Here comes a new challenger! 琴日轟動籃球界同香港娛樂圈嘅「余阮戀」，籃球巨星 Fisherman Lok（費沙文 ‧ 洛）就話：「過多幾年如果無對象，就一起吧！」
不到一天，小儀另一位緋聞男友，有「被天使吻過的聲音」之稱嘅樂壇天王黃宗澤，係接受頭條日報訪問回應「余阮戀」嘅時候，駭然宣布加入戰團！
澤囝：「我跟樂仔一樣啦！如果幾年後識不到女朋友，大家咪試吓，既然個個都咁講，唔差在我啦！要將這件事變成hot item。」被問到點睇小儀，澤囝就話「角度上（俯瞰小儀），滿足到我大男人的慾望！她簡直是賢妻良母型。」
據知，澤囝同小儀係2011年拍攝劇集【情人眼裡高一D】嘅時候，有一段法式濕吻情節，咀到澤囝回味無窮，回甘味道至今仍然令澤囝念念不忘，早前更拉埋澤媽去小儀鋪頭，以「媽媽攻勢」打動小儀，最近更積極健身，練出一身好體魄，積極迎戰運動員出身嘅洛囝。
面對係體育界同音樂界各有成就嘅兩位筍盤，忽然惹來一身狂蜂浪蝶嘅小儀，叫佢如何是好？爭餐死，究竟洛囝同澤囝，邊個會勝出？
#不枉我一直力捧洛囝同澤囝 #我有taste
