今日真係好多開心事要同喜歡珀廉的朋友分享，過去六年，因為玩得太勁（我們去左十次旅行，幾十次科學館迪士尼海洋公園同各大小公園、嬉水池、海灘、農場、露營等等）好多關心珀廉的朋友都會有個好大既疑問🤔️到底佢使唔使讀書架？！（又或者佢讀唔讀到書）
媽媽我成日都覺得頭六年係要玩多d親身體驗多d郁動多d接觸多d不同事物，至少個人要有好奇心同唔怕接觸人，而玩呢。。。正正係可以幫助小朋友腦內神經原生長，這是無形的，唔係好似認字咁可以計認到幾多字，而係透過認識不同人同事，對成長有莫大幫助，就算冇幫助起碼個人都樂觀d，至少識笑丫麻😜
開學已經足足一個月了，中英文都默過第一次書了，他竟在中默取滿分，不是為這次滿分驕傲，而係平時心急的他好多時都不夠細心，所以我都冇諗過他會滿分，他明顯有認真去放慢小心留意自己有沒有大意，這是我最欣賞他今次滿分所付出的努力
而且這一個月，我們每個上學天都能有一至兩小時自由活動時間，每天平均睡眠有十一小時，因為一般晚上9:00訓覺，星期六日讓他訓到自然醒，每個早放學的星期五都會帶他去玩，今天我們去了看戲，這是他最愛的節目呢
經過這個月，最開心係搵到間適合的學校，開學月訂立的休息和睡眠目標都達到（多麼奇怪的目標😅人家定要溫幾多時間，我們定要休息兩小時😅😅）珀廉說他喜歡上學，真是要感謝珀廉幼稚園老師的付出，教得佢好好，也要感謝小學老師的耐心教導，我曾經以為上小學我要河東獅吼，「陪太子讀書」，但在幼稚園培養的學習態度真係讓他回家都不用我太操心呢，希望之後都保持到啦
仲有珀廉自己研究破解左個新扭計骰，多謝表姨教識佢玩第一個扭計骰到今天可以自己諗到新扭計骰真係好感動，證明佢有用腦，多謝靚姨送的新扭計骰，他急不及待一有時間就玩呢😊
#多謝支持我們的人
#希望能夠繼續保持好的習慣
#今日做唒功課先去街架
#何珀廉
#bigbig小明星2017
今日做唒功課先去街架 在 《區區有女神》「巨胸翠如」鄧月平做洗頭妹哥仔嗌正 - YouTube 的八卦
「巨胸翠如」鄧月平做洗頭妹哥仔嗌正《區區有女神》 鄧月平鄧月平Larine哈囉我係鄧月平Larine我之前曾經住過深水埗咁我中學由佐敦搬咗黎深水埗所以 ... ... <看更多>