《作為一個資深嘅職場small potato，今日好想講兩樣嘢...》
1. 應唔應該去新城市廣場圍剿以及向前線員工投訴？
2. 如果你係染紅嘅仆街公司前線員工，喺大型抗爭點樣自處？
有人話：「去新城市廣場圍剿，以及向前線員工投訴 ，其實係冇用嘅 ，佢哋都係無辜嘅 窮人，你去圍剿，其實係一班窮人打壓另一班前線嘅窮人， 真正嘅幕後黑手係高層，要去投訴就要去公司總部投訴」。無論你去新城市廣場定灣仔嘅新鴻基中心，喺重重嘅低層圍繞住，你係永遠都接觸唔到高層，所以你要盡量影響佢嘅income 。所有嘅購物商場income都來自佢嘅租金，佢嘅租金係 depends on佢嘅人流。位於沙田嘅新城市廣場， 一直都以，成為全球人流最高嘅商場為賣點， 所以好應該還佢心願，日日去促進佢嘅人流，當抗爭者成為佢最主要嘅人流，就最有效影響佢嘅租務收入。總括而言，去沙田新城市廣場向前線員工投訴係有用而值得做嘅。
如果你係 染紅嘅仆街公司前線員工，喺大型抗爭點樣自處？
有人叫沙田新城市廣場嘅前線員工唔好再埋沒良心，辭職搵個份新工。新地嘅員工係佔全港打工仔嘅1%，即係全港有超過三萬人打緊新鴻基嘅工，叫三萬幾人同時辭職 ，尋找自己嘅良心當然唔太可能 ，又如果你自己都仲會因為生計，無法放棄染紅公司嘅工作，又有咩資格叫 其他人辭咗份工尋找良心呢？唔知大家有冇睇Simpson，Simpson 為打工仔定立咗一個良好嘅 打工原則：If you don't like your job, you don't strike! You just go in every day, and do it really half assed. 如果你很討厭你的工作，千其唔好罷工同唔做，你應該每日返去hea做。同樣道理，如果你唔鍾意民建聯嘅蛇齋餅粽，你應該拎曬佢嘅蛇齋餅粽，消耗曬民建聯嘅資源，然後唔投佢票。人工照拎，然後hea 做。
除此之外，small potato 記住人工越多，職級越高，責任越大，畀人投訴嘅時候，千祈唔好唔記得你嘅頂頭上司，或者頂頂頂頭上司。作為一個small potato，要將權限呢一樣嘢 牢記於心，好多嘢你做唔到決定，話唔到事唔識點回應，當然要拖埋頂頭上司或者頂頂頂頂頭上司落水，前線嘅small potato，人哋投訴嘅時候，應該清楚咁表明投訴信應該attention畀邊一個頂頂頂頭上司，職權有限，好多嘢都唔知道點樣直接回應，所以必須要清楚咁留低你頂頂頂頭上司嘅直線電話同埋email，一齊攬炒，仆街嘅時候 點少得佢哋一份。如果你係前線嘅員工，請確保自己身心嘅健康，善用有薪嘅病假。
既然地產商要舐政府為佢哋帶來嘅直接收益，就必然要承受政府帶來嘅直接禍害。共享香港嘅繁榮之餘，當然要承擔 政府嘅蘇州屎。
新地有26 個商場，分佈18 區，有一半都係直接連接地鐵站，又再一次證明香港係有幾明顯嘅地產商割據分地現象。再次remind 大家新地商場包括沙田新城市廣場，中環ifc，旺角新世紀廣場，尖沙咀新太陽廣場，觀塘apm，元朗形點，上水廣場，葵芳新都會廣場，大埔超級城，將軍澳東港城，屯門v City， 荃灣荃灣廣場，沙田homesquare，銅鑼灣世貿中心，上水新都廣場，大埔新達廣場，元朗廣場，柴灣新翠商場，新蒲崗mikiki ，將軍澳天晉匯，將軍澳將軍澳中心，屯門錦薈坊，荃灣荃錦中心，屯門卓爾廣場，北角北角匯，南昌站v walk。
中環廣場租金 在 灣仔十字門時代保利中環廣場玖洲新天地！片區唯一在售臨街金 ... 的八卦
珠海｜灣仔十字門時代保利 中環廣場 玖洲新天地！片區唯一在售臨街金鋪，最後清盤餐飲鋪高 租金 回報達5%，旁邊就係輕軌、華髮商都，坐擁20萬金領人流！ ... <看更多>