回應吓大J最近直播內容，同埋網民嘅疑問
我想講番啲關我事嘅野，其他就唔講了
唔想再亂咁傳，不如由我呢個當時人直接講仲好
1. YouTuber聖誕Party & 新年春茗搞手們呃錢
2. 我私吞咗Goji錢搞咗YouTuber減肥比賽
首先我其實同大J好幾年都真係無乜來往，以前都有曾經一齊拍過野，但近年都係各做各大家忙，所以唔太明白點解佢執著成日都提起我，但印象我無開過口，而呢兩件事都唔只影響一兩個人，佢哋都希望我可以出句聲講嘢，所以再講番少少來龍去脈先。
其中一件事係2018年聖誕Party，其實已經去到第五屆，以往四年都係細B做搞手，我今年就幫吓手搞，咁細B就照舊搵人啦，有問大J去唔去嘅，咁就因為佢同Kzee不和，所以話唔黎(*圖1)，呢部份大J係無講大話嘅，咁佢哋不和嘅野唔係好關我事我就唔插嘴了。同時都解答咗有好多人嘅疑問，點解我哋搞小圈子Party，其實做YouTube又唔係真係好多人，80人都唔小圈架啦，好多人我哋都真係有搵，有啲人唔得閒，有啲人唔想黎，有啲又真係唔識無聯絡，啱玩咪一齊玩，其實只係咁簡單。
好，講番個正題先，聖誕Party，入場費講緊$350，80人即係$28,000，主要洗咗係book場，Souvenir，運輸物資嗰啲(*圖2)，係有錢剩嘅，全數落番晒入春茗(*圖3)，一蚊都無袋到。
春茗總共比錢嘅人有91人，$350@即係$31,850(*圖3)，明明成百人參加，有啲咩人無比錢呢? 搞手，因為我覺得我哋幾個付出時間同心機好多，可以免去入場費(但實情係抽利是環節，我都私人拎咗$2000蚊出黎抽，我哋又唔會真係貪嗰$350蚊入場費嘅)。另外就係客同埋Agency，因為佢哋成日支持我哋，就當請佢哋食餐飯黎開心一晚(不過佢哋慘啲，無比入場費所以無得玩抽獎)。不過有人質疑，點解東海Sponsor咗個場地同晚餐，我哋仲要收咁貴？其實$350參加一個Party，食圍菜，有獎抽，有利是，有野玩，合情合理仲好抵tim。我哋搞手一致認為一定要有入場費，令人唔好放飛機，亦重視個Party，最後嗰舊錢係大部份擺番晒落去遊戲呀抽獎嗰啲(*圖3)，另外仲有拍片影相嘅Production crew同埋啲細數。春茗當晚我哋都有公開晒聖誕Party同埋春茗兩條數，所以參加者都好清楚明白。最後淨低千幾蚊拎咗去After Party唱K。錢就真係無袋過，仲要倒貼...
聖誕Party同春茗搞手們都有周圍R Sponsor，無非都係想大家黎到有啲禮物抽開心吓，係我哋角度覺得互惠互利，好多客同Agency都好錫我哋，送禮物比我哋抽獎，我哋又會交功課出吓Post同Story咁，產品可以曝光係無錯，但又唔會有效到會有宣傳費比到我哋，如果有啲咁嘅客真係拜託介紹我哋識，應該係究極好公司，大家真係唔知啲客係揸得條數有幾咁緊。所以無可能存在我哋有額外袋咗好多廣告費，可能我另外接佢個廣告來得仲簡單直接。如果有PR指證我哋有收佢哋錢，我拎番10倍出黎捐咗佢都無問題。
無錢搵做乜咁on9搞個Party？搞完一個又一個？
1)真係好好玩
2)Gather大家
3)互識認識幫助大家拍片crossover更易
4)YouTube官方唔肯擺資源係香港搞，嬲嬲地我哋自己黎
btw...仲會有人話個春茗係英皇有份搞，經理人屌我都屌唔切啦，個排掛住搞呢兩壇野，拍片少咗，Job都接少咗。呢個世界就係會有呢啲無聊人食飽飯有野做唔做，走去做搞手，搞過就會明，吃力不討好。
Party春茗單野以上交代晒，有咩唔清楚可以再問。
輪到Goji嗰部份。
對唔住，我係肥閪，我減完肥又肥番，的確係廢，無野好講，我都好嬲自己咁為食。
打從一開始Goji Sponsor我減肥，佢哋免費提供咗好多服務比我，會藉啦，教練堂啦，Meal Plan啦等等(*圖4)，佢哋話個Package 值20萬，其實都係吹水咁吹，邊有咁貴，佢都係做大條數好似比好多著數你咁，希望你又拍多幾條片sell吓佢。是但啦，嗰時我都想減肥，有人幫自己減，咪答應囉。同埋另外佢哋真係只想Sponsor，而無budget搞網上宣傳呢一Part，所以減肥嗰Part我真係無收錢，而我拍片減肥就當係紀錄自己生活我又唔係好介意(最後無答應圖4寫嗰拍12條片，拍咗幾條交數)。
之後有2019年2月Goji PR突然搵我話有嗰campaign想做(*圖5-圖10)，就係YouTuber減肥大賽，嗰時我已經簽咗入英皇，點解佢唔搵我經理人而直接搵我呢？原因好很簡單，佢哋無budget...想跳過我經理人公司嗰Part，起初都仲話有10萬蚊做獎金分比大家，仲有啲會藉、教練堂嗰啲野咁啦，後來搵齊晒腳之後又話budget cut到得6萬，連呢4萬都要慳，邊仲有可能咇到多一舊錢比我，50萬？唔好想像到啲公司online marketing預算有咁多，大部份公司仲係好傳統，TV AD同offline野佔8-9成。至於點解無錢都要應承幫佢哋搵人參加呢個比賽，因為嗰排我哋圍內興緊行山打波做運動，睇番1月嘅片就應該知，我覺得大家應該都有興趣玩吓減肥比賽，又有少少獎金推動吓減肥，大家都係自願參加。
係呀我又做埋啲無錢賺嘅on9野，唔知大J又有乜證據歡迎拎出黎，一齊傾傾佢，你話唔係100%但又有90%肯定嘅話，應該好多證據架嘛，唔好靠估又講到咩90%肯定，唔犯法呀，中傷人仲唔洗錢tim。呀仲有，大J你話咩泊碼頭咩大佬吹雞呀，其實真係好撚難聽，大家覺得啱玩就一齊玩，又唔知關英皇乜撚野事。喂其實你仲紅過我多多聲啦，你又可以試吓吹雞睇吓有無YouTuber肯理你 =] 真係唔係個個睇利益睇到你咁重。
咁當然我都中意搵錢，大家都知我拍過好多廣告，亦多謝廠商支持，但我個人覺得有好多野都比利益嚟得更加重要。仲有，我唔係大佬亦都好憎做大佬，我只係中意玩，好多活動都係細B出心出力搞，我只係輔助，同埋拍片紀錄低，我好respect佢，亦都respect真心有為呢個圈付出過嘅人。
#愈寫愈激動
#唔好意思
#今年好多野更值得關心
#我哋好早就有共識今年唔會搞party
今年好多野更值得關心 在 今年好多野更值得關心- एक्सप्लोर करें 的相關結果
Facebook पर #今年好多野更值得關心एक्सप्लोर करें. ... <看更多>