《天啊！到底點先睇到奧運？》
8月6日，呀媽同我講，佢六點就起身睇開幕禮，因為TBB 賣廣告話開幕禮六點開始，呀媽話俾TBB呃咗，六點至七點成個鐘都係呀叻個幾條友，不停話「好緊張呀，就開始啦，好緊張呀，TBB會全面直擊，好緊張呀，大家記得痴實TBB」，緊張咗一個鐘，TBB好明顯呃砰，好似當年亞洲亞洲播外星人，將幾分鐘拖成五集。我都明，TBB買親呢啲大嘢，就好似擺酒咁，五點就叫你入席，九時先有嘢食。明明七點先開幕禮開波，呃人六點起身。
呢幾日，呀媽不停問我，到底幾點有咩睇？佢就好似玩Pokemon go 咁玩個remote control，不停撳來撳去，搵奧運來睇。然後你好撚忟，360度咁撳哂所有台，都無得睇，大部份賽事都無直播，例如今晚明明有女單乒乓球，有香港隊，又係無得睇。你想睇，就要買佢個「賣tv super」，唔買就只可以睇到同《瞬間看地球》差唔多長度嘅「隔夜精華」，啲精華仲係曇花一現，一閃即逝。等十點睇「隔夜直撃」，絲苗米都變冷飯。
TBB可唔可以有啲傳媒專業精神，社會企業責任，俾人睇港隊參加奧運？
TBB呢個moment 乜鳩港隊嘅賽事都唔直播，到人哋一旦贏咗，又撲出來訪問人，話人有實力，為港爭光。其實，只係支持能夠贏嘅運動員，呢件事真係好醜陋。我想睇嘅，係港隊盡力發揮，而唔只係上台得到掌聲個個moment。
TBB，你放返港隊參加嘅九個項目出來，完整直播俾大家，甚至俾大家由頭到尾重溫，俾返個理由香港市民，點解我要痴實TBB？喺「賣TV」度放返港隊有份參加嘅游泳、田徑、羽毛球、單車、劍撀、高爾夫球、賽艇、滑浪風帆同乒乓球出來啦。
而香港政府口口聲聲話撐香港體育發展，TBB無得播，香港奧委會係唔係要make sure 市民睇到香港隊員比賽呢？
睇唔到已經夠屎滾，一開香港奧委會個網，又見到個二世祖同佢個三世祖，竟然有得隨隊免費去巴西睇live，我哋喺香港，開住TBB睇條毛。再次remind 我2014年冬季奧運會，呂品韜隊醫都無得去，俾霍震霆去睇live。咁都未算衰，香港奧委會個網而家，仲幫緊中旅社賣廣告，話可以預訂奧運會門票。
※※※※※※
8月6日晚，終於俾我等到TBB有少少嘢睇，女子10米氣步槍，一路聽住TBB 個劣質旁白......
當時，李思雅做緊旁白，打到最後一個回合，李思雅講左幾次，希望美國隊戴舒雅失手，杜麗個發打得好，咁杜麗就有得贏。其實大家明唔明咩叫體育精神？就係大家盡力發揮較勁，大家盡力，你贏係實力；人哋失手你先贏，係叫僥倖。如其聽呢啲劣質評述，我不如較mute。如果有外國人睇到聽到，成個香港都好失禮。
唔只評述劣質，挑選直播賽事都劣質。TBB只係不停選播中國最有機會得到金牌嘅項目，然後贏咗，又不停鼓吹強國真係好強。
我諗強國嘅醜陋係在於，佢哋唔明白體育精神，只係著眼於拎金牌個個Moment ......
有啲人眼中，只要唔係第一，就係「失」。而且好似只有強國先可以贏，其實個個國家運動員都好努力，孫楊失金，痛哭到好似金正恩逝世咁，有無咁樣衰架？成「球」睇緊，男人老狗，打落門牙和血吞，你叫無獎個啲情何以堪？贏緊係比輸好，但贏唔好贏到好似啱啱食完興奮劑咁，輸唔好輸到好似世界末日咁，先贏得光彩，輸得漂亮呀嘛。
PS. 我知好多人話，港隊成績唔係特別好，點解要支持同政府投放咁多錢？咁你唔支持，唔投放錢，佢成績點會好？
乒乓球精華賽事 在 112年全大運在中原《4/28桌球賽事精華》 - YouTube 的八卦
112年全大運在中原《4/28桌球 賽事精華 》. pr cycu. pr cycu. 183 subscribers. Subscribe. 0. I like this. I dislike this. ... <看更多>