旭暉挺身示範，正係一次思考何謂承諾嘅好機會。
承諾之所以有價值，其實從來在於其人係咪每日為生活奮鬥努力，但求對得住過去嘅自己，對得住天地良心。行為正直連貫嘅人，每日都三省吾身嘅人，即使不作任何承諾，佢嘅為人就已經係信譽保證。沈旭暉自始至終，左閃右避，含糊其辭，去到一個地步，旁觀者已經無法理解佢嘅用語。佢身為學者，有一定學歷，用字必然未至於不知輕重，點解佢仍然係咁？究其原因，就係其身不正，言亦難以由衷。當初佢心灰意冷話去新加坡，轉個頭又幫政府推大灣區，話封筆唔講香港事，但又忽然展望香港新秩序，到而家佢以盡做為呼籲文章收結，但內文又以悲劇二字恐嚇抗爭群眾，其實佢根本唔知自己嘅自相矛盾係內化到幾咁嚴重嘅地步。
真正嘅critical juncture，係在乎自身，不在政治。政治只係個體嘅延伸，自己生活都未處理好嘅個體參與政治，其實唔見得對政治有幫助，因為個體嘅虛無空洞，係會令集體更加徬徨。中國人反日示威，點解永遠虎頭蛇尾？因為中國人根本唔知自己為乜而反日，只係意識到要跟從集體而反日，而目前嘅沈旭暉其實都係一樣。西方思想，令佢知道自己要do something right，但實際上，佢對自己嘅身分認同係點諗，對香港嘅族群想像係點，佢自己都未必知，連上街食過催淚彈但乜書都冇讀過嘅抗爭者都不如。
一個人嘅學術知識，必有價值，但要做學術之前，搵返自己身分認同同埋人生意義係更重要。只有將承諾對準自己，每日拷問自己點解要生存，點解要愛自己，點解要愛香港，然後令呢種動力去驅使自己精進自身，能量至會源源不絕，而最後社會至會有所改變。我從來唔敢話自己會盡做，甚少空談豪言壯語，亦唔會視社會先於個人，但我正因此而理念清晰，更了解努力自我鞭策，至會有朝一日成為有用嘅個體，進而影響到成個香港。香港已經有太多原地打轉嘅陶傑沈旭暉，大家想要幫香港嘅話，請停止吹奏呢類滑不溜手嘅鱔型人。
與其繼續寫呢啲句句有得兜嘅勸交文，不如喺關心社會之前，搵返自己人生中嘅critical juncture出黎先。精進自身，香港自然精進，共勉之喇。
何謂承諾 在 甚麼是愛？何謂承諾？再談(Priorities)先後次序~ Esther養心FUN享 ... 的八卦
何謂承諾 ？再談(Priorities)先後次序~ Esther養心FUN享069. 2,013 views2K views. Apr 11, 2021. 93. Dislike. Share. Save. Esther Lee 相聚一台. ... <看更多>