林忌：十幾年前 BNO畀人笑係「小老鼠」，成日畀香港傳媒用假資料抹黑話冇用，一班旅遊達人老作 BNO 「唔係英國籍」，跟港共政府話「只係旅行證件」，甚至吹到去海外唔可以搵英國使館，作到話要人搵中國領事館；呢十年八載，幾個月就有班中共五毛出來老作，話 BNO 冇用，笑人哋申請BNO，又笑人哋爭取BNO 平權。
十幾年來笑人哋爭取BNO平權係傻仔，爭取成功就華麗轉身去霸位，就係呢種蛀蟲，令香港爛腐到呢個地步；亦解釋左，點解今日嘅香港人，要集體移民去逃亡；今日之果，即昨日嘅孽，香港搞成咁，有好多責任就係來自遲鈍嘅人──你要去到2020年今日先續證？對中國政府咁有信心，對特區護照咁有信心，怕咩？唔使驚，要信中國政府！
97後出世嘅後生仔女，想拎都拎唔到，班當年拎左嘅，卻打死唔續證；爭取民主自由，好多人長期都無動於衷，票又唔投，時事又唔關心，一句「太政治，不了」，於是一路由香港爛。在前線打生打死，係靠班年輕人；而家要走佬，就益班有資產嘅人，合理嗎？班年輕人不停就BNO 放負，我明喎，我完全明喎，咁叫做公平咩？呢個世界公平咩？唔係戰狼教落，話出外記得拎住中國護照，再加「回鄉證」咩？做咩藍絲都排隊拎BNO？甚至連張咁簡單嘅英文 form 都唔識填，畀8千銀搵旅行社代辦？(節錄，全文按連結，請訂閱壹週刊）
中國旅行社回鄉證 在 更換回鄉咭網上預約流程| 自助機極速辦理換證| 乜嘢係相片回執？ 的八卦
中旅社 預約更換 回鄉 咭網址:https://www.ctshk.com/pass/bookterms.jsp. ... <看更多>