打從結婚生埋兩個細蚊以後，
我們一家四口的家庭旅行只有兩次，
就算十多年來我們年年去旅行兩次。
😑😑😑
一次在大女5歲、細女2歲時到布吉，
之前老闆應承咗我好多年話去布吉，
本打算果一年暑假就到布吉陽光海灘，
但他的兩老話要去新加坡，
跟住我們無奈地去咗新加坡。
後來老闆望住一面失落的我話，
新加坡後，我們去多次布吉啦，
跟住我們去咗第一次一家四口的旅行。
第二次一家四口之旅在兩年前，
襯住兩個女學校的星期五假期，
阿媽我自掏腰包來個快閃台北之旅，
由決定至訂套票到起程，才一星期，
因時間太緊絀，所以有人想跟都無能為力。
除卻呢兩次以外，每次的家庭之旅我們都六人行😑
你問我六人行有咩唔好？好辛苦我嗎？
😩😩😩又唔係嘅。。。
只係我想輕鬆自在一下，去我想去的地方，
食我想食嘅嘢，放真正嘅假之嘛。。。
去新加坡唐人街👉🏾海南雞飯好出名喎不如食海南雞丫～
回應係👉🏾去啲似樣餐廳食啦大排擋好辛苦老人家。
跟住，我地去咗某靚到暈商場內的餐廳食咗痴牙痴到暈的燒鵝。。。😑
去到布吉👉🏾晏晝飯我想食泰國船河呀～唔太肚餓啱啱好～
回應係👉🏾佢地想試下布吉的日本餐廳食刺生
跟住一路食一路厭唔新鮮唔正宗唔似樣。。。
點解你當初唔堅持食泰國河粉丫？😑
去到台北北投👉🏾矮仔財魯肉飯好出名，我地一齊當早餐食丫！
去到熟食市場，六個人只有我一個坐低食，有兩人對一眾地方面有難色，跟住話喺出面等我，你唔使急最緊要快。。。
人家去旅行去放輕鬆。。。
點解我去旅行要去安排人家喜歡的行程？
仲要猜度晒心意，唔好悶親老人家，
所有要畀錢唔使畀錢、就近又或山長水又遠的景點名勝，都唔可以錯過。。。
😑😑😑
有兩個鐘放空嗎？你快手搵啲嘢塞入去。。。
其實我一直，只希望旅行發呆。。。
去一條老街漫無目的咁遊走。。。
行到倦、百無聊賴地發住呆飲咖啡。。。
品嚐當地人的本土食物。。。
如此簡單的心願，原來是一種奢侈😢
個個都好想去旅行，
個個都想去咩。。。
親💕星期四快樂💕
#親你地當我發噏風啦
#今朝遲咗成個鐘起身
#整細妹個飯盒咁大把
#家姐放半晝約我食晏
#沒有白色哈囉吉蒂貓
#仲有白色不知名小貓
