疫情看似緩和下來，各行各業尤其是餐飲，酒店業，似乎就嚟等到黎明。
但係，黎明前夕係至撚黑暗。
踏入五月，好多酒店推出跳晒樓的優惠，搏大家現在不能外遊，住本地酒店當度假；前排訂了龍景軒晚飯，飯店致電給我作實訂位之時，順便向我推銷住宿優惠，二千頭，包二百定三百元餐飲券。
四季喎。
早排君悅酒店推出最高六折的現金券優惠，一出就秒殺，我想買幾張去扒房用都不能；今日就到海景嘉福酒店出手，不過要買成51張面值＄500的現金券，才能享有六折優惠，如果你身邊有幾個朋友，想平平哋去試下海景軒，或低於六折去酒吧飲威士忌，可以集資入手。
尖沙咀美麗華，最平一生發發（未連稅）可以住一晚，仲包＄800餐飲券；如果選擇＄1800住一晚，送個國金軒二人晚餐比你嘆，主廚宏師傅手勢好，是行內年青有為的中菜師傅，如果有興趣入住該酒店，不妨選擇最貴的套餐。
沙田凱悅，＄1650（未連稅）住一晚套房，送＄1100餐券，＄400野餐券，免費租單車。
半島的母親節優惠，＄2020住兩晚，早餐買一送一，惠顧酒店餐廳有八折，我有朋友選擇升級，給多一倍價錢住套房。
堅持揀酒店都要黃色的話，逸東啦，早前最低迷的時間，舊館住一晚的價錢，大約四百多少少（已計稅），平過十年前住維記過夜；今次個推廣，住新館，平日入住連加一服務費後 $1,397一晚，包Astor早餐兩位，與及Astor晚餐/逸東軒二人套餐，兩者選其一。
究竟係食飯送房？定係訂房請食飯？已經搞唔清了。
逸東軒的片皮雞，好食，呢個星期又去，有朋友訂咗枱，不過是食＄38點心。
五倍券住宿買一送一 在 買一晚送一晚！超過20間「星級酒店五倍券優惠」總整理 - 玩咖 ... 的相關結果
五倍券 0元入住飯店、買一晚送一晚！超過20間「星級酒店五倍券優惠」總整理 · 台北文華東方酒店 · 台北凱達大飯店 · 台北國泰萬怡酒店 · COZZI Blu和逸飯店‧ ... ... <看更多>