大家見到枱面咁豐富，全部都係我煮....一半咋，另一半就係 五餅二魚美食料理 #五餅二魚 。其實枱面既都係五餅二魚既餸菜包，同易煮包。
「餸菜包」就係方便想煮但冇時間買材料或者又偶然煮一次（例如情侶煮飯仔），唔想煮剩番啲材料浪費，一包有晒全部材料，洗好切好，可以好輕易咁俾大家顯下身手、表示下心意。
我揀既餸菜包有：
🦐大頭蝦冬陰功湯（冬陰功既香科唔係個個地方都咁易買得齊，呢度一包齊晒仲有埋椰奶，最重要係隻大頭蝦，爆晒膏，出街食都未必有咁正，成碗湯既精粹靠晒佢）
🐟沙巴龍躉（好多人想食魚但係好怕洗魚，因為怕腥，或者無時間去街市買魚。呢條魚真係好大條，入面洗得好乾淨，跟埋薑蔥。蒸完條魚支鰭都企架，魚肉都好滑，有鮮味架）
🐂越式清湯腩（大家都知牛腩要煮一後時間先淋，呢包牛腩已經出左水，只要加湯煮一陣就得，仲可以加啲粉麵落去，做牛腩粉）
🐖香茅豬扒（豬扒已經醃好，一煎就得，輕鬆）
仲有「易煮包」，可以放雪櫃，唔想煮，或者想加餸，唔使落街唔使排隊唔使等，都可以加熱即食。
🐖泰式豬手(凍食，一開即食，尤其係個汁，越食越好食）
🌮西西里肉醬（通常會用來撈意粉或千層麵，我就加芝士夾墨西哥粟米餅）
🐖香醋豬軟骨（酸酸甜甜豬軟骨補充骨膠原）
🐂法式紅酒牛腩（炆得好入味，個汁好撈飯）
🥧芝士撻（焗一焗，好味到不得了，最正係放屋企，隨時可以食）
🍲椰子淮山蓮子陳皮烏雞瘦肉湯（女人最緊要飲湯）
我而家建議緊佢地做啲餸菜包或易煮包for 有幼兒既家庭，因為我知道好多屋企有1-5歲小朋友既家庭，比較難放低或帶埋小朋友去買餸。但仲需要做下市場調查。大家覺得呢？有咩提議都可以留言呀，我會同佢地提議。
https://5loavesn2fish.com/
五餅二魚美食料理 在 五餅二魚美食料理(cateringef) - Profile 的八卦
五餅二魚美食料理 | 飲食業福音團契名下社企，以基督教精神開辦到會服務，培 訓弱勢社群重投社會，以發揮餐飲服務榮耀神的精神。 ... <看更多>