🏆 獲🉐️首個男KOL獎 #CCF #HKKOLA2018 🏆
短短半年間，因為 梵高爸爸 ※ 新手日記 平台，讓我走上精彩而意想不到的旅程。
沿途遇到好多有心人：真心分享湊仔經的媽媽bloggers、互相交流嘅新手爸媽們 、朋友/舊同事轉介的job、新舊廣告客戶主動邀請的產品贊助、甚至TVB/晴報媒體專訪。
亦藉呢個平台作能量交流，inbox回答新手爸媽的小問題、產品咨詢，甚至是O2O (Online to offline) 做兒童視藝教育 🎨、創意企劃、藝術評估去幫助不同家庭/跨性別人士。
8月某天從「廣告狂人」中知道有「香港網紅比賽」，有人評論，紅嘅點解要參加？贏咗都唔代表紅？獎品係其次。反而我偏偏覺得係一個機會。重點係，#主動吸引新手爸媽或更多有緣人認識自己，助人自助也好，交流也好。
人生有太多可能性，BB的出現是我第二人生的開始 💡 #HowDoesItGetAnyBetter
偏門地做「全職」爸爸的路唔難 (暫時)，兼職在家工作難度高少少，最難係行出第一步。既然行出第一步，就繼續。梵高爸爸認為值得做，就去做 👍
最後，呢個獎項我想送俾我老婆 💏
多謝佢十月懷胎懷湯丸仔，咬緊牙關喺產房無痛生湯丸B 👶🏻 十級有條理去處理大小事項，有時夜晚太眼瞓會返shift湊BB。亦試過一兩件芝麻綠豆小事，激起情緒而鬧交 (我承認我相對情感澎湃D)，但好快又無事。兩夫妻拗撬係在所難免，如果我話無，就太超離地喇。當大家建基於愛BB的心，就🆗️喇。
講遠咗添！再多謝大家支持，特別係屋企人、嫲嫲 👵🏻、媽媽🙆🏻♀️、仲有我小可愛湯丸B 👶🏻
