// 讀過歷史嘅，或多或少都會預料到未來大概會發生嘅事，因為歷史係由人性編織而成，可以預見嘅係，經歷高低起伏，再惡劣嘅情況總會回歸到人性所理想嘅環境，正如南韓台灣解嚴前、蘇聯倒台前嘅日子，一樣係好差。只係，雖然會大概預料到會發生咩事，但其實無力去阻止，因為我地係行緊歷史必經嘅軌跡，無論點都一定會有悲劇。如今共匪開始心急，發曬癲乜牌都打，但呢啲行為只會加速歷史進程。我地大家可以做嘅係，各安其分，順住呢個必經嘅歷史階段，大家盡力做自己能及嘅事，例如持續嘅國際文宣，只要大家同心合力，就可以加速呢個黑暗時期嘅過程，減少不必要嘅悲劇。我永遠都相信，香港會有重光嘅一日，極權會有倒台嘅一日，而我都唔會放棄呢個屋企，將來我地呢場奮鬥嘅事蹟會記載於人類歷史裏面璀璨嘅一頁
需知道自由民主思想永遠都係共產黨嘅敵人，香港人喺遊行、集會、街站、文宣等等工作繁多，攰就要抖下，一定要養足精神，大家唔需要自責，更加唔需要覺得無力感，甚至為此而灰心絕望
而共匪係冇可能自願改革，只有格硬將佢搓圓㩒扁先得，共匪宜家對內又豬瘟又鼠疫又蟲災，國內嘅豬肉同埋生果賣出嘅市價已經貴咗好多倍，對外香港事態已經通曬天又同美國打緊貿易戰，2020年庚子又發生核爆級武肺呢個生化瘟疫[sosad]相信宜家共匪正處於1989年六四以嚟最大嘅一次內憂外患，香港係有機會贏
各位要明白呢個歷史規律，喺大家都有去為民主自由而努力嘅前題之下，其實係一定會贏，只係我地唔知道幾時先會贏[sosad]呢個過程仲好可能會好漫長同有好多挫折。但最後一定會贏:)
點解呢？原因好簡單，因為呢個係人類歷史發展嘅必然趨勢，舉個例，起初人類係原始部落社會，居住族群越嚟越大，慢慢出現唔同文明、秩序、分工、經濟，後來就演變成封建君主專制社會，由皇帝皇室為核心，以君主至上或者上帝嘅名義以極權去管治國家
後來歐洲啟蒙之後神權至上嘅觀念受到挑戰，學者開始衝破傳統思維框框，思想同科技得以進步，促使民主思潮萌生，至於人類文明由君主專制時期轉變為民主自由時期，係由法國大革命開始，距離宜家已經超過200年嘅時間，我地可以睇到呢200年，有唔同民主自由制度推翻一個又一個君主專制政權，由民主制度取而代之，當然，期間都有斷斷續續出現大大小小專制嘅復辟，例如拿破崙復辟帝制，希特拉葬送魏瑪共和國，但法德兩國最終都係番返去由民主共和嘅制度下統治。
中國亦都一樣，中華民國遷去台灣之前都叫做短暫實現過民主（1947年頒行中華民國憲法 - 1949年中華民國敗走台灣），可惜比中共呢個篡國叛亂組織打敗，自此大陸疆域嘅民主進程中斷，香港1997年之後亦直接受到中共獨裁政權嘅波及，但係，嘅然人類過去幾萬年都走唔出呢條規律，只係存在咗70年嘅中共政權又點會走得出呢條規律呢？可以預見中國最終亦會好似法德兩國咁，極權最終都會滅亡，最後都會番返去民主共和制度之下統治
要記住，由法國大革命至今200幾年嘅時間喺成個歷史長河之中只係佔好短時間，你可以視之為過渡期，由專制到民主嘅過渡期，已經過渡咗200年，你可以睇下今日成個世界，民主政權成為咗多數，專制政權已經成為少數，而我相信，宜家嘅我地已經身處喺呢個過渡期嘅末期
所以，全球民主化其實係歷史發展嘅必然，將來係一定會發生，前題係必須大家都要去為民主自由而努力，正如呢幾百年嘅人一樣，冇佢地嘅努力都唔會令民主得以喺世界擴散，人類歷史發展規律一直引導緊我地，我地要跟住呢個規律，各安其位，做好自己抗爭要做嘅工作，順住呢個歷史規律去走，最終我地一定會為香港帶嚟真正嘅民主自由
永不割蓆，永不分化，保持改進 //
中國封建制度時期 在 Re: [閒聊] 明朝滅亡真的是因為袁崇煥嗎？ - 看板C_Chat 的八卦