估唔到你卸佢喎的八卦，Yahoo名人娛樂都在討論

【公關的信任】
公關相信團隊，一個event無論個公關曉飛都好，係都完全無辦法自己又睇control panel、又睇reception，又係後台briefing、又在台前cue show，實不能也非不為也。
.
先戴頭盔，這不是一個離間post，而是感慨文。
.
君不見仆街何其多，實幹有幾人；係一個團隊裡面，吞泡卸膊喊包吹水乜都有，大概從讀書時期做group project開始，就從未遇過一條team係可以互相信賴到一個點，交咗俾一個人嘅事係完全放心到唔駛check。你估家陣下下做戲咩？
.
交俾老闆咩？你預咗佢無做都係你唔啱；交俾下線？你mon 少陣都唔掂，仲要隨時做埋情緒輔導，間中仲要請飲茶灌水，然後啲嘢仲要留返自己OT睇或翻手做；交俾同grade同事？自古都有云：利害關係必有一死，更好的人都有自己啲嘢都未攪掂邊得閒理你嘅一day。俾返客？你諗都唔好諗。
.
而且今時今日你咪以為把口問咗，有人答咗你yes就等於攪掂，實在太多次係同事答你得，結果好誠實：出錯時都係你自己執屎。
.
啲細嘅錯，唔好話你係做大，只要你較佢高級或經驗耐啲，就係你無睇住佢啦，係你唔啱；同級嘅錯，只要同事係幫手而唔係PIC，就一定係PIC唔啱；上級錯，好嘅佢就唔出聲過咗骨，唔好嘅佢就會話唔得閒理啲execution，點解你哋唔做好啲? 客嘅錯？一定係agency做得唔好。
.
所以，每當有event點解agency尤其是PIC係痾屎都唔得閒，咩鬼都要check要理，問住晒，其實有原因嘅。因為去到event，無論點plan得好都會有蝦碌發生；仲要擔心預備得唔好，你話係咪人都癲？ 仲有喎，咁多日無瞓，仲要記咁多嘢，event時仲100個人問你啲豬嘢(即係briefing時明明講過但現場仲由頭問過果啲阿夢)，onsite心煩氣燥多疑但無爆血管，情緒管理已經叫好好啦下嘛!
.
當大家(懶係)稱讚公關女係女強人，公關仔planning能力強咩都攪掂時，喂，你估我哋想架？邊條女唔想日日扮靚返工等放工，著晒N吋高跟鞋行來行去做靚靚公關，駛鬼挨到花殘粉退仲要俾啲三姑六婆係度串話咁強悍嫁唔出；邊條仔唔想放工做gym 而唔係卷高衫袖係後台搬搬台台，仲要俾阿媽催話你日日OT實娶唔到老婆？ 我哋班公關咩都疑神疑鬼，事事親力親為，都係你班仆街迫成架!
.
仲未計阿客同老闆完全自己唔知想點，得閒講句：你哋去睇咗先Check咗先問咗價先，我哋再睇點做嘅，呢啲咁不負責任、你班友打我工就好得閒嘅屎忽痕order，你話我哋真係十條命都唔夠做。
.
所以有人成日同公關仔講，「你都唔信人」，或「你真勤力咩都親力親為」時，褒貶都好，你知唔知我哋係吸收咗幾多慘痛嘅教訓呀，陰功！假如你有好信任嘅同事、contractor，恭喜你，千萬要珍惜呢啲滄海遺珠，唔好俾客戶同辦公室政治呢啲洪流沖走佢呀!
.
唔知有無團體可以做個調查，公關仔俾激死嘅死亡率有幾高？
#問少句而執緊第九百八十六篤屎有感 #星期六朝早就寫咁長post就知我由尋日執到家陣 #愛護你的公關仔好心幫下忙啦

【史上最卸膊】董建華傀儡林鄭被揭發成個「明日大嶼」計劃照搬團結香港基金提倡嘅「強化東大嶼都會」，佢嘅辯解竟然係成件事由規劃署主導——唔關我事架規劃署自己做研究，我都係剛啱聽返嚟。一個耗資萬億、至少搞十幾廿年嘅龐大工程竟然係咁兒戲就搬出嚟？真係人唔笑狗都吠。

話說香港長遠土地短缺1200公頃哩個數都係規劃署研究架喎！你林鄭想推巨型填海就迫規劃署重新再做土地估算吹大啲，規劃署都話要今年底先可以再俾到新數字，而家功課都未交，又會無啦啦自己去研究個1700公頃東大嶼計劃？如果真係有啲咁「科學方法」整出嚟嘅研究結果，即刻公佈俾公眾睇啦！

//林鄭指，「明日大嶼」是由規劃部門以科學方法擬定，強調當中無長官意志，更沒有和團結香港基金「對數」，兩者方案近似只是因為大家都是以科學性方法推演，呼籲社會不要以陰謀論看待。

今年4月開始土地大辯論公眾諮詢時，政府提出的填海方案都只是提出填1,000公頃，被問到何時決定加大填海規模，林鄭只重覆稱有關規劃是「不斷咁研究」，規模是由規劃署做研究得出，自己並不清楚，到今年年中聽過規劃部門介紹過//

【老董回朝】完結香港計劃
http://bit.ly/2PtaJBu

【華仔有所不知】玫瑰園計劃都是騙財的？
http://bit.ly/2NAVlBl

打小人講真話 月捐撐起土地研究
http://bit.ly/2PUuim4

一，有同事話：「唔知點解，成日覺得自己好似中咗招；有時諗，不如中咗算數，唔駛諗咁多。」頂你個肺，咁你又叫我返公司簽支票？

二，佢又話：「老闆，不如你又從心理學角度，分析下呢種諗法。」

三，唔講心理學，不如先計數。香港每日新增確診人數，真係同中六合彩差唔多。嗱，戴晒口罩咁講，唔係叫大家唔好注意個人衛生。其實，任何時候都應該要注意個人衛生。正如以前講，注意個人衛生，係一個良好公民嘅責任；呢個係社會共識。

四，即係話，洗手洗手洗手，無乜事唔好去人多嘅地方等等，唔舒服就帶口罩，唔好出街等等，對個人嘅代價唔高，但加起來對社會代價就相對低。又大膽問下大家，你哋有冇每年打流感疫苗？唔係 100% 有效，但我都會照打。

五，好，戴完口罩，講下啲逆思維嘅嘢。話說，有種心理病，叫驚恐症，成因不明，有理由相信有遺傳嘅因素，但亦都有後天環境嘅成份。其實，好多病症，亦如是，硬係要分先天後天意義其實不大。

六，驚恐症引起嘅 panic attack 嘅病癥包括：心跳加快、呼吸急速、手心冒汗、手震、心胸翳悶、肚痛及肚瀉、手腳痳痺、時冷時熱、頭痛等。嗱，呢啲病癥係咪會令人會以為自己中招呢？

七，同事又話：「咁，點樣先知自己係驚恐症定真中招？仲驚喎。」係㗎。

八，又咁講，本來以上反應，源於人嘅自我保護機能；無論係真病毒，又或者係自己以為有病，身體都係咁樣去保護自己。我哋又真係唔可能去分辨。

九，所以，延伸上面嘅原則，假如確保個人生理衛生係公民嘅義務，每個人其實都應該要對自己嘅心理衛生負一定嘅責任。係，我知，正如頭先所講，有啲症係天生嘅，病，其實冇人想。不過，對大多數人來講，其實有啲事係我哋可以做嘅。

十，有唔少研究發現，靜觀對維持血清素（Seretonin）水平有一定幫助。飲食習慣都係；斷食同減少對碳水化合物嘅依賴，一樣對維持體內血清素水平有幫助。

十一，其實，無論係乜嘢危機，都係因為一直以來大家都忽視潛在嘅風險。社會如是，企業如是，個人亦如是。去到爆發嘅一刻，好多時都會混合咁爆發。香港今次嘅完美風暴，暴露好多呢個城市嘅弱點。過去幾年，我都提過好多次，一出事就好難管治，呢個政府真係唔好高估行政霸道嘅能力。好可惜，就係咁，社會嘅制度明明有缺陷，但繼續以投入大量資源嘅方法去運作，亦即係我成日講，以為錢可以解決嘅問題，就唔當係問題。

十二，香港都未出現大規模嘅經濟衰退同失業；到呢啲問題都出現，又會有另一浪嘅衝擊。到時都唔知疫症完未，但肯定政治社會矛盾未解決。

十三，政府，肯定會想將個責任推卸落商人同有錢人身上；但香港人經過呢幾個月，都應該好清楚係咩一回事。

十四，最後，都係個句：自己香港自己救，自己條命都係。呢句說話唔係叫大家各家自掃門前雪，呢個只係最基本嘅義務，如果連呢一點都做唔到，又點樣去幫其他人？