名人八卦我牽掛
明星名人結婚、離婚、出軌、小三、仙人跳、學歷和家世等各種八卦都在這裡找得到一點蛛絲馬跡...

Search

九州 韓國岳的八卦，Yahoo名人娛樂都在討論

相關標籤 相關照片 相關影片
在九州 韓國岳這個產品中，有8篇Facebook貼文，粉絲數超過9萬的網紅Will Cho，也在其Facebook貼文中提到， 屋久島，是我和山中遊子在日本鹿兒島登山的第二站。 上一站我們登上了霧島山的韓國岳，飽覽了多個火山口的景色。隨即我們前往屋久島，在這自然聖地上繼續尋找自由的風光。 ► YouTube youtu.be/Nm6afXCtOms ► 重溫上一集〈霧島山〉 facebook.com/will...

九州 韓國岳 在 Will Cho Facebook 八卦

Will Cho By Will Cho

2016-08-30 19:17:21 有 3,619 人按讚
  • Share this:

屋久島，是我和山中遊子在日本鹿兒島登山的第二站。
　
上一站我們登上了霧島山的韓國岳，飽覽了多個火山口的景色。隨即我們前往屋久島，在這自然聖地上繼續尋找自由的風光。
　
► YouTube
youtu.be/Nm6afXCtOms
　
► 重溫上一集〈霧島山〉
facebook.com/willcho.colate/videos/891997500918190/
　
以 Sony A7RII 及 Sony Action Cam 拍攝
　
Facebook: Will Cho · Instagram: @willcho
　
#日本 #九州 #鹿兒島 #屋久島 #宮之浦岳 #日本百名山 #Japan #Kyushu #Kagoshima #Yakushima #MountMiyanoura #100FamousJapaneseMountains #HKAirlines #HKATravelholic #SonyA7RII #SonyActionCam #TheNorthFaceHK #TNFHK #willcho
　
Hong Kong Airlines 香港航空 · 山中遊子 · Will Cho

Tags:
Will Cho

About author
「銀河小王子」、風景攝影師、《山步．行》及《環嶼一周》電視節目主持。希望透過攝影，讓更多人看見我們平時忽略的大自然，同時感染更多人追尋自己的夢想。
85619 followers 80710 likes
View all posts

九州 韓國岳 在 Will Cho Facebook 八卦

Will Cho By Will Cho

2015-11-19 20:32:22 有 828 人按讚
  • Share this:

霧島山，是我與山中遊子在日本鹿兒島旅程中登上的第一座山岳，不論在山上還是山下，風景都美得讓我們目不暇給。
　
我們在霧島山的遊記：
facebook.com/notes/889589211159019
　
歡迎你分享這段影片。
下一集 — 屋久島將會不日放映。
　
Will Cho · willcho.com
　
＃日本 ＃九州 ＃鹿兒島 ＃鹿児島 ＃霧島 ＃霧島山 ＃大浪池 ＃韓國岳 ＃韓国岳 ＃えびの高原 ＃蝦野高原 ＃九州自然步道 ＃日本百名山 #Japan #Kyushu #Kagoshima #Kirishima #MountKirishima #LakeOnami #MountKarakuni #EbinoHighland #KyushuNatureTrail #100FamousJapaneseMountains ＃香港航空直飛鹿兒島 #HKAirlines #HKATravelholic · Hong Kong Airlines 香港航空 · #SonyA7RII #SonyActionCam #willcho

Tags:
Will Cho

About author
「銀河小王子」、風景攝影師、《山步．行》及《環嶼一周》電視節目主持。希望透過攝影，讓更多人看見我們平時忽略的大自然，同時感染更多人追尋自己的夢想。
85619 followers 80710 likes
View all posts

九州 韓國岳 在 Will Cho Facebook 八卦

Will Cho By Will Cho

2020-04-14 18:25:50 有 556 人按讚
  • Share this:

開估時間到喇！早幾日同大家分享咗十項我喺旅行時發生過嘅事，其中一項例外，估唔到呢十件事都各有人估係假嘅，我就逐一同大家講吓啦。
　
　
➀ 🚀「同一個唔識嘅外國太空愛好者喺超級市場即興買個帳幕一齊去睇火箭升空」
　
有一次環遊緊日本九州，發現喺鹿兒島縣嘅種子島咁啱有火箭準備發射，所以好想去睇吓，但係島上嘅住宿已經爆滿咗，喺唔知點算好嘅時候，透過網上知道有一個澳洲嘅男仔有同樣嘅情況，所以喺島上嘅四日三夜，我哋就相依為命。
　
我哋喺碼頭見面之後，就喺超級市場買啲糧食，原本打算喺車上面瞓覺就算，但係竟然搵到個帳幕，所以成件事即刻無咁淒慘。佢係個太空愛好者，天文地理無所不曉，所以喺成個旅程，我都好似有個導遊帶住咁，而我當然就係隨團嘅攝影師。
　
　
➁ 🚐「夜晚坐長途巴士，一上車就瞓着咗，半夜扎醒時發現巴士喺懸崖峭壁嘅山路上面風馳電掣，之後成程唔敢瞓，仲喺手提電話打定遺言」
　
呢個緊張嘅旅途係發生喺尼泊爾，嗰陣坐緊由加德滿都開往博克拉嘅巴士，由窗口望出去係萬丈深淵，加上經常上演驚險嘅爬頭情節，搞到成程都心跳加速，就連遺言都準備埋 。
　
　
➂ 🕷️「一個人走去食昆蟲料理，有蜘蛛、蠍子、蟋蟀、蟬同蠶蛹，食食吓發現隻碟上面仲有啲螞蟻周圍走緊」
　
柬埔寨暹粒有間 Bugs Cafe，各式各樣嘅昆蟲都炮製成賣相吸引嘅料理，例如春卷、串燒等等，嗰陣我有喺 Facebook 直播，所以可能有啲朋友會有印象。不過昆蟲料理嚟講，呢啲炸蜘蛛都係濕濕碎，因為我後嚟仲喺馬來西亞食過生勾勾嘅蟲 🙈。
　
　
➄ 🩸「喺衛生情況差到水都唔敢亂飲嘅國家玩激流時整親流血，傷口不停浸住河水兩、三個鐘頭，心理壓力無限大」
　
玩得激流，反艇應該係必然嘅環節。喺反艇嘅時候，我撞傷咗膝頭，仲整唔見咗其中一部 Action Cam，上返艇之後先知道真正嘅旅程啱啱先開始，雖然傷口無因為河水而受到感染，但係最後一晚我喺食嘢方面一時鬆懈，一碗生牛肉河令到我肚痾咗個幾星期。
　
　
➅ 😱「參觀大屠殺博物館時影相用嘅記憶卡壞咗，有部分檔案開唔到，而同行朋友亦都發現佢用菲林相機影嘅相有異樣」
　
地點係柬埔寨首都金邊嘅吐斯廉屠殺博物館 (Tuol Sleng Genocide Museum)，細節就唔多講，因為每一次諗起或者睇見啲相都有啲唔舒服。呢度係我去旅行咁耐，唯二出現唔正常現象嘅地方之一。
　
　
➆ 🌵「凌晨時分穿過鐵絲網潛入沙漠，為咗避免俾人捉到而匿埋喺草叢成晚直至天光」
　
我同朋友喺夜晚去沙漠影星空。附近有個景點，因為有好多人會為咗慳錢唔俾入場費，而會取道沙漠兜個大圈進入景點，所以沙漠周圍會有鐵絲網圍住同埋有管理員巡查。
　
　
➇ ✏️「一個語言不通嘅老人家無端端請我去食飯，全程靠紙同筆用猜猜畫畫嘅方式溝通，一傾就傾咗成晚」
　
喺海邊影完日落之後，有個伯伯用身體語言話想一齊食飯，所以我就揸車跟住佢架車去餐廳。其實同語言不通嘅老人家傾計，喺我去日本嘅時候都經常發生，特別係喺啲鄉郊地區。
　
　
➈ 💉「深夜時分跟住當地人去夜探森林，一直提心吊膽好驚對腳俾水蛭咬，返到酒店以為鬆一口氣，點知發現身上面有隻水蛭吸緊血」
　
之前喺尼泊爾行山時都做好心理準備要面對水蛭，無諗過第一次遇見係喺沙巴專程去尋覓佢哋。夜探森林之前，我已經嚴陣以待，着好晒外套同長褲先至出發，但係最後都係失守，返到酒店見到件衫有撻血跡，就知道出事了。
　
　
➉ 👍🏽「掛住影相錯過咗尾班車，要企喺公路旁邊截順風車，最後截咗好多架先成功」
　
有朋友留言話同其他經歷相比，截順風車變得好平常。其實我人生咁耐以嚟，就只有截過兩次順風車，有一次就係喺日本同 AM 行完韓國岳之後，喺蝦野高原截車返霧島溫泉，就係上面講錯過咗尾班巴士嗰一次。
　
另一次係喺香港，喺鶴咀通宵達旦影完星空同日出之後準備返屋企，Call 的士加錢都無車肯入嚟，行路返出去嘅時候，見到後面有一架貨車出緊去，攰到爆嘅身體忍唔住揮手截停咗架貨車，司機好好人車我出去市區。
　
　
所以，正確答案就係 ➃。
　
　
➃ 🌋「揸電單車向住火山進發，途中避雨時意外發現原始部落，經過幾日時間互相學習之後，可以用簡單英語溝通」
　
好多朋友都估啱咗呢個熱門答案，我的確未有電單車牌，最多係喺台灣揸過吓電動車。雖然呢個經歷無發生喺我身上，但係佢係屬於一個我喺旅行時認識嘅 Backpacker，當我聽到呢個咁精彩嘅旅途，我心裏面都好羨慕啊。
　
　
你哋有無估啱啊？又有無試過類似嘅經歷呢？

Tags:
Will Cho

About author
「銀河小王子」、風景攝影師、《山步．行》及《環嶼一周》電視節目主持。希望透過攝影，讓更多人看見我們平時忽略的大自然，同時感染更多人追尋自己的夢想。
85619 followers 80710 likes
View all posts
你可能也想看看
搜尋相關連結